نه بيله ئيديم بو سئوگينين سونو يوخ
نه بيله ئيديم دونيا بئله دؤنه جك.
نه بيله ئيديم سئوگی آدلی بو قوناق
ايكيميزين آراميزدا اؤله جك...
 

اولو سئوگی گؤيدن يئره ائندی می،
نه داياندی يولوموزون اوستونده؟
بو محبّت سويودوغجا سن دئمه،
جان وئريرميش قولوموزون اوستونده..
 

هر گؤروشه سورونوردو آياق لار..
او چمنلر بير باهارليق چمنی.
دوداق لاری يانديراندا دوداق لار
اوره ييميز اوشويورموش، دئمه لی.
 

ايلنجه لر قويمادی كی،گؤز آچاق؛
هر ايسته يی بيز بئله جه بيتيرديق.
پاييز گلدی توی بايراملا، بيز آنجاق
يارپاق_يارپاق گونوموزو ايتيرديك.

 
شيرين اولدو يالانلارين زهری،
حقيقتی گيزله ميشيك هميشه
سئوگيليلر اوياق آچدی سحری،
بيز آخشامی گؤزله ميشيك هميشه..

 
يوخو گؤردوك..گاه قورخولو،گاه دا شن،
بوغدو بيزی ترددودلر آخاری.
يوخولاردا اللر گؤردوك بيرله شن،
ها يوزدوقسا هجران اولدو آخيری..

 
نه بيلئيديک بو سئوگينين سونو يوخ،
نه بيلئيديک دونيا بئله دؤنه جك.
نه بيلئيديک سئوگی آدلی بو قوناق
اؤزؤموزه باخا_باخا اؤله جك...

 
نصرت_کسمنلی