عام الباك يخليك تعيش مينداك ضغوطات نفسية و مينداك تولي تفشل كي تغلط فالتمارين ولا تفشل من الروتين دايما ليسي قراية و كامل سما يعلمك تتحكم فالقلق تاعك و يعلمك تولي مسؤول على روحك و يعلمك ترتب أولوياتك يخليك تفهم بلي فهاد الدنيا لازم تضحي بالحاجات الصغيرة مثلا الهاتف ولا الخرجات.... و يخليك تولي صبور و تقرأ كل يوم غير باش تحقق معدل لي حابو سما هو اول امتحان تواجهه في حياتك ،اما تنجح فيه و تنتقل إلى المرة القادمة او اما ترسب فيه
و هاد الفرق بين تلميذ لي يجيب معدل ممتاز و تلميذ لي ما يجيبش
التلميذ لي يجيب معدل ممتاز تلقاه ما يستناش وقتاش تجيه الرغبة باش يقرا و تلقاه يقرا في كل الظروف
بصح التلميذ لي ما يجيبش تلقاه دايما يأجل الدروس تاعو و ما يقراش دايما غير بالقوسطو و منبعد يقولك علاه ما جبتوش 💀
يعني معليش ما تجيبوش المرة اللولة عادي بصح المرة الثانية لازم تصحح واش كنت تدير لأنك اذا ما درتهاش نتا واحد ما يديرها في بلاصتك😉
سما لازم عام الباك تتوكل على ربي بيسك كي تجيك هاديك الفترات تاع تحس بلي خلاص ما تقدرش تتفكر بلي ربي معاك راح يعاونك و تدعي في صلاتك راح تتحسن اكيد سما لي مازال ما بدا يصلي هاذا هو الوقت المناسب والله
التوفيق يجي من عند الله سبحانه و تعالى تخيل نتا ما تصليش و ما تدعيش لربي و تحب التوفيق !!
سما باختصار شديد حاول تقوي صلتك بالله سبحانه و تعالى و تجتهد خلال هذه السنة ماهي إلا بضعة شهور حاول تدير لي تقدر عليه باش ما تندمش 👌❤️🩹
