رانجۀ خاورې ایرې  !!

چې ناځوان مرګي دې ڪړل تک تور باڼۀ خاورې ایرې
لیوني فراق دې ڪړمه یاره زۀ خاورې ایرې

د زړۀ تل ڪې مې غماز بیلتون سڪروټې ڪړې خورې
څۀ لبمه او څۀ لوګے شومه او څۀ خاورې ایرې

تۀ وړتیا لرې تۀ باسې مونږ د جبر لۀ تیارو
سپین طالبه خداے خو مڪړه چې شې تۀ خاورې ایرې

وي بې ڪسه  بې ڪفنه  پورې وورې جنازې
ڪړي بمبار ورانه جونګړه ڪوربانۀ خاورې ایرې

شوه ښڪلا ورته بلا، دے د افغان په ڪور ماتم
ڪړل دستور د زمانې مې پښتانۀ خاورې ایرې

شوې بندي او ڪه زخمي یې ورڪه یاره چېرته یې؟
که پر مرګ دې سپین هډونه شول وراستۀ خاورې ایرې

راوړه راوړه منتظر یې په لمدو عینینو ږدي
د غازیانو تر پښو لاندې دي رانجۀ خاورې ایرې

شاعر منتظر نجرابي