نزال فزاعيه الى مولاي الاكبر ع
🎤

علي الاكبر بيده ﻻزم سيفه
كام يختار ابعدوه ابكيفه
اسمعه گال اگظيهم
علــي اشفاعل بيهم
::::::::::::::::::::::::::::::::::::::::::::::::::::::::::::::::::::::
ركز اعليهم اوباشط صارمه
الاكبر اليوكف اكباله ايحطمه
شاف ملك الموت بيده قائمه
كله حطهه أوروح ارجع السمه
امن الرعب ارويهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
بيدي صفيهه وﻻ انطي سماح
اكعد ابجانب اوعاين عل الرماح
وارسم الصوره ابخيالك علجناح
كلهم اموتين مو وضع انبطاح
تخربطت رجليهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
ابتسم ملك الموت من صد ليهم
اوكال اجو للموت وابرجليهم
اوكله ملك الموت راحه انطيهم
خللي حصه اوياك ﻻتكضيهم
الله دزه عليهم اعليهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
صال شبل حسين الاكبر صوله
اومن رعبهم كامو ايحيوله
كام بالعدوان يلعب جوله
صار خيرهم يخط بذيوله
خوف الـــه مليهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
اوأبن غانم خابصينه بصيته
كون ارجعه اجنازه أني البيته
ربك أنته الدزك التاليته
وانه قبلك ياملك لنهيته
للزجيه اهديهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
هاذه يومي وهوه ماضن يومك
وانه ارحب من تجي بقدومك
انته ارخ للسماء اعلومك
واخذ طبعه من الدما بهدومك
صوره عني انطيهم
علي اشفاعل بيهم
::::::::::::::::::::::::::::::::::::::::::::::::::::::::::::::::::::::
تمت بفضل الله تعاله) بقلم خادم الحسين )ع(أبو ماجد الشغانبي