نشر القصائد مع الالحان

عباس. عباس. عباس. عباس
**
شال الجود يريد الماي. كافل زينب والوفاي
والمشرعه اتعناهه
فارس متحدي العدوان،،سبعين الف والفرسان
بأصعب وضع خلاهه
انفاسه چن نسمة صيف،، يتنومس بچفه السيف
راعيه بيه يتباهه
من عنده محتار الجيش،، يلاگون ابو فاضل بيش
نجم الضهر راواهه
عباس عباس. عباس عباس
**
چنه علي داحي الباب، وروس سواهه اگراب
ورواح ضلت تطلع
وينه اليلاگيني يصيح، وصفوف گدامه اتطيح
والسيفه ضلت ترگع
ياكل رگبها البتار. مثل الحطب وي النار
لايقنع ولا يشبع
حتى الهوى باالطف راح،، وين الزلم لمن صاح
الماسمع خل يسمع
عباس. عباس. عباس. عباس
**
جوده بأيده ويحاچيه. غصبن عليكم امليه
فنه الوگف گدامي
ماخذ عهد اله اوفيه. ومزامط امزامط بيه
بالماي ارد لخيامي
مو مره ارجع مرات. والنهر باالخيمه يبات
مايبقه واحد ضامي
ذاك النهر يرجف گام،، مايدري عباس اشظام
خله المعسكر دامي
عباس عباس. عباس. عباس
**
دخلها عباس انذار، شي سفراهم للنار
والرايه هوس بيها
راعي الهمم راعي الباس. منه الكتايب عباس
صار الرعب غاطيها
الچانو يگولون اسباع، بيهم ترس هاي الگاع
وبفرسه داس عليها
كل درب خلاه مسدود،، حتى الهوه ماموجود
يخبطها ويصفيها
عباس. عباس. عباس. عباس
**-
كل الطرق خوف وموت،، والحومه خرسه بلاصوت
واليحچي ياخذ راسه
من يم الخيام حسين،، ينظر عضيده باالعين
ويتفاخر بعباسه
موبس سحگ عاالهامات. گدامه طاحت رايات
حتى علمهم داسه
بچفوفه لمن جاساه،، ماي وتبخر حساه
من حر هذيچ انفاسه
عباس. عباس عباس. عباس

سعد العبودي

نزال بحق ابا الفضل العباس عليه السلام

يوم العذاب ابحملتة   زينب عليهم ندبتة 

--------------------------------------------------- 

كَام مغضب   موت يرعب  من نزل عباسها

سيف ينكَط روس يلكَط   كَام من ارجاسها 

العين حمرة   ونار كبـرة    چن علي فراسها

تشبه علي يا شمرتة   يوم العذاب ابحملتة 

------------------------------------------------ 

الكَاع رجــفت   يوم سمعت  رجلة تمشي عليها

بروس غصت   دم تغــطت  من كـثر جاريها

الكَوم طـبها   وحد ركَبها    دمها واصـل ليها

يفنيها كَوم اللاكَتة   يوم  العذاب ابحملتة 

------------------------------------------------ 

الموت كَوة   وماكو عطوة  فنة يوكَف فارس

اليوم عيدي  السيف بيدي انة واكَف حارس

صف يصفهم  كَص ركَبهم   الكَاع بيهم تارس

اطير الركَاب ابخزرتة   يوم العذاب ابحملتة 

------------------------------------------------ 

حار راسـي   وزاد باسـي    منكم آخذ ثاري

ياهو اخزرة  ايطير نحرة  انة سيف الباري

براسي غيرة الكون اديرة  شايعات اخباري

تخفكَ عليهم رايتة   يوم العذاب ابحملتة 
---------------------------------------------- 

الكَاع ظاكَت   من تلاكَت  السيوف وسيفي

حيل بيكم     من اديكم   منكم اخذ حيفي

جيش امية   بين اديـة وصار موتة بكيفي

بچة الرجال ابصولتة يوم العذاب ابحملتة
------------------------------------------------ 

السيف بيدة   واليـريـدة  يكَلة اكَطع راسة

ناس طاحت  روح راحت  حتى من انفاسة

الجيش لمة      الكَال زلمة  بالحوافر داسة

احسبها طارت ركَبتة  يوم العذاب ابحملتة

------------------------------------------------ 

أسألكم الدعاء   رائد الاسدي

محرررم 1444 هـ ( وداع الحسين والعباس ع )

غالي ايودع غالي .. لكن گوه
وسفة اتموت ابساعة .. هاي الخوه
كلمن لازم ضهرة .. ورايد تچوه

إحسين اشصبرة ياناس . ودع چيف اخو عباس . ودع روحة اظن وياه . الرايح خية يبچي احساس
ياحب شايلة لحسين . الكافل گله إنته العين . كاتب چلمة عالچفوف . والله اهواي احب إحسين

وداع احباب بالخيمة وداع احباب
دمعهم ماينشفة اشگد هوى لو هاب
اشكثر طال البچي ولا ما يبس لتراب

آ ياذيچ الساعة .. اموادع خلصت
اثياب إحسين ابدمعة .. خيه انترست
باس إحسين اهواية .. اچفوفة الحلوه
__
إحسين اعله الگمر ملتاع . مايقبل يهده ابساع . يحضن بالگمر وايصيح . الموت اسهلي من لوداع
الكافل گله مدلي الإيد . أرد اشتمها يحلى اعضيد . كِظ گلبي يخويه إحسين . عنك لا تظنة ايهيد

أخاف اتروح ما ترجع أخاف اتروح
يصيح إحسين وانظرلك يخي مطروح
أموت اوياك مانه اوياك شراكة روح

غيرك چا وين اللگى .. اعضيد الزينب
إله إمن ايدك رادت .. مايك تشرب
يا روح اختي الحرة .. او أجمل سلوه
__
طاحوا عالأرض يبچون . ما نلتم بعد يحچون . صدوا عالخيم لحظات . شلون ابزينب ايصيحون
شافوا زينب ابلا روح . اتسكت بالطفل واتنوح . إحسين اينادي ياعباس . زينب لا تشوفك روح

تراها اتطيح من ترحل تراها اتطيح
تشوفك خايف الحرة وعليك اتصيح
بلياك العقيلة ادموع منها اتسيح

لو ناوي اعله الروحة .. لا تنظرلك
زينب عباس ارجع .. أدري اتگلك
غيرك تعرف بختك .. لا ما تهوه
___
راح اعله النهر مجبور . عباس او عيونة اتدور . مره اعله الخيم وايشوف . خاطر زينب المكسور
بالماي ايدة مدها او چان . گلبة امفطر او ذبلان . حس ببرودتة وايصيح . شلون اشرب واخي عطشان

أضوگ الماي ما أگدر أضوگ الماي
واخوي إحسين عطشان وضماه اهواي
وتناطر سكنة اردن واحلى ماي اوياي

كظ الجربة ابروحة .. وشافوا ماية
وصاحوا يابن حيدر .. ذب الراية
وعوف الماي وزينب .. لا ماتروه
__
يركض والسهم لاگاه . وطاحت جربتة ويمناه . صابوا عينة صاح إحسين . إلحگ روحي طحت ابآه
يركضلة الحُسين او صاح . خيمة روحي يمكن طاح . ون او نادة يا عباس . حيلي او خلگي يمك راح

عله العباس واويلاه عله العباس
عله الشاطي يصيح إحسين ياهالناس
الدمة امغطي الوجه من يا كتر ينباس

شال اچفوفة وشمهن .. ياريحتهن
صد الزينب يبچي .. وما عرفتهن
هاي اچفوف الكافل .. ورايح هوه

حيدر الحلفي

يالرايد عني اتروح ارحم كلبي المجروح
يا عباس يا خويه
****
خويه عالناكه من ركبتني
الكربله بحماك انته الجبتني
خويه كل عمرك ما فاركتني
تكثر جروحي لو ودعتني

يالرايح صوب الماي لا تكطع خويه وياي
يا عباس يا خويه
*****
يالخذت بيدك جود السقايه
بالخيم ضلت عندك ضمايه
اتعنه للشاطي وجيبنه مايه
رايتك خويه ما منها رايه

كلها اتعاين عالجود وتنتظرك يمته تعود
يا عباس يا خويه
******






يالعشت بيه ما اكدر انساك
جنت عالحلوه والمره وياك
خدري راح ايروح من تهجم اعداك
وينكسر ضهري خويه اعله فركاك

راح اتجتف بحبال واحتار بجمع اطفال
يا عباس يا خويه
*****
للنهر جيتك وانه الوديعه
ورتفع نوحي يم الشريعه
انضر جفوفك خويه كطيعه
وشبت بكلبي نار الفجيعه

ترضه اختك يا عباس تتشمت بيها الناس
يا عباس يا خويه
*****









بكربله تدري ذبحو زلمنه
ومن رحت عكبك حركو خيمنه
غارت العسكر واحنه انهضمنه
ردنه بجفوفك تحمل علمنه

حركت خدي الدمعات وطحت اكبال الشمات
يا عباس يا خويه
*****
لا مهج ضلت لا ضلت عيون
اتردلي ياريتك وتشوف المتون
بالخيم عكبك كامو يحركون
ولا ترحموهم كامو يصيحون

هجمت خويه العدوان يالنايم عالتربان
يا عباس يا خويه
*****
تمت
تحسين الخفاجي

ميمر // العباس عليه السلام

زلزل الحومه العباس. هز رايته وطب ليهه
......

شد ولكد عالمهره راعي النوماس
يبست رياگ الزلم من طب عباس.
عثّر الخيل وظل يطك راس براس

حالف نزل عالعدوان. بسيفه الگمر يفنيهه
.......

خيل وزلم عالمشرعه چوّمهه
يطشرها ساعه بسيفه ساعه يلمهه
عباس راية حيدره لازمهه

ما توگع بچف عباس. عالمشرعه معلّيهه
.......

خيّرهم البي زود من گرّب طاح
عباس هذا البالحرب بيهم صاح
يتسمّه عزرائيل قبّاض ارواح
روس وجثث يم الماي. تتطاير مخلّيهه
......

عباس هذا وبت علي ناخيته
مسرفن زنوده محزَّم بخاچيته
للشام مو للكوفه واصل صيته

بچّه الزلم بس عباس ذلهه ويدوس عليهه
.......

لوما الغدر ما خَلّه بيهم ميتين
عباس هذا بكربله وفّه الدين
اي والنعم ضعفين رد ثار حسين

بالغدر گطعوله چفوف. لعيون اخوه يفديهه
......

والرايه باجر هم ترد ثاني ردود
من ايد ابوفاضل لأيد الموعود
يظهر لثار حسين ولراعي الجود
يم النهر يعله الصوت. يا عمي زودك بيهه

سيد زيد الفحام
_________

المشرعه وفرسانها
اليوم اكص لسانها
زينب احنه خوانها-------وانه عباس
*****
بسيفي طبيت ارتجل
كاتب ... اكبر مستهل
خبر.. .عاجل لو نزل 
                  ...... وانه عباس
الحومه ضاگت بالحرب
وعلي اشطبكم   شطب
حالف  اگضيهم  رعب
                    ..... وانه عباس

اليوم اطك بركانها
تسبح...... بطوفانها
زينب احنه اخوانها
                     ....وانه عباس  
*****
راح اوزعكم  ثواب 
وعزم الموت برحاب
والله البسكم حجاب
                      .....وانه عباس
اله كاع الطف تميل
شردت العسكر دليل
بيهم اروي المستحيل....
                        .....وانه عباس

جهزت ....  اجفانها
ماتت ......بميدانها
زينب احنه خوانها
                     ....وانه عباس
*******
راسي  حار  وما برد
ياعلي  بسمك  مدد
راح  اطشرهم قدد
                      .....وانه  عباس
بچفي لاويت السيوف
لو زعل مات  الحتوف
والله  صگار  الطفوف 
                         .......وانه عباس

ينكلب........ ميزانها
ماجت.......بعدوانها
زينب احنه اخوانها
                        .......وانه عباس
********
بخزرتي يموت النهر
اني ... للخوه    بحر
والله اكسر كل ظهر
                      ..........وانه عباس
دنكت   سوح  القتال
شردت اشباه الرجال
سيفي ما يثني محال
                        ....... وانه عباس

ترتعب..........اركانها
والمفر ......عنوانها
زينب احنه اخوانها
                  ........... وانه  عباس
********
اندحرت اعروش الظلم
سيفي     صياد   الزلم
كدها  ..  ابد  ما انهزم
                      ........  وانه عباس
صاحت الغوث وعلي
 خلهه تسمع ما يلي
زينب.... اختي دللي  
                  ...........وانه  عباس

 گطعت......ذرعانها
اختنكت....بدخانها
زينب احنه اخوانها
                     ..........وانه عباس
*******
وينهه الكال ويريد
شاف ابوفاضل شرد
اني اريد اكثر عدد  
                       .......وانه عباس 
راح اجيهم مفخره
شوف يوم الزنجره
اني سبع   الگنطره
                        ......وانه عباس

المهره اشد اعنانها
لو  يطب .. سفانها
زينب احنه اخوانها

                         .......وانه عباس
،*******
خادم  العباس
يوسف  الفتلاوي

مقدمه
شو وحدك جاي. من يم الماي. اسأل يحسين
وين الوفاي
**
شو راجع ومحني الضهر. والدمعه غارك بيها
شو تلتفت للمشرعه. شمضيع انت اعليها
ايدك يخويه عله الضهر. يابو علي مخليها
كلمة وداع وي الگمر. ياخويه لا تحچيها

گال الها وصاح. يازينب راح. خليته اهناك
وجروحه هواي
**
طايح لگيته عله النهر. ينزف عاالمسنايه
ورايته چانت في الچ. طاحت هذيچ الرايه
اسمع احچايه ويختنگ. تجزيني چم احچايه
گالالي خبرها الگمر. يسلم عليچ هوايه

منچ خجلان. ويتعذر چان گال ابقه اهنا
ومارد وياي
**
وديني يم المشرعه. خليني اشوفه وارجع
عباس اخوي وكافلي. المثله ما يتودع!!!
بلكت الحگ بيه نفس. ومن عنده كلمات اسمع
باالخيمه مو كافي البچي. گباله بواچي ارد اشبع

ارد احچي وياه. وشبگ فوگاه. بعدك شيصر
سولفلي بهاي
**
انه اخته من حگ الاخت. تمشي لخوها تودعه
عشرتنه راحت للأبد. ذاك الوكت شيرجعه
راحت ليالينه بعد. ارد امشي يمه وانعه
وبلكنه يسمعني ويفز. يمسح بديه الدمعه

يمسح ياعين. ماضل چفين. ضلن عاالگاع
ياضي عيناي
**
من بعد عباس البطل. راح العمر وسنيني
من شفت طيحت خيمته. هاالموقف يبچيني
ساعه وعدوه بكل قصد من يمه و يمشيني
ياهوه ذاك العاالنهر. يازينب يحاچيني

وانه عله النوگ. گلبي المحروگ. اتلفت ليه
وندب رجواي

سعد العبودي

رايح للماي الله وياك الله وياك
يالعشت وياي الله وياك الله وياك
تنتظرك يتامه // ترجع بالسلامه
*******
ودعتني وجدمي بالكوه نكلته
ومن رحت للماي كلبي وياك اخذته
انه ما ميته عطش بس الك ميته
يابو فاضل ياهو مثلك دلل اخته

عيني اعله الجود يا عباس يا عباس
جا يمته اتعود يا عباس يا عباس
ليلي اشلون انامه// ترجع بالسلامه
*******
بالخيم ضلت يبو جفوف الحنينه
كلها تصرخ عمه وينه الماي وينه
اتأخر العباس جا يمته يجينه
راح صوب المشرعه وطول علينه

اتنوح الاطفال بالخيمه بالخيمه
وتشوف الحال بالخيمه بالخيمه
كتلتني الملامه ترجع بالسلامه
******





يا جفيلي وحامي خدري عود اليه
لحضه ما احمل غيابك تدري بيه
عنك اشكد بالخيم نشدت رقيه
اتكول ليش اتأخر وما مر عليه

كلتلها بعيد محبوبج محبوبج
لا وين ايريد محبوبج محبوبج
وعالشاطي العلامه ترجع بالسلامه
******
انته خويه الكربله بيدك جبتني
وين اروحن يابو فاضل لو عفتني
تذكر امن الناكه لمن نزلتني
كتلي ما عوفج يخويه وطمنتني

خل امشي وياك تانيني تانيني
يصعب فركاك تانيني تانيني
يا راعي الشهامه ترجع بالسلامه
****









لا اكلك روح لا اكدر اعوفك
خاف تمشي وتنكطع خويه جفوفك
للشريعه اتروح متلهف اشوفك
انته جرحي ولو عفتني اشلون اروفك

لو ردت اتروح بالرايه بالرايه
تاخذ جم روح بالرايه بالرايه
وما تبقه ابتسامه ترجع بالسلامه
*****
فاركتني وحيرتي حيره جبيره
وناظري الصوب النهر كل ساع اديره
راح اصيرن لو رحت عكبك اسيره
وخويه يحدي بناكتي الما عنده غيره

والناس اتصيح زينب هاي زينب هاي
تركض وطيح زينب هاي زينب هاي
ضل كلبي بمرامه ترجع بالسلامه
*******
تمت
تحسين الخفاجي

(( طلعت امن الخيام ابرجعت حسين
سألته اعله ابو فاضل حومر العين ))
ها يحسين كتله وينه عباس
صاح اعله الشريعه ابلاية جفين
اخوي.. اخوي
**********************
امن الخيام … طلعت ابلا فكر لا راي لا شوف
يا حسين…صحت ابعالي صوتي ابكلب ملهوف
اشاخراك… خطوتين النهر شو رادلي ازحوف
وين اخوك… الكال الماي اجيبه ابهاي الاجفوف

وكع من البواجي حسيني شفته.. وصاح ابصوت راح الكافل اخته
لكيته اعلى النهر متكطع اوصال
السيوف امكسرات ابصدرة عفته
اخوي اخوي
…


يبن ابوي … تدري الجان يعنيلي كفيلي
لنّفس هاذ .. هوا العباس جان ايشم يويلي
اشلون اعيش… بلياه هوه روحي وهو حيلي
والنهار… اكول حسين والعباس ليلي

شسولفلك بعد عن صاحب الجود ..جان ابكل وكت يم بابي موجود
يكلي ابساع الج اشتاك يختي
اعز من روحي عندي وكطع الزنود
…
دم اخوي … هذا العله اهدومك خل اشمه
فدوه اروح… انه وكل بنيني الفيض دمة
عني راح… وتركني بحسرتي ابكلبي اضمة
شرد اكول… راح الجان عندي بالف زلمة

كفيلي الراح مني يسوه هل الكون ..قليله ابحقه لو ابجيله العيون
عليه راح ابقى انوحأ لاخر ايام
واكلب ذكرياته بي يكطعون
اخوي اخوي
… .

نفسي ضاك… اكيد النفس عد عباس هم ضاك
بي احس … ويحس بية كفيلي اكلوب عشاك
حرمله … مو بس جفن عينه جفني هم شاك
منه باك… شوف اعيونه وانه شوفي هم باك

تعثرت وطحت من طاح عالكاع ... سهام ابصدرة وانه بصدري الاوجاع
سمعته ابطيحته نادة يزينب
اعذريني يخوية حان الاوداع
……
من رحت… شعرك جان اسود يبن الاسباع
هيجي حال … اليفكدله عزيز ايشيب ابساع
ادري بيك… صبرك عالنهر خلّص بلوداع
بس شكول… غير الله المعين الكثر الاوجاع

يصبري المافكدته وانت وياي .. بعدك صبري ينفذ تبدي بلواي
منك شوف خل اشبع يل حسين
عباس انظره بعينك يوفاي

… ..

شذبلاك… حاجيني اعله بختك فاكدة. الراي
العطش ... هوّا الذبلك لـــو ســاقي الــماي
وينه ذاك .. طولك شو اشوفك كاصر اهواي
عني ليش… تدير العين خوية احجي وياي

مو سهم العطش ذبلك اعضاك .. سهم فكد ابو فاضل زاد بلواك
الله ايساعدك من شفته مطروح
اعله شاطي الماي بله اشحجت عيناك
… .
جاي اشوف… بعيونك سوالف موت عباس
احجي ليش… ســـاكت ماتحاجيني ينوماس
شنهو كال… وبيا حاله شفته راعي الاحساس
شوصه كول… من رحت ولكيته باخر انفاس

شنهو جانت اوصيته الاخيرة ... بالك لا يسلبون الاميرة
لو جانت وصيته حبلي الازغار
جاوبني يسلطان العشيرة
اخوي… اخوي
......
الحمدالله رب العالمين
اللهم صل على محمد وال محمد
موسى الخادم