خذ ما تبى يا مالك الملك عربون
من مالنا من جهدنا من دمانا

رضاك غايتنا وما غيرك يهون
ولك يعود اخلاصنا وانتمانا

يا الي نصر موسى على جيش فرعون
نصرك على العدوان غاية منانا

كم قد تعدى ضدنا حلف ملعون
واسرف على ظلم اليمن وابتلانا

وكم فقدنا من سنافي وميمون
نال الشهادة لجل نسلم عدانا

يجتاز صعب المستجدات ويمون
فضله علينا مثل قمة سمانا

واحنا على دربه والاخلاص ماضون
نقدم ولا نخشى ابو من غزانا

العز فينا والشرف كنز مكنون
ولنهج ربي والمسيرة ولانا

لو يحشدو العالم علينا ويغزون
ما نعتبرهم غير وجبة عشانا

دون الشرف ما نرتضى عيشة الدون
كلا ولا نرجع وراء عن هدانا

ولا نخلي شعبنا ملك طحنون
واذا رضيناها فجزو لحانا

لو ينفقو من لجلها اموال قارون
با يطعمو في الحرب شدة لقانا

نحو المعالي قد حرفنا الدركسون
نسرع ونسرع لجل نيله خطانا

ما نرتضي غير السيادة على الكون
نختم من اجله بالشهادة منانا

ما دام فينا العز جاثم ومخزون
والمجد يجري في مجاري دمانا

فاحنا شموخ المجتمع حيدريون
تجري الكرامة حيثما احنا ورانا

حتى الشرف فينا متيم ومفتون
والمجد في خدمة هدفنا تفانى

شاعر الاحرار #ابو_العباس_مفلح
#إتحاد_الشعراء_والمنشدين

https://t.me/aboyahyaalshami