قصيدة ل علي الاكبر عليه السلام

طبها شاب المعركه يلمحونه
              هاشمي وتجدح شرار عيونه
يرهب المر بيها      والله ويصفيها
            ياعلي الاكبر
            ،،،،،،،،،،،،،،،،،،،،،،،،،،،،
خلي نسمع  و شيكول الراوي
           شاب مثل الشمعه بالطف ضاوي
مين ما  مال المراجل حاوي
           والجثث ويا التراب يساوي
صاح صوت وكلهم يسمعونه
              بكل مكان العسكر يشوفونه
     والزلم يلويها.    والله ويصفيها
ياعلي الاكبر. ياعلي الاكبر
              ،،،،،،،،،،،،،،،،،،
كربله ضيك عليهم كربله
            موت صار ومابشر يتخيله
موعجيبه عمه سبع المرجله
           رهبه صار وشمر ينخه بحرمله
مين هذا الجيش ميكدرونه
              حيطو بيه وحاولو تغدرونه
والزلم يفنيها.       والله ويصفيها
ياعلي الاكبر. ياعلي الاكبر
             ،،،،،،،،،،،،،،،،،
حرمله يرجف غدا من خياله
          صوته عل العسكر فقط يتعاله
             يالله شدو الخيل ياخياله
     هذا موفارس سهل ندناله
من بعيد سهامكم ترمونه
            حاولو كل فرصه لاتنطونه
والزلم سابيها.         والله ويصفيها
ياعلي الاكبر. ياعلي الاكبر
            ،،،،،،،،،،،،،،،،،،،،،
زلزله الاكبر علي وبيهم نزل
            جفة الميدان يهدل لوحمل
من جماله وهيبته الكون نذهل
          مثل جدةشايل بجفه الاجل
مستحيل العسكر يكددرونه
                 حاولو كل منفذ يسدونه
فرصه ماينطيها   والله ويصفيها
ياعلي الاكبر. ياعلي الاكبر
          ،،،،،،،،،،،،،،،،،
هيج صارة بالحرب وأكثر يقال
          هذا من وحي الشعر ننطي مثال
هوا ياهو اليكدرلهم بالنزال
             الصار بالطف مايجي ويخطر خيال
الشاهد الطف بي يجن جنونه
              جيش مامتكامل يوصفونه
الراويه الترويها. . والله ويصفيها
ياعلي الاكبر. ياعلي الاكبر
،،،،،،،،،،،،،،،،،،،،
خادم خدام الإمام الحسين عليه السلام
علي داود سلمان البحار
2020/2/24
     
https://t.me/joinchat/AAAAAEIEv3QzBV2ueNIYhQ