ګنهګار یم

ګنهګاریم د توبې ودر ته ناست یم
زه دې لوڅ سر لوڅې پښې ودرته ناست یم

پاکه ربه له عیبونو څخه پاکه
ستا بنده ستا ده اسرې ودرته ناست یم

تانه بل د توبې در نلرم خدایه
ځکه نن دې شونډې پرې ودرته ناست یم

ای غفاره ای ستاره ای قهاره
هم په ورځ هم دې په شپې ودرته ناست یم

ته رحمان یې ته رحیم یې ته اکبر یې
زه عاجز دې زړه ټوټې ودرته ناست یم

مهاجر ته مغفرت وکړې خاونده
ستا په طمعه سترګې سرې ودرته ناست یم

مهاجر