ﹾ٭ﹾ احتـﹻﹻﹻﹾۅاء٭ ۦ۬٭ٰ-

سير يا شريج الهيل
تلگاني نعش متعوب
مر چم برزخ بروحي ولا مريت
يل غنيتلك عمرين غير الماعرفهن وين عدمن صارن لياشيب
يل الهجرك سهر مغبون غث الليل والحسبه
يبلسم كل صبر مطعون
مر بيه شتال عيون
اخضرلك دمع تواب
حطني بكل عزه يوازيك
اساجي الفاچدات عيون وتميز بنصهن حيف
يل المالك عرف بالماي دخانك وصل للطيف

حيدر الحمداني

كل ذاك الفرح ينشال
وضنون المحبه تضل بلايه وداع

_

زقني
بلذيذ النِفَس
گطْعِ النِفَس
للشمس
واميتك لذتي وفوگ التبرزل طَعم


مظفر النواب ||

افرش جروحي بـ شليلك
جيس، دمهن ياوجع بيهن قديم ..

من فگدتك
گمت اطش روحي اعلى كل شباج فصليه
بجي والله كريم

انت حلمي وشوفك بـ روحي شتريته

ليش نايم وانا ماكو
فز يحلمي اكدار حلمه الشاعر تفز شاعريته

گود عيني
المايگود الطيف شوفة. تكبر الضلمة بخيالة

شضيع المكتوب يـ الدمعك هلا وصوتك دلالة..

وليش كل ساعي دنت نفسه اعلى حزني
يموت لو فك الرساله

وموش وحده بـوحده تحسب
جلد مكتوب الموادع مايمض بيه البـجاله.

والدمع مرواح مثلوم اعلى بيدر
ينعرف جتاله كيفه

للموادع مامحسب وهمتني

الينام وشايل حموله اعلى متنه مايريد يوهمه طيفه

كسرت مرايه دمعتي ومالي جف يصير راگ..

وحنه غشمة
انا و عيوني نفرزن لمعت الشذرة بهاگ

وهمتني..

وانا شاعر كلبه جفه ، مفطره بيه القصايد

كل جرح يصغر ضماده يفيض زايد

او مو تعرفه
طمع گلبي وجرحه اكبر من شليله

لاتروح شلون بيه

شيلت التابوت سهله وفركت الميت ثكيلة

يخضر او مضمام عشگي من يصوفر
خاف لا يسمة حطبه.

و من فگدتك عاتبيته

ياگنز روحي الرخيص الضامينك بـ غله منك
جان مضمامك گلايد وانت جنت حزاز رگبه

وموش گبحي انا تعرفني

ودوم اگل للهور هاك شفاي اخـذهن وطني گصبه

يارفيجي
شكثر باجيك بسكتي ،
المامربي القفص جنحه وراد يعله مايطلع جناحه صفگه

وين يامضمامي الاخضر
ربعك وعدلين كلهم ما الك بالموته رفگه...

عاد اخذني انگاب افيدك
النگاب اعلى الغريب زواگ ينشد

بلضنون ايصير شوفك بـلچي منهم غاد تنعد

ياغصن ، يـ العشي فوگگ
العشوش تبان بالفي عل الغصن وزرة ومعاضد

لليل غاد و ماكو في ينشاف عدهم
غاد وسفه تنقري بشارت مـواگد

وين رايح
وانت مو بدوي او تسافر
مهو البدوي امتاعه ناسه اليذبح الوحشة بغربته
يـ المتاعك عيبك انته

وانا عيبي اعلى البعيد امولـفه روحي

ومن تمر حمرة غروب ، تگول
هذا اشداد محطوط اعلى جرحه...

ومن يدور الخوف بيها
تظـل تاكل روحه ابلا لهو الـرحه

او مو الك ياصاحبي.. التابوت اليه
هلي بجيوبي من اسـافر
يلن متعود عليهم هلي بس فوك الجناسي

او لو عزت ياخوي اگلك
انت عاشگ خـاف حسباتك جبيره هاك راسي

امير ال جدوع

تدري إنته شگد صعب؟
بگد حزن جنطة غريب
بگد حبيب
يضحك بوجه الغُرُب
تدري إنته شگد صعب؟
بگد حزن طفلة
مشت خطوة
ونكت بيها الدرب
تدري إنته شوكت تدري؟
من نضيع
وبعد ما ندري
شجاه الطيف؟
يعثر بالگلب
تدري إنته بيا حلم؟
بيا ربيع
شما نسيتك ينثلم؟
تدري إنته؟
شكثر إنته بروحي؟
ودموعك على خدودي تصب؟
يا نبي يخضّر بديّه
بكل مسيّه
تدري من تستاحش بروحي
أشِب
واشتاگ
واعبِد
وانصلب؟


_عامر عاصي

سولفلي الهداية اتذبهة تبقة وياك؟
اشيجي ابالك عليهن من يسألونك؟

خايف لا مثل ما خنت هم تنخان
ماريدك اتعيش العايشه ابدونك

بعدين إفتهمت السكته موضوع ، وسكوتك ع الرسآيل هم رساله !

گلبي يسألني عليك وما أعرف گلبي شگله
سهلة تبعد يا حبيبي وهاي أصعب شغلة سهله.

وتسافر بليل الحزن
جذاب حلمك
والجفن
وبعده الصراع ويا الزمن هو صعب
وانت مرن
ليش الحزن رباك صايرلك
ابو ...وليش برضاتك صاير لحزنك ابن ؟




الكاطع

وكت خله الذهب ينسد مچانه بخيط

#علي_نافع

نسمع بالفرح ماشايفينه اشلون

#علي_نافع

اكو كبلي نبي كالو مكلم الطير
وانه اول انسان يكلم الورده

ايهاب المالكي

مــوت ياهو الوهمك بالناس غيم ..؟!
مــوت يا شبــاچ ضيم
مــوت هلبت من تموت تجيس حلمك
مــوت هلبت بالمگابر تحضى بـ بنادم يلمك
مــوت يا ذابل شتنطر ..؟!
ويـنها الريــه التشمك ..؟!
ويـنها چفوفه التنطرة وما ينطرك
خـاف ترخص بالمشابگ من تضمه وما يضمك
خاف بارد وانت حار يفور دمك ...

جواد زغير

انه عافيتي وعرفها مثل زيادت الميزان لازم ينوخذ منها


اليوم كله باهر

انه محبس قديم الهسه يتذكر
شكو واحد كبل باعه

باهر الجنديل

السنين اتمر عكس علثوب
يبدي يموت اذا يصغر

باهر الجندويل

شلون اسكت وانه دمعي جتف بسمار اذا طبطب علي ينزل

باهر الجنديل

شتصير منك راحة البال
وهذا الجرح شيصير منك

شومن رحت لليوم كلساع
يبجون ويسئلوني عنك

كل يوم اكلهم باجر يعود
يضحكون ويكلولي فنك

كل مره تفكد تسأل تكول
هالمره ابد متعود جنك


_احمد الزرفي

بعدكَ غايب وحاظر
شمس حبنه ورا النهران طاحت أخر الأخر

تهت لَمّن تهت ، نحلان
چني غارگ بشاعر

مثل جندي مَنْ أجل ميموت لابد بأخر الساتر
مدري أنه الغريب أهنا
مدري الغريب أنه



عبد العظيم السوداني

الليله شح الهوه
محتاج احجي الوجع ، بس حاير ويامن

ما بين اصفن واحن
ما ادري ومن التعب ، گبلي الصور نامن !

يحچون بيك و افز ،
كلي انعصر خايب ،
عصرة ضلوع الظرف
لو عرفو شجايب


- باهر جنديل