اهلنا اعزاز بس شحوا علينه وصاروا ابعاد
شبعنا فراگ. يمغربين فدوه شلونكم غاد
هم ترجع بعد ايامكم ذيج هم ترجع علينه وبعد تنعاد
تدرون الجروح تهيج كل يوم تدرون الگلب للساع ماهاد
شنسا شلون انسا وتسكت العين وهي تريد شوفتكم يالبعاد
الفگد أمه وأبوه شلون يرتاح أنه الجربت بس كل شي مافاد
جربت الصبر،،، جربت الونين،،، جريت الجروح المالها ضماد
يالعفتوني وحدي معاشر،الليل، ،هي العيشه وبهل حال تنراد
بغير وجوهكم أيامي بس ليل وانه العالشمس تدروني معتاد
معتاد بصلاتي ادعيلكم حيل مثل مشتاگ جاي وياخذ مراد
واقره الفاتحه بكل يوم مرات. واذكركم بگد الماي والزاد
ومن انوي الزياره وياي ناوين ومن اقراها اردد واذكر اعداد
يالغالين ما ناسيكم بيوم وآنه ويه الزمان اتعاند عناد
الهي ارحم عبادك يارب الكون عفوك رحمتك
يارب العباد
عفوك رحمتك يارب العباد