هذا أبو القاسم    
سيد بني هاشم
من طب علي للملحمه    
صاحت ملائكة السمه
هذا أبو القاسم

* * * * *

صور مرويه عن طف كربله وتذهل
مواقف تدهشك لو بيها تسترســل
عجائب رسمت الحيره بوجوه الكل
مصائب خلت ادموع الحجر تهمـل
عجبه النبي يرجع    
ويصير أله مصرع
أتذبحه الجيوش الظالمه    
صاحت ملائكة السمه
هذا أبو القاسم

* * * * *

علي الاكبر بيوم الصال واستبسل
خاف الجيش لمن هوّس وصــوّل
نص صاحوا علي حيدر رجع وأقبل
ونص صاحوا أجه الهادي النبي المرسل
وجهه وجه طاها    
مذهوله خلاها
شمرة علي حامي الحمه    
صاحت ملائكة السمه
هذا أبو القاسم

* * * * *

هجم طش الجيوش وكلها كدرها
أو رد ليها وجمعها وكام يشطرها
أو فركها أولاها أوحيــل مرمرها
أورد لمها أوفتك بيها أوطشـــرها
بصولاته ذل عزها    
بيها الارض هزها
خلاهــا كلها امخذمـــه    
صاحت ملائكة السمه
هذا أبو القاسم

* * * * *

شهم وأهل الشهامه أعليهم أتصدر
وفلا جيش اليواجه قدرتـــــه يكدر
لاجنه بطفها محتوم القـــدر قدّر
ورحل وأعليه كلب أم العله أتكدر
أملاك السمه حزنت    
كلها عليه ونت
من جسمه ظل ينزف دمه    
صاحت ملائكة السمه
هذا أبو القاسم

* * * * *

من طــاح وملائكــــة العلـي عرفت
عليـــه ناحت عليـه ونت دمع ذرفت
عليــه علنت حداد وبالسمـه وكفت
صفوف أصفوف لأستقباله أصطفت
رب العلُى كرّم    
أبن النبي الاعظم
رب الجلاله عظمه    
صاحت ملائكة السمه
هذا أبو القاسم

* * * * *
                                       سلام المشعل



#الناشر_مهدي_البوغبیش

🔻قنواتنا المتواضعة ونتشرف بانضمامكم الینا


💠⚜قناة القصائد الملحنه⚜💠
🔰⚜عشاق الحسین⚜🔰
👇👇👇👇👇

🆔 https://t.me/joinchat/AAAAAD9wBech3XfcE5G4KA ‏

💠⚜کروب عشاق الحسین للتلحین القصاید⚜💠
👇👇👇👇
🆔 https://t.me/joinchat/ATZm8RUUWrk-KHq7rcmdHA