د جنت کیلي

بې حسابه زړونه وايي
لااله الااللـــــــــــه
بې حسابه ژبې ستا يې
محمد رســـول الله

دا کلي ده دجنت
هُم پهْ وزن کې درنه ده
ښکلی نوم يې مبارکه
کلیمه يې طیّبه ده
خپل قائل جنت ته بیا يي
لا اله الا اللــــه

دی کافر چې وي منکر
لهْ دې پاکې کلیمې نه
او دی! لرې د سفیڅلي
پاک ایمان له دايرېنه
بختورو سره ښــايي
لااله الا للـــــــــــه

په هر باب دجنت لیک ده
هُم پهْ عرشِ مُعلاّ
لااله الا الله
مـــــــــحمد رسول الله
رنځور زړهْ ته دا دوا يي
لااله الا للــــــــه

د ایمان دنور ډیوه ده
د اسرارو خزانه ده
دغه ښکلې کلیمه مو
دایمان مُقدمه ده
زړهْ دعشق پهْ اور اﺯمايي
لااله الا للــــه

وایه تل په مینه مینه
ګرانه عبیده یاســینه
ګُناهونه پرې رژیږي
دا دی ذکر بهترینه
غافل زړهْ ته دا رڼايي
لااله الا للـــــــــــه

ياسين عبيده