بو گوروش نه آجی قیسمتمیش بیزه
ائله بیل بیر کدر گولونه دوشدوک
سالامسیز کلامسیز دوروب اوز-اوزه
بیر خئیلی باخیشلا، گوزله گوروشدوک

اسدی اوره‌ک کیمی اووجومدا الین
سن ازل بو قده‌ر کوورک دئییلدین
سن ازل بو قده‌ر مئهریبان، حلیم
سن ازل بو قدر قشنگ دئییلدین

هانی عومروموزون او کئچن گونو
هانی اوز عهدینه او دونوک آندیم
سنین "گل باریشاق" تبسسومونو
من او واخت ال آچان دیلنچی ساندیم

ایندی دایانمیشیق اوز-اوزه، یاخین
تاسسوف چای کیمی آخیر آرادان
بلکه ده وعده‌سیز یاخین اولماغین
جاذیبه گوجوندن تئز آشیر اینسان

بیر عشقین دولاشیب ایتن یولونا
توتما چیراغینی بو عالمده سن
کاش ائله مزارا ئدن یولوما
گوی ایشیق اولاسان بو گورکمده سن

بلکه ده یوز دفعه گوروشدوک بئله
یئنه خاطیره‌لر، یئنه تاسسوف
تاسسوف تاسسوف تاسسوف ایله
قاییدا بیلمه‌ین گونه تاسسوف


میکائیل_مشفق