/// مَرجعي إليك///

#الجزء الخامس والأخير 😴

MESO✍🏻

دانة بعد ما خلصت حكي مع ماجد اتصلت بحنان فوراً لاقت رقمها مشغول

دانة: لكككك غبية ردي بلا ما تحكي طول الوقت معو

"عند حنان"

حنان: ههه اي حبيبي خلص منطلع ع السينما

سعيد: اي وشو نوع الفيلم

حنان" وصلتها رسالة من دانة انو ترد ضروري": حبيبي لحكي معك بعدين دانة عم تتصل

ماجد: ماشي سلام

حنان: اي شو مالك

دانة" بتحكي كلامها بسرعة وورا بعض": انا ما كان بدي هيك يصير ما كان بدي اياتو يحبني ما كان بدي اكسر قلبو متل ما انكسر قلبي وخاطري

حنان: لك شوي شوي احكي ما عم افهم عليكي مين بحب مين ومين كسر مين ما عم افهم شي

دانة: ماجد قلي انو هو بحبني

حنان"بفرح": عنجدددد

دانة: ما تفرحي وولا شي انا ما بدي هيك يصير

حنان: لك لي يا غبية شو بدك احسن من هيك ضيعتيه من ايدك اول مرة ما اتضيعيه تاني مرة

دانة: بس

حنان: لا بس وولا خس خلص شومالك

دانة: طيب شو اعمل اعطاني مهلة ليومين لاردلوا خبر

حنان: خلص بس يحكي معك قوليلو انك اي موافقة

دانة: طيب ماشي

"مر يومين ودانة كانت طول الوقت مهمومة وزعلانة وعم تفكر شو رح ترد وبالليل بعتلها"

ماجد: كيفك

دانة"اترددت كتير قبل ما ترد عليه وبعدها قالتلو": مشتاقيتلك

فرح ماجد كتير بانو هي مشتاقيتلو وفهم من هالشي انو هي رضيانة وما عندا مشكلة بالارتباط

وصار يحكي معها ويتطمن عنها ويحكوا بكتيؤدر امور ومرت الايام والليالي وكل مرة ماجد يحكي معها ويتغزل فيها تيجي تتهرب بشي انو نعسانة وشي اجاها ضيوف كان يحسها انو ما بتبادلوا الحب بس ما تخلى عنها وصار يتحدى حالو انو رح يخليها تحبو أكتر ما هو يحبها

"عند حنان"

حنان: ماما يا ماما

امها لحنان: اي شو بدك

حنان: ماما جبتيلي السكربينة عشان خطبتي

امها: لك اي جبتلك هي ولله مالي مصدقة ايمت ييجي بكرة وشوفك احلا عروس

حنان: تسلميلي يا ماما شو بحبك؛ رح اتصل بسعيد احكي معو شوي قبل ما أنام بدك شي؟

حنان: سلامتك ؛ سلمي عليه

راحت حنان اتصلت بسعيد

سعيد: يا الله شو اشتقتلك حاسس حالي صرلي سنة ما شفتك

حنان : كلن يومين الي ما شفتني فيهن 🤭

سعيد: لكك اللحظة الي ما بشوفك فيها بحسها دهر بحالووو

حنان: ما باقي شي بكرة الخطبة وبكرة بنرقص سوا وبصير ملكك أدام العالم كلو

سعيد: ايمتتتت رح ييجي بكرة

"أما عند دانة"

ياسمين "عم تدق باب غرفة دانة": ماما لساتك فايقة

دانة: اي ماما فوتي

ياسمين: حبيبتي بعد أسبوعين بخلصوا وراق سفرنا ورح نسافر لعند أهلك وخطيبك

دانة"ماعرفت تنبسط ولا تزعل تنبسط لانوو رح تبعد عن المكان الي احتوى كل ذكريات طفولتها وحبها وكيف بدها تترك رفيقتها وما تعود تشوفها وبنفس الوقت انبسطت انو رح تنجمع بحضن أبوها": ماشي ماما بس بكرة بالخطبة لا تجيبي سيرة أدام حنان ع السفر

ياسمين: لي ؟

دانة: شو امي بدك ننزع لها فرحتها

ياسمين: معك حق ،تصبحي ع خير

دانة: وانتي من اهلو

فتحت نت وبلشت تحكي عي وماجد

ماجد: كيفو الحلو

دانة: موو منيح

ماجد: خير شوفي

دانة: لي ما قلتلي انو وراق السفر خلصوا وبعد اسبوعين سفري؟

ماجد: هلق كنت رح قلك وانتي لي زعلانة ؟

دانة: ما بعرف

ماجد: ما بدك تيجي عندي؟

دانة: ما بدي اترك حنان واترك كل ذكرياتي

"ماجد بعد ما قرأ كلامها الي كان أشبه بسكينة انغرست بقلبو ما عرف شو بدو يرد عليها وصار يحكي مع حالو"معقول ما بتحس فيني معقول هالبنت ما عندا اي مشاعر اتجاهي لك أنا عم عد الثواني لأجتمع فيها وضمها وهي وولا ع بالها "

دانة ما اهتمت لزعل ماجد وضمت مخدتها وصارت تنزل من عيونها شلالات من الدموع

MESOOOO

باليوم التاني كانت حنان وياسمين وحنان وامها عند الكوفيرا عم بساوا شعرن ومكياجن

دانة: تقبرني العروس شو طالعة حلوة

حنان: يخليلي اياكي ما اطيبك

قربت منها دانة وكانت عم تضمها بقوة ،حنان حست بشعور غريب وقالتلها: حاسستك عم تودعيني

دانة "مسحت الدمعة الي واقفة ع طرف عينها": ههههههه لا بس عم عانقكككك

ياسمين عم تطلع ع بنتها وتراقب كل حركاتها

ياسمين: ماما تعي شوفي شو تحطلي ظل؟

دانة: يلا ماما

مشي شي اربع ساعات وبعدها روحوا من الكوفيرا ع بيتن

"ببيت حنان الكل عم ييجي وبباركلها وهي طالعة كأنها قطعة من القمر"

حنان كانت لابسة فستان خمري قبة مليكة وطويل موديل السمكة ومن ورا الو شاحط بسيط

أما دانة فلبست فستان توتي قصير لفوق الركبة بشوي ضيق لعند خصرها وبعدها الو نفشة بسيطة المهم مبين جسمها مغري كتير🤭

اما عن سعيد لما فات لعندها كان بطير العقل بالطقم الاسود والقميص الخمري كان بجنن

مرت الحفلة وكانت حلوة كتير

حنان: لككك خليكي كمان شوي

دانة : يعمري ما ضل حدا غيري انا وامي وتاخر الوقت صار لازم اروح يلا مبروك سعيد مرة تانية

سعيد : الله يبارك فيكي

"روحوا دانة وياسمين "

امها لحنان : تفضلي مدام راما نعملن عصير

راما بتكون اختو لسعيد "سعيد يتيم الأب والا