الشاعر ابو محمد العاشور

اليوم اركان العرش حزنانه
غاب بدر العسكري مولانه
واويلاه يالعسكري وا ويلاه يالعسكري
***************
غاب بدر العسكري يا للمصاب
باجر المهدي يواريه التراب
يبجي عالوالد وگلبه يحسه ذاب
وتنزل دموعه دمه اعله اوجانه غاب بدر العسكري مولانه
واويلاه يالعسكري وا ويلاه يالعسكري
***************
يبجي عالوالد امامي المنتظر
والدمع ينزل على الوجنه حمر
ينادي ياويلي على الحادي عشر
جنت خيمتنه وعلي وحمانه غاب بدر العسكري مولانه
واو يلاه يالعسكري وا ويلاه يالعسكري
***************
اليوم حلت فاجعه بشيعة علي
مات مسموم ابن هاديها الولي
تبجي ظلت والدمع منها ايهلي
الليل متنامه بقت سهرانه غاب بدر العسكري مولانه
واويلاه يالعسكري وا ويلاه يالعسكري
***************
الليل متنامه تظل ونه تجر
مصاب ابومهدي عليها كالجمر
ناره ماتطفه لحد يوم الحشر
الشيعه لمصاب الولي حزنانه غاب بدر العسكري مولانه
واويلاه يالعسكري وا ويلاه يالعسكري
***************
الشيعه حزنانه وتواسيه للوعد
عهد وقعتله وتوفي للعهد
ماتعوف ال النبي أي والصمد
هما نور الله العلي بسمانه غاب بدر العسكري مولانه
واويلاه يالعسكري وا ويلاه يالعسكري
***************
المهدي غسل والده وصلى عليه
وشيعه الگبره ورفع نعشه بديه
وقام مأتم اله والشيعه تجيه
وكل الگلوب بحزن مليانه غاب بدر العسكري مولانه
واويلاه يالعسكري وا ويلاه يالعسكري
***************
سيدي القائم يراعي المرجله
جدك المظلوم محد غسله
ظل ثلث تيام دامي بالفلا
وعمتك ظلت علي حيرانه غاب بدر العسكري مولانه
واويلاه يالعسكري وا ويلاه يالعسكري
***************
خادم اهل البيت / ابومحمد العاشور(07810010732)

اليوم حلت فاجعه ابال الرسول
رحل سيد اكوانها عود البتول
وا ويلاه على النبي وا ويلاه على التبي
********
اليوم حل بال النبي اول مصاب
عنها نور المصفى ياويلي غاب
وباجر يوسده اعضيده بالتراب
تنوح وتنادي علي كل الاحباب
وا ويلاه على النبي وا ويلاه على التبي
*********
الوحي جبرائيل ناصبله عزاء
ضجت الاكوان كلها بالبكاء
اصواتها وصلت لحد سابع سماء
يالله نادوا اوياها يااهل الولاء
وا ويلاه على النبي وا ويلاه على التبي
*********
على مصاب المصطفى ماتهده روح
مصابه اول جرح ويولد جروح
بعد عينه مصايب هوايه تلوح
گلوبنه تلطم على الهادي وتنوح
وا ويلاه على النبي وا ويلاه على التبي
*********
بعد عينه بينت اصحاب الشقاق
الخلصوا كل العمر بس بالنفاق
ويلهم ياويلهم يوم التلاق
من يشوفون الصقر صار المساق
وا ويلاه على النبي وا ويلاه على التبي
*********
ويلهم يوم التلاقي بالحشر
العافوا اعضيد النبي ذوله الكفر
وخلصوا باحقادهم كل العمر
والامر بيد الوصي هناك الامر
وا ويلاه على النبي وا ويلاه على التبي
**********
هناك يلگون الامر يم حيدره
الوقع كتابه يسهل معبره
أي وحگ المصطفى وحير الورى
النكرت البيعه تظل محيره
وا ويلاه على النبي وا ويلاه على التبي
**********
وين تنطون الوجه يامجرمين
النار ملفاكم وحگ ام البنين
الجنه بيد المرضى وام الحسين
يدخللها الواله امير المؤمنين
وا ويلاه على النبي وا ويلاه على التبي
*********
خادم اهل البيت / ابومحمد العاشور(07810010732)

ه

قصيدة للمشاية

يحسين اجينالك مشي والرايات بيدينه
والله ماننساك ابد يل انت ماناسينه
******************
يوم اربعينك سيدي نگصد الك مشايه
نهتف اباسمك ياشهم وباسم راعي الرايه
للموت نبقه الكم تبع شيعه ونظل وفايه
ابلياك مايسوى العمر نقسم وحگ هادينه
والله ماننساك ابد يل انت ماناسينه
******************
يحسين اجينالك مشي عالجدم يامولانه
وامك يبن سيد الرسل هيه اللي تتلگانه
وعودك علي حامي الحمه طول الدرب ويانه
وتسمعه نبضات الگلب لمن يجي يحيينه
والله ماننساك ابد يل انت ماناسينه
******************
ندري اليزورك سيدي باجر يحصل الغانمه
من اهوال ساعات الحشر امك تخلصه فاطمه
وهذا الحجي اقسم علي بالمعتلي رب السمه
حسين انت مصباح الهدى كل الدهر يهدينه
والله ماننساك ابد يل انت ماناسينه
******************
درب عدل يبن العدل بس المحب يندله
وكلمن يعوفك يالولي بيمانه صارت خله
حسين انت قران المله وانت الحمد والبسمله
لولاك دين الله انمحى يبن الوصي والينه
والله ماننساك ابد يل انت ماناسينه
******************
هذا المشي ماينمنع غصبن على كل ناصبي
بي رحمة الله الواسعه مخصوصه لاولاد التبي
الراحن حرمهم عالهزل والوادم الهن تصطبي
والماشي يتلگه الضعن ودمعه يهل من عينه
والله ماننساك ابد يل انت ماناسينه
******************
نواسي بمشينه المنتظر ابن الحسن مهدينه
اليحضر ويانه بكل وكت ولكربله يماشينه
ويبجي على الصاير وذر والگطّعوا جفينه
وحنه نگله يالوعد عجل بجيتك لينه
والله ماننساك ابد يل انت ماناسينه
******************
عجل بجيتك يالولي وسل عالكفر بتارك
والسبوا عماتك غصب اخذ انت منهم ثارك
وهتف يثارات السبي ويا ثار حرگت دارك
ادب اعداك بصارمك النكروا نبينه ودينه
والله ماننساك ابد يل انت ماناسينه
******************
خادم اهل البيت / ابومحمد العاشور(07810010732)

الليله انودع السجاد والهم غيم علينه
*************************************
الليله يروح بن حيدر والهم غيم علينه
ونار احزانه تسعر والهم غيم علينه
دمع عيونه تفجر والهم غيم علينه
وظل الحزن غاطينه الليله انودع السجاد
والهم غيم علينه
*************************************
عمره خلص اباهات والهم غيم علينه
روحه شافت الوعات والهم غيم علينه
اباذنه يسمع الشتمات والهم غيم علينه
بالطف من اعادينه الليله انودع السجاد
والهم غيم علينه
*************************************
عليل وگيدوه بحبال والهم غيم علينه
وي عماته والاطفال والهم غيم علينه
دمعه اعلل اهل همال والهم غيم علينه
بساعد الله والينه الليله انودع السجاد
والهم غيم علينه
*************************************
بعينه نظر للعطشان والهم غيم علينه
مؤذر ويلي عالتربان والهم غيم علينه
وعالشاطي گمر عدنان والهم غيم علينه
گطعوا منه جفينه الليله انودع السجاد
والهم غيم علينه
*************************************
مصيبه قصة السجاد والهم غيم علينه
جمره اتجوي كل افاد والهم غيم علينه
دلالي علي ماهاد والهم غيم علينه
مصابه حيل ماذينه الليله انودع السجاد
والهم غيم علينه
*************************************
ياشيعته الوفايه والهم غيم علينه
يالله ننصب قرايه والهم غيم علينه
لبن الماشرب مايه والهم غيم علينه
وندمي الصدر بيدينه الليله انودع السجاد
والهم غيم علينه
*************************************
لمصيبة رابع الاعلام والهم غيم علينه
گوموا نلطم اعلل هام والهم غيم علينه
الليله نسهر ومنام والهم غيم علينه
ونگضيها ابواجينه الليله انودع السجاد
والهم غيم علينه
*************************************
خادم اهل البيت/ ابومحمد العاشور

الزهره اتحب القرايه
وتحب هاي الحجايه
على المذبوح ياويلي
على المذبوح ياويلي
****
ياناس بمجالسنه الزهره عادة تحصر
تلطم عالوجه وتكول. ا يوليدي الموذر
وعلى صوب الطفوف اتصيح ياعباس يالاكبر
بس هالليله شو لزمت بديها الضلع المكسر
يم باب الحسينيه. تقره الزهره لطميه
على المذبوح ياويلي على المذبوح ياويلي
***
تمشي وتعثر يهمها. والدمعات تجريها
تحضر بالمجالس دوم. . وثوب الحزن غاطيها
للشيعه تجي الزهره. . وتبجي من تلاكيها
يالله كوموا يالاحباب. للزهره نواسيها
نواسيها اعله ولياها. وكلنه نكول وياها
على المذبوح ياويلي. على المذبوح ياويلي
**
ياشيعة علي الكرار. لتعوفون القرايه
هيه رحمة الرحمن. نشوف أسرارها هوايه
هيه التنجي يوم الدين. وحك عباس ابو الرايه
بالمحشر هذاك اليوم. اذكروا هاي الحجايه
فايز والجنان ينال. كلمن بالمجالس كال
على المذبوح ياويلي. على المذبوح ياويلي
*'' '
حك الشيعي من ينوح. ويدمي باللطم صدره
ايمامه دامي فوك الكاع ضلوعه بخيل متكسره
باقي بلا دفن ويلاه. والاوصال متوذره
وبخيامه تشب النار. وخيره احتارت الحره
مره تكوم مره اطيح. زينب بالطفوف تصيح
على المذبوح ياويلي. على المذبوح ياويلي
***
وينك ياابو الثارات عجل بالفرج مولاي
سل سيفك على الظلام. الحرموا جدك من الماي
ضاكت يبن داحي الباب. ونعلم انت ادرى بهاي
يمته ترفع الواكم. يالمهدي ضوه عيناي
يالجدك علي الهادي. كلنه سيدي انادي
على المذبوح ياويلي. على المذبوح ياويلي
'****
خادم أهل البيت ابومحمد العاشور

قصيدة لدفن الاجساد الطاهرة

ابو الباقر دمعته سجابه
شلون يدفن والده واصحابه
***********
اليوم ابو الباقر دمعته هامله
ينظر لوالده مگطع بالفلا
ظل ثلث تيام محد غسله
ودم جبينه يشوف صار خضابه اليوم يدفن والده واصحابه
*********
شاف ابو اليمه علي فوگ الثره
ونـار دلالـه بقـت مـتـوجـره
دنگ وباس الغريب بمنحره
ونار گلبه عالابو لهابه اليوم يدفن والده واصحابه
*************
ياعلي السجاد ايا محنته
بيده نزل والده نص حفرته
ذاب دلاله عَـليه ومهجته
وروحه ياويلي بقت مرتابه اليوم يدفن والده واصحابه
************
ظل يجر ونات لحظات الدفن
بالطفوف هناك ظل يبجي ويون
ودم دمع عينه نزل فوگ الوجن
ثـالـث أيـمـام اشيـجبره مصابه اليوم يدفن والده واصحابه
**********
مصاب ابو السجاد ياعالم صعب
دامي ظل بكربله فوگ الترب
اعلي دمعنه للحشر يبقه يصب
ويجري ماينگطع دمع احبابه اليوم يدفن والده واصحابه
*********
بسم الحسين الوگع في كربلاء
يا أله الكون نرفع هالدعاء
عجل المهدينه بن الاتقياء
خل يسل بتاره من گرابه اليوم يدفن والده واصحابه
***********
خل يسل بتاره يهجم عالكفر
وياخذ بثار الطهر وبن الطهر
وبيده عالي ترفرف اعلام النصر
صاحب الحك سيدي وطلابه اليوم يدفن والده واصحابه
***********
خادم اهل البيت/ ابومحمد العاشور

وينه اليلطم اعله حسين وينه اليلطم اعله حسين والدمعات يجريها
دمعاتك على المظلوم دمعاتك على المظلوم النار هناك تطفيها
*************************************
لتعوف اللطم والنوح يالتخدم ابو الاكبر
وشارك كل عزه موجود عنوه اتعنه اله واحضر
حسين ايحب اليحبه امان يصيرله من الشر
ونتباها بمحبته احنه بن الزهره المشكر
ماعدنه عمل مضمون بس حب بن هاديها
*************************************
يالتلطم على المظلوم وتحضر مجلس قرايه
اتسجلك ويه المحبين ام الماشرب مايه
يوم المحشر اتجازيك ترفع شانك هوايه
وتشفعلك بجاه حسين والعباس ابو الرايه
وهيه ادخلك الجنه هيه ادخلك الجنه وتخلد للابد بيها
*************************************
ياشيعة ابو الحسنين ليالي محرم احييوها
بيها رحمة الباري واجب ان تحضروها
اوياكم تحضر الزهره بالمجلس تعرفوها
ومحجوبه عن الانظار وتسمعكم تواسوها
وتبجي وياكم بحرگه وتبجي وياكم بحرگه مصاب حسين ياذيها
*************************************
بهذا الشهر يالاحباب دامي طاح والينه
اعلي صلت سيوف البين فوگ الثره موذرينه
وصدر الطاهر المظلوم بخيل اعداه مكسرينه
وعالغبره بقه مطروح بطف كربله مسلبينه
ظل بلادفن عالگاع ظل بلادفن عالگاع والخدر مسلبيها
*************************************
مصيبة سيدي ومولاي ابو الاحرار وعياله
ماتنسي ليوم الدين اعليه الدمعه هماله
حبه يجنن المحبوب واحنه احباب صرناله
وين يريد نمشي وياه لامره نطيع واقواله
امرك سيدي نگله امرك سيدي نگله يالوالي بن واليها
*************************************
خادم اهل البيت/ ابومحمد العاشور

اليوم بن عقد الوله ظل وحيد بكربله
ماله ناصر لامعين والانصار مجتلين
ظل وحيد بكربله
***
اليوم بن فارس مظر
المن يدير النظر
ابو الرايه اعلل نهر
راسه ويلي انفطر
والانصار اعلل ثره بالسيوف مؤذره
اه يمصاب الحسين ماله ناصر لامعين
***
يقاتل اوحيده بقه
مثل حيدر بالوغى
آل اميه اهل الشقى
مايهاب الملتقى
بالحرب ماله مثيل والده حامي الدخيل
ماتهمه الحاقدين ماله ناصر لامعين
***
حسين لازم ذو الفقار
بيده بالحومه القرار
يگلب اليمنه يسار
تيهوا درب الفرار
أمن ابو اليمه والنعم تردمت منه الزلم
من هجم عالمجرمين ماله ناصر لامعين
***
من مشه للمشرعه
شلونه بالله اليمنعه
الماي شاله ورجعه
عالنهر هل مدمعه
يدري بعياله تصيح من العطش رايح نطيح
شلون ياحامي العرين ماله ناصر لامعين
***
يقاتل جموع الكفر
وعيلته اتظل تنتظر
لحظه ويرد المهر
خالي ومبين الامر
طاح دامي بن الفحل والرمح راسه حمل
معفر بدم الجبين ماله ناصر لامعين
***
يمته يبن المرسلين
ياغياث المؤمنين
تاخذ بثار الحسين
من جموع الكافرين
سيدي يبن الحسن گوم وانهيها الفتن
ياحبل الله المتين ماله ناصر لامعين
***
خادم اهل البيت / ابومحمد العاشور(07810010732)

شهر الدمع يم الضلع هل اعليج
وام الحزن ظلت تون تنظر ليج
ونن سوى بطف نينوى
عالظل رميه وغالي مولاتي اعليج
*****
يم الحسن مولاتي يم الاحزان
بين عليج هلال شهر العطشان
تنزل دمعتج دمه فوگ الاوجان
بيمن يذكرج يبت سيد الاكوان
طف الدمه يافاطمه اتذكرينه
وظل عالثره ابنج تره مگطعينه
يحن الگلب دمعج يصب
عالظل رميه وغالي مولاتي اعليج
*****
من طاح ابواليمه او هوى بالحومه
مگطع وذر بالطف غرگ بدمومه
بصيوانها زينب بقت مهمومه
محد يجيها يوصل الها علومه
بت حيدره اتاني تره ايرد ليها
اوياها الحرم نص الخيم اتباجيها
ادگ عالصدر ام الخدر
عالظل رميه وغالي مولاتي اعليج
*****
لزينب يرد يصهل وخالي الميمون
جنه يگلها طاح اخيج يم عون
ركضت الحره اوي الحرم ركض جنون
صوب الحسين بصوت عالي ينادون
يبن الطهر بعد الظهر مارديت
ردتك ترد بسيفك تهد يل ماجيت
لمن رحت حيره حرت
عالظل رميه وغالي مولاتي اعليج
*****
جنتي جريبه من الولد يالزهره
شفتي الشمر مولاتي گاطع نحره
وجسمه بقه دامي اعله وجه الغبره
وخيل العده شفتيها داست صدره
ويمه تجي بنت الوصي يا فاطمه زينبكم
المدمع يصب يلوج الگلب وتنادي يمصيبتكم
ماتنحمل دمعي يهل
عالظل رميه وغالي مولاتي اعليج
******
تنسين كسر ضلوعج وحرگ الدار
لمصاب ابنج وبن سيد الاطهار
نار البابج والخيم نفس النار
الاشرار ذوله ولد ذيج الاشرار
نفس الرجس الجانت امس بينت زين
ماكو فرق نفس الحرق يم حسين
مايطفه ابد ليوم الوعد
عالظل رميه وغالي مولاتي اعليج
******
بشهر الحزن شيعتكم الوفايه
تنصب الولدج يالوديعه قرايه
وانتي يبنت الهادي ادرى بهايه
بكل مجلس تحضرين يمنه هوايه
وكت النعي يصير البجي اوي الدمعه
يوم الحشر هيه الذخر يالبضعه
ياعامه تنزل دمه
عالظل رميه وغالي مولاتي اعليج
******
خادم اهل البيت /ابومحمد العاشور( 07810010732)

حسين يوم العاشر الجيش ظل بي حاير
**********************
هاك اخذ علومه حسين سبع الحومه يوم عاشر يومه دمدم اعلل عسكر
لوح ابتاره عالكفر شن غاره والزلم محتاره بالوغى من كبر
اتبهذلت احوالهم ظل يكر برگابهم
الموت بيده الباتر حسين يوم العاشر
**********************
كلهم يعرفونه بطل مايدنونه خافوا يلاگونه طاحوا اعلل غبره
موته كلهم موته ادوهنوا من صوته مثل حيدر قوته خله دمهم يجره
الموت صاير بيده سوى شنهو يريده
اعلل كفر ظل داير حسين يوم العاشر
**********************
خله كل العسكر من الرعب تتعثر وهو ظل يتبختر بيمنته صمصامه
شردوا اعلل وسعه الشمر وي ربعه قسم طاحوا صرعى غارگ بدم هامه
كالصواعق سيفه اخذ منهم حيفه
ولحسامه شاهر حسين يوم العاشر
**********************
گلهم حسين انه يبقه عالي الوانه يخسه من يدنانه كون اطر جبينه
حيدره والدنه عالصبر علمنه ليوم عاشر ضمنه الكربله هل جينه
أي وحگ البضعه اليوم اخلكم صرعى
بقوة الله القادر حسين يوم العاشر
**********************
ويلكم ياويكم كون اكسر خشومكم وبيدي الوي جفوفكم بكربله اتشوفوها
بن حامي اديانها جدي سيد اكوانها من اكض اعنانها حملتي تعرفوها
أي وحگ عباسي ما ادنگ راسي
بالكلايف حاضر حسين يوم العاشر
**********************
كون سالم ديني ياسيوف اخذيني فدوه كل سنيني لدين الله العالي
دمي يصبح ثوره للفهم مايجره ابقه عِبره وعَبره بهل الحجي ماغالي
حجه حجي الحجه كالشمس في نهجه
بشعري هذا الاخِر حسين يوم العاشر
**********************
خادم اهل البيت/ ابومحمد العاشور

اتعلمت اهل الولاء
من ابو الغيره الوفاء
بالطفوف بالطفوف
************************
مثل ابو الغيره وفانه انوقع العهد بدمانه كل عمرنه للحسين
بالذر توقع عهدنه وشيعه ياعالم صبحنه كل عمرنه للحسين
كل موالي شماجره لامايعوفه
ينطي كلشي لجل ابو اليمه نشوفه
علمته كربلاء من ابو الغيره الوفاء
بالطفوف بالطفوف ************************
بحكمته رب العوالم وزعنه ماشي وخادم لبن الوديعه الزجيه
وبالدم كتبنه عباره واجب اعلينه الزياره لبن الوديعه الزجيه
واجب انشكره ونحمده العالي ربنه
خلنه خدام الغريب الماكو منه
نضحي مثله بالدماء من ابو الغيره الوفاء
بالطفوف بالطفوف
************************
عالوگع ضامي بطفوفه فدوه كلها الجعفريه بكل وكت هذا الشعار
تحيا وتموت بمحبته وياحسين تنادي كلها بكل وكت هذا الشعار
ياحسين اصبح نشيد بكل زمن
واسمه ثوره تهز طواغيت الفتن
يبقه عنوان الفداء من ابو الغيره الوفاء
بالطفوف بالطفوف
************************
العمر مايسوى بعده لابو الاكبر كل عمرنه درب الهدايات دربه
نفتخر خدامه احنه بالحشر يحضر نشوفه درب الهدايات دربه
خدمته هوايه عظيمه بيها نجاة البرايا
يحضرنه يوم التلاقي يخلصنا من البلايا
أي وحگ رب السماء من ابو الغيره الوفاء
بالطفوف بالطفوف
*****************************
احنه طلاب المنابر ندرس بكتب الشعائر والگمر هو المعلم
يرسنه عز وكرامه ومانطخ الراس ابد والگمرهو المعلم
درسنه حامل لواها بن سيد البريه
كربله بيها انتعلم اعظم قضيه
خالده بعد الفناء من ابو الغيره الوفاء
بالطفوف بالطفوف
*****************************
يمته يبن الطاهرات تاخذ يثار الحسين ويرتفع عالي لواك
وتقصم ظهور الاعادي منهم ترد الحقوق ويرتفع عالي لواك
انت ثار الله بعظمته سيدي يبن الطهر
وصلت الحد التراقي گوم صول اعلل كفر
وانهي اصحاب الشقاء من ابو الغيره الوفاء
بالطفوف بالطفوف
*****************************
خادم اهل البيت /ابومحمد العاشور( 07810010732)