فرحة ميلاد الزهراء ع

مبخوت كل الي حضر.. هليله ميلادچ
امعزب بهذا الفرح .. يا فاطمه اولادچ
مبخوت كل اللي حضر.. يوزع ثواب المنظر

كلمن حضر هذا الفرح هاليله ياحضه
يستقبله طه النبي وعليه يترضه
وشكد خسر حيدر علي متحضر ايعوضه
مشروط هالليله الطب ابيمنته ايقبضه

الحاجه ياخذها نقد .. هالليله بيمينه
من اللحضه هذي يطمئن .. ماتبچي ابد عينه
وميصبه هم ولا كدر.. يوزع ثواب المنتظر

هنياله كل الي فرح وشايل الچ ورده
خل ينسه همه ومحنته الواگع البشده
خل يطلب اشعنده طلب وياحاجه العنده
امعزبه الليله الحسن وخجلان ميرده

وحسين ابو اليمه ابد .. ميردها حاجاته
بميلاد امه الطاهره .. يلبيله طلباته
يگضيها ابو اليمه نذر .. يوزع ثواب المنتظر


السجاد والباقر هلا اتلگوا احبابچ
والصادق بهذا الفرح واگف على بابچ
والكاظم وابنه الرضا يوزعون بثوابچ
وهاليله ولدچ مابچو يالزهره لمصابچ

هاليله لا ماكو حزن .. عاشولچ الفرحه
كلمن ترك حزنه الچ .. ومصابه او جرحه
فرحانه الچ كل البشر .. يوزع ثواب المنتظر

والهادي لازم دفتره ويسجل الحاضر
ايوافي كل اللي حضر يوم الحشر باچر
والعسكري بهذا الفرح يافاطمه ناذر
للجاي يگضي حاجته وميرده ابد حاير

اعمالنه بهذا الفرح عند الله مرضيه
والحاجه بسمچ فاطمه يالزهره مگضيه
بسمچ يهون اشما عسر .. يوزع ثواب المنتظر

الشاعر عقيل الحسناوي