أدوية ، مهارات التمريض ، تدريب صيفي ، معلومات طبية 💉💊🩺🩹🩻🩸

#دغدغ_عقلك
3 كوزات 👌✨️
1️⃣ هل جميع أدوية ال ppi تستعمل قبل الأكل ؟
2️⃣ اذكر ٣ أسماء تجارية للإمبرازول Omeprazole
3️⃣ ليش أدوية ال ppi تكون مغلفة Enteric coated ؟
شاركوا بالتعليقات
ولهنا نكون ختمنا اهم موضوعين بأدوية الجهاز الهضمي
و باجر ان شاءالله ناخذ أدوية حاصرات مستقبلات الهيستامين ❤️
إذا كنتم تستفادون من محتوى القناة نتمنى تدعمون القناة بمشاركتها وية أصدقائكم وكروباتكم لتعم الفائدة❤️

ملاحظات إضافية
1️⃣جميع أدوية ال ppi تستعمل قبل الأكل بحوالي نصف ساعة إلى ساعة قبل الإفطار
2️⃣ افضل علاج بيهن هو Esomeprazole 👌

3️⃣ مدة استعمال أدوية ال ppi ٤ اسابيع ✅
4️⃣ أدوية ال ppi تكون مغلفة مطلية

اهم سؤال يخطر ببالك👌✨️
شنو فائدة هذا الشرح؟ ؟؟
الجواب ياعزيزي مادام عرفنا شلون يتكون الحامض وينفرز راح نكدر نعالجه
لأن عندك الأدوية نوعين
النوع الأول اسمه ppi
Proton pump inhibitors
تجي تقفل هاي المضخة اللي تطلع H خارج الخلية ومتخلي محبوس بداخلها
واللي راح ندرسها اليوم
والنوع الثاني : حاصرات الهيستامين
Histamine-2 receptor antagonists (H2RAs)
اللي تقفل رسبتر الهستامين اللي يصنع الH بداخل الخلية
ولكل وحدة منهن آثار جانبية ومحاذير استخدام

زين وإذا طلع ال H خارج الخلية شنو ربطه بحامض المعدة 🤔😑🔪

شوف ياحبيبي
لازم تعرف انه اكو عناصر موجودة خارج الخلايا وهذا الشي ثابت ودارسينه بالاعدادية✅️
ومن ضمن هاي العناصر الكلور cl والبوتاسيوم K
انت فقط تخيل انه ال H يريد يطلع خارج الخلية عن طريق مضخة البروتون proton pump علمود يرتبط بواحد من العناصر الموجودة خارج الخلية
اللي هو الكلور cl ويتزوجون ويكونون حامض HCl 😁
لكن للأسف مضخة البروتون proton pump
حيل نحيسة وخبيثة🥴 بحيث ماتقبل تطلع ال H خارج الخلية الا بشرط
زين شنو الشرط انه تريد كبش فداء بمكان ال H تأخذه وتنطي ال H بمكانه

كبش الفداء راح يكون البوتاسيوم راح تأخذ ال K اللي موجود خارج الخلية تاخذه بداخلها وتنطي بمكانه H خارج الخلية

وهنا البوتاسيوم قبل يكون كبش فداء
وطلع ال H خارج الخلية وارتبط ب cl
وصار عدنا حامض HCl اللي يهضم الطعام ❤️

شلون يتكون الحامض بالمعدة ؟🤔

عزيزي المواطن من تاكل الطعام🍱 ويوصل للمعدة
هنا اكو هرمون اسمه الكاسترين Gastrin hormone
هذا الهرمون موجود بخلايا المعدة
وظيفته بس يوصل الطعام للمعدة راح هذا الهرمون الكاسترين يحفز الخلية بالمعدة ويكللها يامعدة اجاج الأكل افرزي حامض HCl علمود تهضمين الطعام
زين شلون الكاسترين يحفزها؟🤔✨️

راح هذا الكاسترين يرتبط برسبترات الهستامين H2
راح تسألني شنو رسبترات الهستامين H2
الجواب: اكو شي اسمه رسبتر موجود بخلايا الجسم هذا الكلام ثابت فسلجياً او تشريحياً
الرسبتر هذا اله وظيفة معينة ف الرسبتر H2 اللي موجود بخلايا المعدة اللي موضوعنا بيها بس يرتبط بي هرمون الكاسترين اللي كلنا ينفرز من ناكل طعام مباشرةً هذا رسبتر الهستامين راح يفرزلي H بمعادلة تتم داخل خلايا المعدة
زين وإذا انفرز الهيدروجين شيصير ؟
هنا مربط الفرس 👌✨️
لاحظلي الصورة بداخل المربع ادري بيك كلشي مافهمت منها
المربع هو خلية المعدة
شوفلي المعادلة شلون يتصنع الحامض بداخل الخلية
وانتبه الى محصلة التفاعل النهائي راح نحصل H و Hco3

ركز هذا ال H اللي انصنع بداخل خلية المعدة راح يروح على الجهة اليمنى الشكل السداسي اللي هوة مضخة البروتون proton pump
هاي المضخة هي تطلعلي ال H خارج الخلية

اليوم راح ننزللكم أدوية ال ppi
Proton pump inhibitors
اللي تعالجلي افراز الحامض بالمعدة والقولون
لكن قبل كلشي لازم لازم لازم تعرفون شلون يتكون الحامض بالمعدة
جداً ضروري تعرفون هذا الشي
وإلا كل المعلومات والأدوية ماراح تكون الها قيمة ❌️ بدون ماتعرفون شلون يتصنع الحامض بخلايا المعدة وشلون ينفرز ، حتى تعرفون انواع العلاجات اللي تشتغل على حامض المعدة وآليات عملها ،

وهذا هو منهجنا لأن نريد ننطيك المعلومة على أتم وجه ونخليك متمكن علمياً وعملياً من يسألونك عن الدواء 👌✨️
@Moha_amd
معرف دكتور محمد كاظم اللي عنده سؤال بخصوص الأدوية يتواصل وياه

#ارجو_القراءة_للأخير
لكل اللي منضمين بالقناة اكو شي مهم لازم تعرفونه♥️

القناة هاي ننشر بيها ٤ شغلات فقط 👌✨️

1️⃣ الأدوية :
ينشرون بيها صيادلة مختصين مثل دكتور محمد ودكتور حيدر عدهم صيدليات وبنفس الوقت متميزين بالشرح والتبسيط ومدربين سابقاً بحيث راح يكون كورس التدريب الصيدلي بأمتياز وعلمية وتبسيط ومجاني $
وهذا الشي كلش يتعبهم من ناحية تبسيط الشرح ومراعاة مستويات الطلاب وكله لوجه الله
وإذا استمريت وياهم راح نضمنلك التميز بعلمية 👌♥️ ،
اما بقية القنوات اللي ينشرلك بعشوائية وخربطة (الاسم العلمي والتجاري وشلون ننطي )👎 صدكني استمرارك وياهم مضيعة للوقت والجهد وصعب تفهم شي لأن كثرة المعلومات بدون خطة مدروسة راح تشتت ذهن الطالب وتضره ❌️

2️⃣مهارات التمريض : وتتضمن شكو شي بمهارات التمريض
( طرق الحقن ، الكانيولا، الخياطة، اعطاء الأدوية، العمليات الصغرى، الضماد ..... الخ )
بشرح ماتلكاه باليوتيوب 👌♥️الا تكتسبه بنفسك عن طريق الممارسة لذلك ملاحظاتنا واسلوبنا يكون مركز على الأمور المهمة اللي يغفل عنها الطالب وبنفس الوقت بصعوبة يلكاها باليوتيوب وبقية القنوات ✅️

3️⃣ قراءة التحليلات : وهاي الفقرة مهمة جداً وقريباً ان شاءالله نبدي بيها راح يكون ويانا شخص مختص و متميز بأسلوبه بالشرح ومتمكن من تبسيط الشرح حتى يكون ويانا بهاي الفقرة المهمة جداً الك باعتبارك طالب مجموعة طبية تزيد ثقافتك الطبية✅️ وبنفس الوقت كل اقاربك ومعارفك راح يشوفونك تحاليلهم ويكلولك تعال اقراهن .

4️⃣ الأمراض الشائعة ومعلومات طبية مهمة :
وهاي راح نخليها على شكل اهم الأمراض اللي ضروري على كل طالب مجموعة طبية يعرفها وايضاً هيج فقرة راح يكون ويانا طبيب مختص بيها نظراً لأهميتها ✅️
.............
في الختام القناة هاي حيل دا نتعب عليها وهي مشروع تثقيفي طبي بأمتياز يخدم الطلاب ويغنيهم عن الكورسات المدفوعة $
وبنفس الوقت بيها خطة مدروسة متعوب عليها من قبل مختصين
وكل هذا لوجه الله
إذا اعجبكم محتوى القناة نتمنى دعمكم النا بمشاركتها لاصدقائكم لتعم الفائدة
ويارب بميزان حسناتكم
♥️✨️🌸

موضوع خياطة الجروح
الجانب النظري هو الأهم والأصعب
اما العملي من تجي تخيط اسهل منها ماكو وكلها تعرف تخيط
لذلك ركزولي بالجانب النظري✅️ وان شاءالله قدر الإمكان نفيدكم بي بمعلومات مهمة

شغلتين مهمات انتبهوا عليهن 👌✨️

الأولى : من يجيك بيشنت يعاني من ألم بالبلعوم والحنجرة مو مباشرةً يروح بالك للالتهابات وتنطي مضاد حيوي ❌️
لازم تتأكد لربما يكون الألم بسبب ارتجاع المريء اللي شرحناه لذلك تأكد من الأعراض المصاحبة لألم البلعوم مثل الحرقة والاحساس بوجود حامض بالحنجرة(أعراض مرض جيرد ) ✅️

الشغلة الثانية : أدوية ال Antacids مايصير ننطيها وية علاج ثاني ⛔️
انتبهوا لهاي الملاحظة المهمة ✅️

كوز خاص الكم شاركوا بالتعليقات👇

إذا سألك شخص على اعتبارك طالب مجموعة طبية وكلك اني آخذ علاج مال التهابات أو أي علاج ثاني
والطبيب وصفلي وياه مضاد حموضة وكلك يصير اخذهن سوية ؟ وليش ؟

للي يواجهون صعوبة بهذا الموضوع Antacids او صعوبة بتجميع المعلومات كتبولنا بالتعليقات لان القناة مخصصة للفائدة وإيصال الفكرة والرد على استفساراتكم
وان شاءالله نوضحلكم

دغدغ عقلك
٣ كوزات شاركوا بالتعليقات
1️⃣
كلنا نعرف انه المغنيسيوم mg يسبب اسهال
والالمنيوم AL يسبب إمساك
برأيكم ليش شركات الأدوية من يسوون علاج Antacids يخلونهن سوية بنفس المقدار مثل مالوكس ؟؟
2️⃣ شنو افضل وأسرع طريقة ننطي بيها ادوية ال Antacids (معلّق او باودر او أقراص ) وليش ؟
3️⃣ شراب جافيسكون اللي مسوين عليه إعلانات مال إطفاء حريق بالمعدة ههههه
ليش مايصير ننطي لمرضى الضغط والفشل الكلوي ؟
للي عنده سؤال هذا معرف الصيدلاني محمد كاظم
@Moha_amd
تواصلوا وياه
وأتمنى تنطونا رأيكم بطريقة الشرح وإيصال الفكرة والملاحظات بالتعليقات