#شهادة_الامام_علي-؏

الــﮠــاشــﺭ اζـــﻣــد الــﺯۄار

🖤الســلام علــﮯ يعســۄب الــديــﮠ🖤
ـــــــــــــــــــــــــــــــــــــــــــــــــ




خــــــبّرني شـــــــبدالك بويه حـــيدر (نعي)
من هالليلـه أحس گلبك تطــــــــــــيّر
*
أشـــــوفك ياعلي موش اعلــه حـالك
ياحامي الحمــــــــه خـــــــبّرني مالك
من هالليلـــــــــــه يابويه شــــــبدالك
أحس گلبي إنخمش جنّه او تطــــــيّر
*
جفنك لاغمــــض هالليلـــــــــــه لانام
من دون الليالي بشـــــــــهر الإصيام
ياوالد الفقـــــــــره او والي الأيتــــام
أســــــــمعك تنعه نفسك يامشـــــكّر
اشلون تروح عنّه او تمشـــــي لبعيد
او تيتّمـــــــــنّه يبويه بفــــرحة العيد
علت صرخة عزاها وصاحت او بعيد
ابعيد البلــــــــــه وياعيد الأكشـــــــر
*
علـيه دارن ســــــوه أولاده او بناته
اوغدن كل واحــــــــــده تلوذ بعباته
يســــمعن للأبو ينعـــــه ممــــــــاته
او گلب كل واحده الواليها فــــــرفر
*
چن عـازم يبـــــــــــويه تروح عنّه
ويتشّتت عگـب عــــينك شــــــملنّه
يبـــويه خـــــــــلاف عينك ياهو إلنّه
بچتلك لوفجـــــــــر هالليلـــه كـــــبّر
*
المحراب الصّـــــــلاه حيدر تجـــــدّم
سجد للبـــــاري هامـــــه وبدعـا هم
لن سـيف المرادي ناجــــــــــــع بدم
هام المـــــــرتضى البسّيف منطــــر
*
الدّاره المـــــرتضى حين أعتنوا بيه
لگـــــــوا عالباب زينب يامـــــواليه
يبو محمد تگلّـــــــه والدي شــــبيه
خضيب الشّيب أشــوفه بدمّه محمر
شســــولفلچ يخــــتنه راح إبــــــونه
ومن عــــــــنده يزينب يتّمـــــــــونه
صــــــــابوا هامته او بيه إفجعـــونه
غميج اصواب أبوچ وحيله فـــــــتّر
*





الشّاعر
أبو سجّاد الجعفري /18 رمضان 1433هـ

🎤مؤسسة منبريون للالحان رقم 1
@ahmed_alziwar1

🎤مؤسسة منبريون لنشر القصائد 2
@ahmed_alziwar2

🎤مؤسسة منبريون للمقامات3
@ahmed_alziwar3

🎤مؤسسة منبريون للنعي4
@ahmed_alziwar5

https://telegram.me/ahmed_alziwar7