القلم الحسيني النسوي

#قصائد_نسائية_ورجالية

تم تنزيل قصائد لمحرم من جميع القصائد والأطوار من نعي هوسات محاضرات

من جميع انواع القصائد بجميع الأوزان والأطوار تفيدكم لشهر محرم وبقية الوفياة مع الأطوار


عليكم الأشتراك 👇🏻👇🏻👇🏻👇🏻👇🏻

https://t.me/amAli30

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة مربعة و فزاعية ( للخوان ) 🌺
-------------------------------------------------------

ايعينها الله الفارگت خوانها
قاسي ما يرحم تراهو ازمانها


اتموت مهضومة و گلبها منمرد
شلون تبقة المالها اعزاز وضمد
فرگت الخوان خلة و ما تسد
المن اتضل لو جفوها احنانها

الهجر يحنان ما يرحم ترة
شحالها الفگدت تضل امحيرة
و الدهر قاسي وتضل امرمرة
و دار الاخوة توحش ابنيانها

شلون تمشي للديار الموحشة
والنزل يوحش گلبها و يخمشة
الفاگدة تبقة ابهضمها عايشة
كل حرمة تبقة ابعوزكم وليانها

الحرمة تعتاز الذي ايبارونها
ليش زينب هلعدة يولونها
و على الهزلة امجتفة يسبونها
و هية عنوان الشرف عنوانها

يا اخت مثلج يزينب بل صبر
فوگ ذبح اخوانها تمشي بيسر
وعلجثث بضعونها تجزي وتمر
اتهد جبل لو مر عليه احزانها

تحملت زينب مصايب والهضم
لا عزة نصبت لخوها و لا لطم
و الگلب راحت انياطه و انثلم
وحتى رحمة ماكو عد عدوانها

-------------------------------------------------------
*بقلم خادمة اهل البيت ع ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

#ابوذيات_نعي

مثل نار الخيم فگدك ويرهم
منو اليصبر على فراگك ويرهم
گبالي وچتف أطفالك ويرهم
افلنهم حرت لوفل اديه

انه لوشاف حالي الصخر چاوين
نار الخيم للأطفال چاوين
الشمر طگهم وصاحو صوت چاوين
عمنه ويفزع أن بهاالرزيه

بكثر مجره الفرات الدمع ياره
وحيده وعلي ذب الدهر ياره
تمنيت الكفلني اليوم ياره
ويشوف شسوت الايام بيه

اعله روحي الحزن ضل يفتر طفلها
وناري الگلب ماواحد طفلها
الرباب تريد من عندي طفلها
وتلولي اعله المهد صبح ومسيه

ويلاه يافرت دهرنه
حادي الظعن باالكوفه مرنه
لكن بچينه وماصبرنه
وليامنه الراحت ذكرنه
لذاك الوكت حيل انقهرنه
يحظر علي اشگد انتظرنه
ويشوف حالتنه وقدرنه

لهذا الوكت ماحاسبه حساب
مچتوفه أمر بعتبت الباب
لو عاتبت يجرحني العتاب

هيه التمر يم دار أهلها
تنتظر واحد يطلع إلها
تحچيله وتگله ويگلها
شو زينبك محد سألها
طرت الكوفه اليوم شلها


#سعدالعبودي
اهدي ثوابها الى روح والدي



https://t.me/amAli30

اللهم صل على محمد وال محمد

يا الله قصيده بحق مولاتي زينب


آنه زينب بت علي
وبو فاضل كافلي

بعد عينك انولي وانه زينب بت علي
راح عباس يبويه...... راح عباس

┄┉❈❥ًً❀(«🧿»)❀❥❈┉┄

انه زينب العقيله وكلها تعرف منسبي
شلون هسه امشي يسيره خويه بيد الاجنبي
خويه لوشفت الجرالي ولو شفت حرك لعبي
بهضم جيتك للشريعة وانته تعرف مطلبي

بعد عينك انولي وانه زينب بت علي
راح عباس يبويه..راح عباس

✍ام روكان الشمريه

┄┉❈❥ًً❀(«🧿»)❀❥❈┉┄

انت حماي الفواطم وانت كافل للخدر
خويه يا نعم الكفيل يبو فاضل يالكمر
تالي اتعوف الكفاله خويه وكفلت النهر
من بعد عينك يخويه آني مشوني بيسر

بعد عينك انولي وانه زينب بت علي
راح عباس يبويه..راح عباس

✍️أزهار جبار الجياشي

┄┉❈❥ًً❀(«🧿»)❀❥❈┉┄

أنت عباس الكفلني وانت نور عيوني
ابقه من بعدك غريبه والعدا يضربوني
كوم اكعدلي يخويه وهاك اخذهه عيوني
آنه موش عزيزتك تقبل ايهظموني

بعد عينك انولي وانه زينب بت علي
راح عباس يبويه..راح عباس

✍ام علي افضل

┄┉❈❥ًً❀(«🧿»)❀❥❈┉┄

تدري ياخويه وغلاتك گلبي ما هاب الخطر
لاجن اختك تدري بيها الناس لو تنشد خبر
بواهس الاحساس هذا تموت اختك يا گمر
آنه بعدك بالكفاله احمي صيوان الخدر

بعد عينك انولي وانه زينب بت علي
راح عباس يبويه..راح عباس

خادمة الزهراء /ليلى زغيب

┄┉❈❥ًً❀(«🧿»)❀❥❈┉┄

زينب من غبت عنها اختك بلهضم حست
نادت يمه ياالزهره راية كافلي وكعت
كعدي شوفي الي جره بيه كربله شسوت
من احسين المهر خالي وابنار الخيم شبت

بعد عينك انولي ... وانه زينب بت علي
راح عباس يبوي .. راح عباس

✍الخادمه ام كرار الطائيه

┄┉❈❥ًً❀(«🧿»)❀❥❈┉┄

يلجبتني من المدينة وانته تبره ضعوني
تالي ابطفال وحرمكم خويه كلفتوني
بس طحت ياكمر هاشم وليه اتولوني
خويه مابيهم رحم على المتن ضربوني

بعد عينك انولي وانه زينب بت علي
راح عباس يبويه..راح عباس

✍سهام المالكي

┄┉❈❥ًً❀(«🧿»)❀❥❈┉┄

خويه من طاحت جفوفك عالنهر وي العلم
نزلت من التل تنادي عسى بعيوني العدم
ماتشوف الحره انته نابت بعينك سهم
كوم ياحامي الشريعه كوم ياطود الزلم

بعد عينك انولي وانه زينب بت علي
راح عباس يبويه..راح عباس

✍ام زيد الشمري

┄┉❈❥ًً❀(«🧿»)❀❥❈┉┄

من اجيتك للمعاره لكيت جفك منبتر
آه خويه شوف حالي بشوفتك كلبي انفطر
روحي اخذها وكوم لينه شلون ارد بلاكمر
ولو يسالوني اليتامه عليك شنطيهم خبر

بعد عينك انولي و انه زينب بت علي
راح عباس يبويه..راح عباس

✍الشاعره حسينية الهوى

┄┉❈❥ًً❀(«🧿»)❀❥❈┉┄
تمت
✍✍ بااقلام خادمات اهل البيت عليهم السلام

نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه

والفاتحه لروح المرحومه خادمة الزهراء عليها السلام الشاعره ام كرار الطائي



https://t.me/amAli30