عكب عينك ليالي الطيب ماجن
عجيبة شلون عكلي اعليك ماجن
ومثل موج البحر يحسين ماجن
اعيوني اعليك ياخويه الشفيه

ازيح اهمومي يمك جيت وجلي
افراكك نار حدر الظلع وجلي
وصيتي لوكربلي الموت وجلي
اريدك تجي وتدفلني اليه

حيلي بيك اشدنه وهاماي
والمن اشتكي ظيمي وهاماي
موش اعله الصدر دكي وهاماي
على اعيوني ادك بثنين اديه

اسبن حرمله كل يوم ولعن
جيف بسهمه صاب الكلب والعين
نار الهجر حدر الظلع ولعن
تخمد مااظن تبقه سريه

سهم البين صاب الكلب وحشاه
علي~ يحسين صار الليل وحشاه
واشوف ايزيد وده اليوم وحشاه
لعين وابد مايرحم اليه

من دون الخلك دهري ولاني
اولايابس صفه عودي ولا-ني
ذبيحه ريتني كبلك ولاني
اشوفنك صريع اعله الوطيه

ظلمه مجلجله اخلافه تره اسماي
ابيوم الجود ابو فاضل ترس ماي
صح زينب يهل تنشد تره اسماي
حوراء الحزن لايك عليه

على الطاغي بخطابي اهناك رديت
ومن بعد اليسر والظيم رديت
راسك للجسد يحسين رديت
وعسه يومك يخي ماطل عليه