Hasan Al-Muqriy yozyaptilar:
Oʻzingniki boʻlishiga nima yetsin?!
Sal kam bir oy boʻlyaptiki, Gʻazzaga suv, taom, tok toʻsib qoʻyilgan. Oʻsha sharoitda ham musulmonlar sabru iymonda, kurashda davom etishdi va holatni butun olamga uzatib turishdi. U yerdagi vaziyatdan hamma boxabar boʻlib, qilinayotgan vahshiyliklardan dunyo boʻylab norozilik ortgani va boshqa sabablar bois dushmanlar kuni kecha Gʻazzaga internet tarmogʻini ham uzib qoʻyishdi. Shu bois ijtimoiy tarmoq faollari Ilon Maskdan Gʻazzaga internet tarmoq uzatishini soʻrab murojaat qilishdi. U bu talabga ijobiy javob berishga harakat qilishini aytibdi. Balki yordam berar. Biroq, gap shundaki, Gʻazza ahliga fazoviy koʻmaklashishga shundan boshqa odam topilmagan. Qarang, Islom Hamkorlik tashkilotiga aʼzo boʻlgan 60 ga yaqin davlat, 2 mld musulmon oʻzlari uchun shu kungacha birorta fazoviy tarmoq yaratmabdi, dasturlar ishlamabdi. Bugun esa boshqalarga yalinib, oʻshalarning ogʻziga qarab oʻtiribdi. Bu hol Islom taʼlimotlariga zid, siyratga xilof, hayot qonuniyatlariga tersdir.
Agar ixlosli musulmonlar oʻzlaridagi internet tarmoqlariga-da oʻzlari ega boʻlganlarida, boshqalar ularni dunyodan uzib qoʻya olmas, agar uzsa, birovlarga yalinmay, oʻz kishilariga murojaat qila olar edilar.
Qariyb yarim asrdan beri dunyoning turli mintaqalarida turli qurolli harakatlarga berilgan dindor yoshlar ilm-fan sohasida jihod qilganlarida, hech shubhasiz, ummat uchun koʻproq foyda keltirgan boʻlishardi.
Toʻgʻrisi, men oʻzim zamonaviy jihozlardan keng foydalansamda, internet tarmoqlarini hamisha ishlatsamda va ularning haqqini toʻlab qoʻygan boʻlsamda, bu narsalar musulmonlarniki boʻlmagani uchun ularni ishlatib yayray olmayman. Qani edi musulmon fizik va matematiklarimiz, oʻzbek olimlarimiz mana shu kabi ishlarga munosib hissa qoʻshishsa. Qani endi shu narsalar oʻznimizniki boʻlsa...
Hali ham kechmas, odam qilgan ishni odam qila oladi, yoshlarimiz zamona ilmlarini yaxshi oʻzlashtirib, ummatni hech bir jabhada boshqaga muhtoj boʻlmaydigan holatga olib chiqishga erishsalar, mana shu haqiqiy sunnatga va siyratga muvofiq ish boʻladi. Sharti - bu ilmlarni dinining evaziga yoki oʻzlikdan kechib emas, balki iymonu axloq asosida oʻzlashtirish lozim. Mana shunda ular boshqalarga boʻlmagan ilohiy maʼunatga ham musharraf boʻladilar.
Odamlarimizda bir tushuncha bor, har qancha qulay boʻlmasin, ijara uyga uncha qiziqishmaydi, kamtarona boʻlsa ham, oʻz uyim boʻlsa deymiz, chunki mana shunda hotirjamlik, erkinlik tuyamiz. Juda toʻgʻri va tabbiy tuygʻu. Xuddi shu kabi, boshqa isteʼmollarimizda ham oʻzimiz ishlab chiqaruvchi boʻlmas ekanmiz, qaramlikdan qutila olmaymiz. Oʻzingniki boʻlganiga nima yetsin?!
@benazirlive
Oʻzingniki boʻlishiga nima yetsin?!
Sal kam bir oy boʻlyaptiki, Gʻazzaga suv, taom, tok toʻsib qoʻyilgan. Oʻsha sharoitda ham musulmonlar sabru iymonda, kurashda davom etishdi va holatni butun olamga uzatib turishdi. U yerdagi vaziyatdan hamma boxabar boʻlib, qilinayotgan vahshiyliklardan dunyo boʻylab norozilik ortgani va boshqa sabablar bois dushmanlar kuni kecha Gʻazzaga internet tarmogʻini ham uzib qoʻyishdi. Shu bois ijtimoiy tarmoq faollari Ilon Maskdan Gʻazzaga internet tarmoq uzatishini soʻrab murojaat qilishdi. U bu talabga ijobiy javob berishga harakat qilishini aytibdi. Balki yordam berar. Biroq, gap shundaki, Gʻazza ahliga fazoviy koʻmaklashishga shundan boshqa odam topilmagan. Qarang, Islom Hamkorlik tashkilotiga aʼzo boʻlgan 60 ga yaqin davlat, 2 mld musulmon oʻzlari uchun shu kungacha birorta fazoviy tarmoq yaratmabdi, dasturlar ishlamabdi. Bugun esa boshqalarga yalinib, oʻshalarning ogʻziga qarab oʻtiribdi. Bu hol Islom taʼlimotlariga zid, siyratga xilof, hayot qonuniyatlariga tersdir.
Agar ixlosli musulmonlar oʻzlaridagi internet tarmoqlariga-da oʻzlari ega boʻlganlarida, boshqalar ularni dunyodan uzib qoʻya olmas, agar uzsa, birovlarga yalinmay, oʻz kishilariga murojaat qila olar edilar.
Qariyb yarim asrdan beri dunyoning turli mintaqalarida turli qurolli harakatlarga berilgan dindor yoshlar ilm-fan sohasida jihod qilganlarida, hech shubhasiz, ummat uchun koʻproq foyda keltirgan boʻlishardi.
Toʻgʻrisi, men oʻzim zamonaviy jihozlardan keng foydalansamda, internet tarmoqlarini hamisha ishlatsamda va ularning haqqini toʻlab qoʻygan boʻlsamda, bu narsalar musulmonlarniki boʻlmagani uchun ularni ishlatib yayray olmayman. Qani edi musulmon fizik va matematiklarimiz, oʻzbek olimlarimiz mana shu kabi ishlarga munosib hissa qoʻshishsa. Qani endi shu narsalar oʻznimizniki boʻlsa...
Hali ham kechmas, odam qilgan ishni odam qila oladi, yoshlarimiz zamona ilmlarini yaxshi oʻzlashtirib, ummatni hech bir jabhada boshqaga muhtoj boʻlmaydigan holatga olib chiqishga erishsalar, mana shu haqiqiy sunnatga va siyratga muvofiq ish boʻladi. Sharti - bu ilmlarni dinining evaziga yoki oʻzlikdan kechib emas, balki iymonu axloq asosida oʻzlashtirish lozim. Mana shunda ular boshqalarga boʻlmagan ilohiy maʼunatga ham musharraf boʻladilar.
Odamlarimizda bir tushuncha bor, har qancha qulay boʻlmasin, ijara uyga uncha qiziqishmaydi, kamtarona boʻlsa ham, oʻz uyim boʻlsa deymiz, chunki mana shunda hotirjamlik, erkinlik tuyamiz. Juda toʻgʻri va tabbiy tuygʻu. Xuddi shu kabi, boshqa isteʼmollarimizda ham oʻzimiz ishlab chiqaruvchi boʻlmas ekanmiz, qaramlikdan qutila olmaymiz. Oʻzingniki boʻlganiga nima yetsin?!
@benazirlive