قناة الشاعر علي الرسل الجابري

السيدة رقية عليهاالسلام
تشتكي الى السيدة زينب عليهاالسلام وتقول :

يا عَمّة اعطَشت جيبيلي عبّاس
أريد اشفايفي ايسَمي عليهه ..
شمعة بليل أظلَم ذابت الروح
شفت جربه افرَحت صَديت ليهه..
بگد غيرة علي احتاجيت للماي
بگد دين الشمر جابولي بيهه ..
مو أُمّة مُحَمّد صدگ تِحچين
هاي الأُمّة مَشكوك بنَبيهه ..
مُحَمّد يحتويهه لهيچي أَشكال؟؟
وحَگچ إبرَهة ما يحتويهه ..
تَراچيي غَنيمة بإيد الاَنذال
أنا القاهرني مو چي ناهبيهه ..
الرايد يشتريهه ايگَلُب ايخاف
لا يطلَع كَسِر من يشتريهه ..

الشاعر علي الرسل الجابري

أبوفاضل مَندري شگد هويناك
تره حقنه نِهيم وبيك ننغَر ..
يامولاي غيره وتمشي عالگاع
بشخصيتك لغز صَعب ايتفَسَّر ..
بحيث العلگمي ماچان بيه لون
يزرَگ من يشوفك يَمّه تفتَر ..
إذا هوّ القيادي الداحر جيوش
من يوگف گبالك وجهه يصفَر ..
گبلَك ياهو يدري الموت بيه لون
عله إيدَك اكتشفَو لونه أحمر ..
من تهجم مَتعرُف زيد واعبيد
بهجومك تحرگ اليابس والاخضَر ..
يدوس ببَطن لبوة بعتمة الليل
ومَيجيسه رعب مالك الأشتَر ..
خزَرته وصار وجهه ايشَمُر الوان
تورَّط چي حچه وجاك وتعَذّر ..
أحّر امن الجمر راسك يَمولاي
الجمر يخمد يشوفك يرِد يحتَر ..
من تِطّالَب اتهز السماوات
لأن بطلابتَك حته الله يحضَر ..
عزرائيل يوگف راسه بالغيم
يوگف يمّك ايحس روحه أگصَر ..
يجي كاشخ عدوّك لابس اشكال
سيفه ودرعه هندامه وامعَتبَر ..
يسمع صوتَك ايطِس گلبه بالگاع
أوّل مالدرع يبدي ايتفَطّر ..
يحتار اشيسَوي ايخاف وايريد
ينقذ روحه يلبَس شيله يضطّر ..
يظَل يلمَح خيالك وين مَيروح
من أوّل لآخرت المعسكَر ..
اربات ام البنين وعلي الكرّار
شتطلَع؟؟ لومغامر لو غَضَنفَر ..

الشاعر علي الرسل الجابري

إقرأوها للأخير… 👇👇👇

قبل 1381 عام تقريباً تعرضَ الإسلام إلى ضرباً شديداً على رأسهِ وجميع أعضاء جسده الطاهر مما أدى إلى إصابتهُ بجروح بليغة ونزفاً قوياً في الدم ..
ممّا دَفَع بعض المسلمين الشرفاء إلى إنقاذهِ ممّا هوَ فيه ..
حيث شَهدَت سنة 61 هجرية أكبر حملة " تبرع للدم " في تاريخ البشرية ..
وحدثت في العراق بمدينة كربلاء قرب وادي الطف حيث سُميَت هذه الملحمة بملحمة الطف الكبرى ..
وكان على رأس المتبرعين القائدالبطَل "حسين علي الهاشمي" مع زوجاته وأولاده وبناته وأخته " زينب علي الهاشمي " ..
وأرسلت المجاهدة "فاطمة الكلابية" أولادها الأربعة" عباس و عبدالله و عثمان و جعفر " أبناء "علي الهاشمي" للإلتحاقِ بعملية التبرع..
وخرج معهم مايقارب سبعين بَطلاً للتبرع بالدم أيضاً…
ويُذكر إنّ من بين المتبرعين فتى وسيم الوجه إسمهُ "قاسم حسن الهاشمي" ويُلَقب ب "جاسم العرّيس" لأنّه ترك عرسهُ وذهب لينقذ الإسلام
وكان أيضاً من ضمن المتبرعين طفلاً رضيعاً لايتجاوز عمرهُ ال ستّة أشهُر إسمهُ "عبدالله حسين الهاشمي" أيضاً تبرع بدمهِ إلى الإسلام….
وما تبقى من الناس تخاذَلو عن عملية التبرع بالدم…
وتُقابِل هؤلاء الناس المتبرعين فئة باغية كانت تريد عرقلة هذه العملية الشريفة والنزيهة لأنها هيَ مَن تسَببت بهذا النزيف الحاد…
ومن بين هذه الفئة الباغية كان هناكَ رجلاً بطلاً يُسمّى ب" الحُر " ترك هده الفئة الباغية والتحق بالمتبرعين الشرفاء لكي يتبرع بدمهِ إلى الإسلام…

تنويه…
كانت هناك طفلة من بين المتبرعين ويُذكَر بأنها إبنة القائد "حسين علي الهاشمي" وتسمى "رقيّة" حيث لَم تكتَفي بالتبرع بدَمِها فَحَسب!!!
بل تبرعت بقُرطها " التراچي" أيضاً من أجل الإسلام…
وكانت هناك ايضاً تبرعات بالكفوف والرؤوس والعيون… .
وتمّت عملية التبرع بنجاح واستطاعو إنقاذ الإسلام وشَد جراحهِ وإبقائه الى وقتنا الحاضر…
حيث يقول الشاعرالأستاذ علاء السيد طاهر
لو ما دمه المظلوم بالمذبَح اتسيح..
چا أصبح الإسلام ريشة بمهَب ريح ..

للتذكير…
قريباً جداً ستكون أيضاً حملة للتبرع بالدم من أجل إنقاذ الإسلام لأنه يتعرض الآن لضربات شديدة وموجعة ونزيفاً حاداً
وسيكون على رأس المتبرعين القائد البطل "محمد حسن الهاشمي" والملقّب ب"المهدي"

فعلى من يرغب ولديه القدرة على التبرع بدمهِ لإنقاذ الإسلام فيتحتم عليهِ أن يكونَ حُسينياًمُخلصاً وموالياً ومهدوياً ورافضياً ومنتظراً لهذا القائد العظيم…
ولتقوية أوعية الدم ونشاطها ولنكون على جهوزية تامّة لعملية التبرع هناك وصفة طبيّة اعتمدها لنا الدكتور"محمدعبدالله القريشي" اخصائي بشفاء القلوب وهيَ الصلاة على محمّد وآل محمّد عشر مرات صباحاً ومساءاً ويفضَل ويُستَحسَن أن تكون مائة مرة في اليوم الواحدمع التسبيح والإستغفار والإكثار من قول:
"اللهم عجل لوليّك الفرج "

بقلَم خادمكم
الشاعر علي الرسل الجابري

حروف اللغة العربية 28 حرفاً
الحروف الّتي لاتحتوي على نقاط 13 حرفاً
وهي: "ا ح د ر س ص ط ع ك ل م ه و"
وبما أنّ هذه النقاط تذكرني بنقاط الدم تارةً ونقاط الماء تارةً أُخرى ..
لذا قررت أن أكتبها بالحروف الّتي لاتحتوي على نقاط لأن كل نقطة دم سالت من الحسين "ع" تمزق قلبي اثناء الكتابة..

""" الدَّم الحاسِم """

دمّك ساح كمّل مَسلَك الإسلام
ولو ما ساح دمّك ما وصَل مُسلِم

على دَمّك حكَم ودروس للحُكّام
عَلَّم كوم عالم دَرسَك المؤلِم

للود والأمَل والكَرَم إسمَك دام
على طول الدهر مو مَوسِم وموسِم

صَرح المو على ساسَك صَرِح مَهدوم
والهُم كَم صَرح إسلامَك امهَدِم

ماهَمّك عَددهُم _ على روس اعداك
حُسامَك صارم وصمصام وامصَمِم

وصلَو صدرَك الطاهر وصَح داسوه
ما وصلَو مَدى إحساسَك المُلهِم

الشاعر علي الرسل الجابري

ماريد التهاني.. جاني عاشور
شلون اقبَل مَسرّات بعَزايه ..
شتهَنوني عن مقتل العبّاس
لو عن حسرة و دمع السَبايه ..
عله ياظيم جا تتبارك الناس
بداية سنة گالو بالروايه ..
ابّدايتهه انذبح عبدالله و حسين
والله انعل أبو هيچي بدايه ..
أنه ماساوي روحي اويه اليهَوسون
لأن يوجد فرق كلّش اهوايه ..
بعض الملَل تنطي بهالشهر عيد
وآنه بهالشهر منطي ضَحايه ..

الشاعر علي الرسل الجابري

لعن الله أمةً قتلتكَ ياحسين
لعن الله ظالميكي يازهراء
😭😭😭😭😭😭😭😭

الى سيدتي ومولاتي السيدة رقية عليهاالسلام:

طفلة وأربَكَت كل القيادات
وارجال المناصب والسياسه ..
طفلة ونطَت للتاريخ تاريخ
والطاغي انطَته حَجمه وقِياسه ..
بتَراچيهه جزَت كل مَعنه الايثار
ودَمعهه اينَگِط احساس وقَداسه ..
عالظُلّام فاتت فوتة الجيش
وخرقَت شَكو تَشديد وحراسه. .
كَعبة ابطَشِت شافَت راس الحسين
ومِثِل حِجِيّه طاحت فوگ راسه ..

الشاعر علي الرسل الجابري

لو يوگف مُحَمَّد على الصندوگ
والتصوير جاي امن السماوات ..
وجبرائيل ينزل حرَس من فوگ
وعلي الكرار يفرز بيده الاصوات ..
هم ما تنضبُط وايصير تَزوير
وهَم ايصير غش بالإنتخابات ..
عَفواْ… موقصوراً بالنبي لاااااا
ولا حيدر اتعُبره هالتَفاهات ..
بس المشكلة الإقرار مَحسوم
گبل جَيّة علي و طه بمَسافات ..
حكومة تعَلِمَت عالنَهب والبوگ
والغش والتلاعُب والكلاوات ..
شما چان الشعب متحَزم و حوگ
ما يگدَر يقاوم هالعصابات ..
إذا مات الشرف يستَفحل العار
وايضيع الوطَن بيد السِلابات ..
كفُر تحكمنه ناس اشلون ما چان
مَيهمهُم شعَبنه… عاش أو مات !!
عراق.. وبالدَمع والحُب بنينااااه
يوگع بيدهُم… والله حَرامات …

الشاعر علي الرسل الجابري

احنه ردنه واحد "كرم الله وجهه"
جابولنه واحد…. "الله مصخُم وجهه"

متباركين بذكرى عيد الغدير
كل عام وانتم بألف خير🌹❤️🌹❤️

علي هارون طه وما غدَر بيه
ظَل ويّاه وابد ما يوم عافه ..
علي ماضاف روحه وهوَّ مَرفوض
علي هوَّ الأساسي ابلا إضافة ..
وما دَوَّر خلافة وباگ أصوات
علي يمشي و وَراه تمشي الخلافة ..
واذا عَن الثقافة ودَرب الاِعلام
حيدر يُعتَبَر رَبّ الثقافة ..

الشاعر علي الرسل الجابري