شې ګنهګار به که له دې مینې انکار وکړې
دایې دی وخت که غواړې ګران وطن ته کار وکړې

د بربادۍ او خون رېزۍ منصوبې مه جوړوه
هسې نه بیا په یرغلګرو اعتبار وکړې

ګوره له عفوې ګټه واخله بغاوت مکوه
چې محافظ دې وي طالب له چا به ډار وکړې

ناموس په امن سر په امن نور څه غواړې له خدای
راځه که غواړې چې هوسا ژوندون ته لار وکړې

خپله یې وګوره د سپین بیرغ د سیوری مزه
خپله به ومنې په خپله به اقرار وکړې

دانش ملنګ درته سپړلې غېږ په ټوله مینه
زه درنه جار یم خو که ته راته لږ جار وکړې

دانش ملنګ