الرادود الحسيني أحمد المالكي

ألم فراق زينب //ع بفقد الزهراء //ع


ييمه الزهره حاچيني دليلي بحزنچ اتعذب

*--------------------*--------------------*

يالحزنچ يهد الحيـل اذانــي و جــرح گلبـي
بعدني بحاجتچ يمـه يشمعة ناظري ودربــي
عليچ بداعة ادموعي وعليچ بداعتي وحبي
كلمه اتجبّر الخاطــــر اريدن منـچ بطلبـي

يروحي وبضعة الهادي
صعبة البضعه تتغيب

*--------------------*--------------------*

شيعوض حنـــان الام ييمه ابيش اعوضنــچ
أظل بدمعة عيونــي لو ساعة انحرم منـچ
أشوفن حجرتچ ظلمه وانتي الزهره ما چنچ
يالترفه شيظل عنـدي وفارگني الدهر عنچ

گلتي بروحتچ هايه
شيظل بگلب زينب

*--------------------*--------------------*

اصبر والصبر شيفيـد . و متهدم ركن حيلــي
ظلمه الدنيه صارتلي . وظُهري يشابه الليلـي
ما احمل وداعچ هـاذ . رحتي بسرعه يا ويلي
ساعات الهجر مـــره . طيف بنومي وديلـــي

اخاف اطول الغيبه
ونيران الزمن تلهب

*--------------------*--------------------*

شاهدت الحرك بالدار . وإيـد الظـالم امتدت
والباب الثگيلـه اعليـچ . بچفـوف الحقد ردت
شفتچ گمتي يالبضعـه . شدّه وحسبـت عدّت
ماادري انهشم صدرچ . وكلهه اضلوعچ انمردت

ايد الدفعت لبابچ
بيهه اخيامي تتسلب

*--------------------*--------------------*

شلي بعمري واسنينه . واشاهد صدرچ وكسره
والاصعب ييمه العين . ضلت تنزف وحمره
خدي اجــرّح بدمعــــي . وگلبي ما نفع صبره
مكسورة ظَهر ضليت . وصعبه الينكسر ظهره

بزغري وشاهدت لوعات
وراسي من الهظم شيّب

*--------------------*--------------------*

أريدن للگبـر ويـاچ . جسمي وجسمچ يضمه
يبقى معاشر الحسرات . واحزانه التموت امـه
نهاره وليله يتســــاوه . و يصير العمر ظلمـه
ما ادري بعجل ترحيـن . يمه وغيبتچ هظمه

ظلمه الليلة محرابچ
والحجرة البقت تنحب

*--------------------*--------------------*

اصدن نعشچ اگبالــي . و اصبر روحي ما اگدر
صدرچ هشمه الملعون . ومايدري الفحل حيدر
عينچ تنسطر يـا حيف . فجئه و صار المگدر
عاشرتي الحزن والنوح . ودموعه الجفن حدر

ضنيت العمر وياچ
بالي بهاية ما حسب

*--------------------*--------------------*

✍بقلم خادم الحسين ع
الشاعر رعد الچريخي

مشتاكلك يمته تمر عليه
مشتاكلك كل حيل ما ضل بيه
حنيتلك تدري اهواي ردتك تسولف وياي
مشتاكلك خويه
*
مو كل اخو يفكد اخو الفاكد اخو شيصبره
ينطيك كلبك يالحسن ضهر الحسين تكسره
كلشي يروح وينسي بس تبقه خويه الذكره
ضليت انوح بغربتي وابجي اعله ذيج العشره

محتاجلك لا تمشي وتفاركني
محتاجلك شبكت اخو تشبكني
من تمشي اضل ابلا راي ردتك تسولف وياي
**
بالكوه اجر كمت النفس ضاع الهوه وشميتك
ضاكت بعيني دنيتي ياخويه وحتاجيتك
روحي ادفنتها بالكبر بالكبر من خليتك
والبيت ما ينطب بعد يمته ترد البيتك

لتعوفني بداعت هذيج الخوه
لتعوفني يالفركتك مو حلوه
كل لحضه تهمل عيناي ردتك تسولف وياي
*


من تمشي عني يالحسن كلي اشيضل بجروحي
مو روحك الطلعت تره وياك طلعت روحي
يمك نحت خويه وكلت هلبت يكعدك نوحي
حيلي هدمته من رحت وهديت خويه اصروحي

ونيتلك يالموتتني بموتك
ونيتلك خويه وشلت تابوتك
ظلمه بغيابك دنياي ردتك تسولف وياي
**
زينب شكلها يالحسن لو ناشدت حاجيني
زينب حنينه ولو بجت يم راسك تبجيني
اعله دموعي ما لحك كمت وانه الدمع يجويني
وتكلي معقوله الحسن ما راح اشوفه بعيني

حاجيتها وكلتلها ارحمي بحالي
حاجيتها ياخويه راح الغالي
خويه ويروحج بهداي ردتك تسولف وياي
*







افراك الاخو ما ينحمل والله يعين الفاكد
وياخويه تدري بدنيتي غيرك اخو ماريد
اتفاركنه وندار الزمن واحد مضيع واحد
وحسين اخوك بحيرته يبجي اعله كبرك كاعد

بجيتني اوسد الكبر بيبانه
بجيتني وصعبه التروح اخوانه
طال الهجر يا رجواي ردتك تسولف وياي
*
احزام ضهري الكربله ياخويه اريدك تدري
بعباس باجر عالنهر ينكسر رايح ضهري
باجر يجي يمي الشمر وبسيفه يكطع نحري
وذيج الحوافر لو متت كل ساع تسحك صدري

بالعاشر مارايح ايرحموني
بالعاشر راح العده ايسلبوني
وانه انحرم من الماي ردتك تسولف وياي
*
تمت
تحسين الخفاجي

اعتذر عن تقصيري وياكم والتمس منكم العذر والعذر عند اهل الكرام مقبول
احبتي ان شاء الله سأوافيكم بقصائد والحان جديده
خادمكم #احمد_المالكي

#نعي_بمقام_الكرد

حوار نعي بين السيده زينب ع والامام الحسين ع في ليلة العاشر من محرم
———————————————

تالي الليل ...
ارد اودعك وحدك مارايده احد
تالي الليل ...
تنزل دموعي يغالي ونفسي يصعد
تالي الليل ...
انخه بخيوط الشمس خليها تبعد
تالي الليل ...
خيتك انه وياك اخر كعده اكعد



خويه زينب...
والله ماهاين عليه فراگج
خويه زينب ...
انتي يمي وشاهد الله اشتاگج
خويه زينب ...
عتبي هسه الصبح ياذي اعتابجً
خويه زينب. ..
هي ساعات وتروح احبابج



اخ يحسين...
بله كول اتحملت فركاك ليه
اخ يحسين ...
شلون اذا شمر وزجر صدو عليه
اخ يحسين ...
اليحب وي محبوبه يتمنه المنيه
اخ يحسين. ...
هسه يمك خدري بس باجر سبيه




خويه باجر ...
حافيه لاتركضين الرمله تحرگ
خويه باجر ...
لاتصدين اعله صدري الخيل تسحگ
خويه باجر ...
يبقه بس گلبح وصيوانج محرگ
خويه باجر ...
تنسلب ترجيه بتي واكو علويات تنطگ


طالب الصالحي

🚩 يمه زينب .... وين وداچ الزمان🚩


يمه زينب .... وين وداچ الزمان
يمه زينب .... وين صرتي بيامكان
رحمي ياكربلاء.... زينب مدلله

قلبي يازينب .. من الحزن شيب 
ابجي لمصابي وعلى مصاب الغريب
روحي تتالم .. دمعي ينزل دم
من اشوف حسين مذبوح وسليب
وادري بالمصرع .. لو جرى المدمع
لايفيد ولاكو لجروحي طبيب
واقفه واسال .. زينب على التل 
تنادي ياحسين وبجت مامن مجيب
على الفواطم. زينب عليها صعب 
على الفواطم. تنظر اعيون الغرب
هامت بها الفلا .. زينب مدللة
رحمي يا كربلا .. زينب مدللة

يمه زينب .. وين وداج الزمان 
يمه زينب .. وين صرتي بيا مكان
رحمي يا كربلا .. زينب مدللة

العايله احتارت .. من العطش صارت 
تشرب ادموع اليتامه وما روت 
مخدرات حسين .. تركض برجلين
احترقت بنار المخيم وانجوت 
لمت العيله .. وهيا تشكي له
وحشة الليل الطويل وما قضت
والنذل واقف .. سوطه ويشاقف 
يرعب قلوب الارامل لوبجت 
والمصيبه. تبجي يضربها النذل
والمصيبه. حضروا نوق الهزل 
لليسر راحله .. زينب زينب مدللة
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان 
رحمي يا كربلا .. زينب مدللة

نادت اعلى حسين .. بلقلب نارين
نارك ونار الهضيمه الماتهيد
انظر اطفالك .. خويه وعيالك
والفواطم من تون ناري تزيد
من درت فينا .. والخلق جينا 
تنظر بعين الشماته وعندها عيد
خويه مرينا .. كل دواوينه
فرجه سوانا عقب عينك يزيد
ابلا محامي . وحيده زينب بلا كفيل 
ابلا محامي. بس ارامل والعليل
كم هظم شايله .. زينب مدلله
رحمي يا كربلا .. زينب مدللة

يمه زينب .. وين وداچ الزمان
يمه زينب .. وين صرتي بيامكان
رحمي يا كربلا .. زينب مدللة
رحمي يا كربلا .. زينب مدللة


🍀الشاعر احمد الهلباوي

#محـــــ١٤٤٣ــــرم
للسبي


راسك اويـــــاي وماتركنــي
رغـــم الاسياط الالمتنـــــي
من خدري الـ هزيلـــه .. هاي انـــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

من صعدت الناكه وحدي .. راسك اكبالي برمح
والحجر بعـــده بجبينك .. عمت عيني ومنجرح
خدودك الجنها امنياتي .. منها يشرق كل صبح
اثر لأسهام وحوافـــر .. ومن اشوفـــك انذبح

مخضب الشيب وما عرفتـه
و جان ويـــــاي ياكشختـــه
والرحلــه الطويله .. هاي انـــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

رحله من نوع المصايب .. كلشي بيها للالم
وين مادير انه وجهي .. الكـــه شيال العلم
اتلاثه وثمانين طفله .. بطفل ماواحد سلم
مكيدين اعله المهازل .. وبلحبل جفي انلجم

كلشي ينعــاك غيـر ابونـــــه
اسمـــع اونين وشتمــونــــه
بحجايـــه الثكيله .. هاي انـــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

من اجينه بهل اراضي .. ضلت شموس بفله
وكلمن اتــودع ابوها .. وتنوخـــذ للغافله
وهاي رحلتنه الطويله .. للسبـــي من كربله
هذا كله الصار واكثر .. من تـــــون العايله

بوكفـت الباب اضربوهـــا
يمها نســـوان ونــزلوهـــا
ضليت اشتكيلـــه .. هاي انـــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

بالخرابه من كعدنه .. صارت اوياي المحاجي
من سمع ون طفله يمي .. شبيها ميته بالبواجي
من عــــرف بيها رقيه .. طلع اكبالي التراجي
وهذا راس الكلتي عنه .. انتَ اهلي وانتَ تاجي

شتـــم الراس ورد ضربنـــي
وهــــذا عباس ورد شتمنـــي
بحزانـــي واجيله .. هاي انـــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

الليل لو جلجل علينه .. يكضي بونين وحزن
من دمع هاي اليتامه .. الســـــواد البلمزن
انجابل الروس بنواعي .. ننحب اعليها ونون
واختلف كلشي يخويه .. عليكم لهسه نحن

كلهم ارجـــــاس ويه ضعنـــي
والتمت النـــاس محد رحمنــي
صعبه امنين اجيلـــه .. هاي انــه العقيله
راسك اويـــــاي .. راسك اويـــــاي

ــ⊱☆☆❀☆☆⊰ــ

الشاعر : فيصل عاشور المنصوري

👆#طور_جديد

👆طور اهوازي

مشونه بدرب يحسين ناكة وتعثر بناكة
يهل الشيمة ما ترضون وي الزلم نتلاكة
*****************
مشونه بدرب يحسين نوك امهزلة جابوهه
شما طاحن سوية انطيح والنسوان طكوهه
زينب طرت الديوان يهل الشيمه ترضوهه؟
لكعدتنه العصر يحسين تدري شكثر مشتاكة
*****************
جابوهه الهزيلة وصاح زينب ما تصح شرده
اختك والعليل حسين محتارين بالصعده
كتله امشينه للعباس يم المشرعة انكعده
واذكرنه بسوالفنة من نكعد المشراكة
*****************
الما صارت كبل يحسين بدروب اليسر صارت
زينب بالثلث مرات من فوك الهزل طاحت
وين انطي الوجه لا وين خيل وي الزلم دارت
اسياط وخيل والنيران هدت علي سباگة
**********************
كتله اتريض بممشاك يالحادي المشي بهيده
بلكت ينتهض عباس عنه المشرعة ابعيده
ما يترك ضعن زينب و يحديهه الهزل بيده
ما متعوده اعوفنه اخوي ويلجم افراكة
*******************
الما سحكت العتبة بيوم هسه عالجمر سحكت
من سوط الشمر خوية اهدومي على الجلد لزكت
شردت من لهيب النار راحت للنهر ندهت
كالتله يبو فاضل افراكك نار حراكة
************
الخادم احمد داود