وعيت من لمّا بطلت حط توقعات لأي شخص بحياتي سواء كان قريب أو بعيد !..

بطلت كون حساس اتجاه التفاصيل..

استوعبت إنو الناس فيّا تكون قريبة بدون ما نحكي كل يوم ، بدون تفاصيل ، وبدون أيّ شي..

فيني قول " الناس فترات "..

وعيت من لمّا صرت امشي لحالي بلا ما تخطرلي فكرة إني ممكن ضيع..

من لمّا صار عندي الجرأة اخد قرار بأي شي دون ما ارجع لأي شخص..

صار فينيّ ما أحكي تفاصيل يومي..

بطلت اقلق لما الناس تغيب ، ما بقا خاف كون وحيد..

فهمت إنو الوحدة احياناً فيها صدق أكبر..

فينيّ اقعد بالشارع لحالي..
فيّني انزل ع السوق لحالي..
ببساطة صار فينيّ عيش يومي لحالي..

و الأهم من هاد كلو بطلت انتظر حدا يقلي برافو او يشجعني ،

أنا فيّني كون فخور بحالي لحالي ..

فينيّ قول برافو لحالي ع كل الأشياء الـ كنت قوي فيّا
و ع كتير أشياء غيرتها و ما غيرتني..

أشياء ما حدا بيقدر يفهمها غيري و مستحيل حدا يحس فيّا غيري..

لهيك أنا الشخص الوحيد ، المهم رأيو فيّني

أما الباقي " فترات و بتعدي "..🖤