داغ داغ سینه مده غم قالانار گؤرمه سم سنی
یورد تک اورک ده پارچالانار گورمه سم سنی

واردیر قورآندا داغ تالانار ، اود توتار دنیز
اوکیان یانار ، و داغ تالانار گورمه سم سنی

یوللاردا آختاریر سنی یورغون باخیشلاریم
کؤنلوم یولوندا دالدالانار گؤرمه سم سنی

من آغلامازدیم آمما بوگون دولدو گوزلریم
هئچ بیلمه دین گوزوم جالانار گؤرمه سم سنی؟

بیر یول گؤرنمه دیم سنی مندن آییرمایا
یوللار ایچیمده هئی دولانار گؤرمه سم سنی

سن سيز دنیز دنیز آی عزیز آغلایار گؤزوم
داغ داغ سینه مده غم قالانار گؤرمه سم سنی


عارف_ساسانی