لسان حال العليله ع
وزن هجري
-----------------
ما نسيتك... مانسيتك
لحضه يابوي الحنين مانسيتك
ضيعيتك... ضيعيتك
وسفه ماشوفك يغالي وضيعيتك
❥✿•┈┈• •• •┈┈•✿❥
وسفه ضيعت الحنين بجاله جنت امدلله
صعب يفراكه عليه مكدر انه اتحمله
بعد منهو لو يجيلي اشهگ انه بالهله
روحي ماضل بيها حيل عگبه كلش ناحله
مالکیتك......مالکیتك
دورت کل المباني ومالکیتك
ضيعيتك... ضيعيتك
وسفه ماشوفك يغالي وضيعيتك
الشـاعره الـملـه مـهـا الخـيـگاني
❥✿•┈┈• •• •┈┈•✿❥
لان خلوانه المباني روحي تنشدني عليك
وين دربك وعتنيلك يا نضر عيني واجيك
ادري هذا الهجر بويه لا بديه او لا بديك
انه مشتاكه على صوتك مشتهيته اسمع حجيك
ناطريتك ........ ناطريتك
عالدرب يا بويه انه ناطريتك
ضيعيتك... ضيعيتك
وسفه ماشوفك يغالي وضيعيتك
ام سـ✍️ـجـاد العسكري
❥✿•┈┈• •• •┈┈•✿❥
اصفن بحسباتي افكر بيها اروح وبيها ارد
ساعه انظر للمباني خاليه وجبدي انمرد
يالحديتو بالضعينه ذوب اگليبي البعد
ياوكت ابگه انتظركم والله تعبني النشد
حسبيتك ...... حسبيتك
بالعجل ترجع اليه حسبيتك
ضيعيتك... ضيعيتك
وسفه ماشوفك يغالي وضيعيتك
✍ام منذرالحجار
❥✿•┈┈• •• •┈┈•✿❥
بویه یا هیبة وجودي یاصرح عزي المجید
لحضه بغيابك يغالي روحي ما تقبل تهيد
آنه متعوده عله طولك من اشوفه ارجع جدید
بویه کل نظره العیونك. عمر ثاني اشگد سعید
شاعریتك......شاعریتك
مالك احساسي او وجودي بشاعریتك
ضيعيتك... ضيعيتك
وسفه ماشوفك يغالي وضيعيتك
✍العلویه ام ضیغم المحنا
❥✿•┈┈• •• •┈┈•✿❥
دورت كل المباني نورك الضاوي اختفه
مفاركه انه وهم عليله وانت لكليبي الشفه
شلون اعيش وانت ماكو والابو شنوصفه
من بعد عين الغوالي ريت ع الدنيا العفه
ودعيتك ..... ودعيتك
ودعت احلام عمري او ودعيتك
ضيعيتك... ضيعيتك
وسفه ماشوفك يغالي وضيعيتك
ام علي البابلي
❥✿•┈┈• •• •┈┈•✿❥
والله مشتاكه لكعدتك يالابو يابو الحنان
وسفه صوتك غاب عني وضيعتك من زمان
لون بيدي مااعوفك اكعد بذاك المكان
البيه دفنو روحي بويه يالجنت النه أمان
اه بيتك .... اه بيتك
ينحب بلوعه يبويه اه بيتك
ضيعيتك... ضيعيتك
وسفه ماشوفك يغالي وضيعيتك
ام ساره خادمة الحجه عج
❥✿•┈┈• •• •┈┈•✿❥
روحي ضلت للمصايب ولهضم يهلي الرحم
منشفت حادي ضعنهم صار كل ليلي هضم
جنت دوم الدوم انام وغفه بحضان الحلم
ياهلي هالفركه تكتل لموت وجهلي سهم
من نخيتك , من نخيتك ماكمتلي من نخيتك
ضيعيتك... ضيعيتك
وسفه ماشوفك يغالي وضيعيتك
ام روكان الشمريه
❥✿•┈┈• •• •┈┈•✿❥
يمته ترجع يا ضمدنه ونحتفي باحضانك
يمن بوجودك سعدنه والفرح عنوانك
نذر ازرع ورد بوية من ترد لامچانك
واعلگ الزينة واغيضن بيها كل عدوانك
ما حويتك .... ماحويتك
ماي وتبده من ايديه ما حويتك
ضيعيتك... ضيعيتك
وسفه ماشوفك يغالي وضيعيتك
✍🏻العلوية أم منتظر جمال الدين
❥✿•┈┈• •• •┈┈•✿❥
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 17 ربیع الثاني 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
https://t.me/Alaqelaa313
