🖌 ڕاپۆڕتی یەکەم دانیشتنی کارگرووهی چیرۆکی بنکەی فەرهەنگی،هونەریی ئەدەبی موکریانی مەهاباد ( ئەنجومەنی ئەدەبی )
💢 بە پێی گەڵاڵە داڕێژییەکی پێشوو لە لایەن بەڕێوەبەرانی بنکەی موکریان بۆ ئاڵوگۆڕ پێک‌هێنانی ڕەوتی پێشووی ئەنجومەنی ئەدەبی و بە زانستی‌تر کردنی دانیشتنەکان ،کارگرووهی چیرۆک یەکەم دانیشتنی خۆی ڕۆژی چوارشەممە ڕێکەوتی ۹ی ڕەشەممەی ۹٦ی هەتاوی بە بەشداری ئەندامان و میوانانی بەڕێز لە ژووری ئەم ناوەندە بەڕێوە برد .
🔻 لە سەرەتای باسەکەدا بەڕێز مەنسوور مێهرجویان بە خوێندنەوەی وتارێک لەسەر کتێبی نیار لە نووسینی هیوا قارەمانی ئاماژەی بە خاڵە بەهێز و لاوازەکانی ئەم کتێبە کرد و چیرۆکی ( ژن) ی هێنابۆ بە لێکۆڵینەوە و دەڵێ ؛ ژن یه کێک له و چیرۆکانه یه که زۆر به باشی کاری بۆ کراوه.ڕاسته قینه تێکه ڵ به خه یاڵ و خه ون و سومبول بوه و ته قابولێکی باش نێوان سونه ت و مۆدێڕنیته دێنێته به ر چاوی خوێنه ره وه وبه ڕاده ی خوێنه ره کانی ده توانێ به رداشتی هه بێت و ئه وه خاڵێکی به هێزه بۆ چیرۆک.
له چیرۆکه که دا فه زایه کی سارد وخنکاو وڕه ش حاکمه.فه زاسازێکی زۆر باشی بۆ کراوه به شێوه یه ک که به رده نگ هه ست به دڵه ڕاوکه و ساردی و ترسی نێو چیرۆکه که ده کات بۆ وێنن (ده ست وپێ تێک هاڵان ـکاری به دزی ـ تێده کۆشێ ده نگی داخستنی ده رگا نه یه ـ لاقی تێک هه ڵده نگوێ ـ بازره سی پۆلیس ـ به په له و سه ر لێ شێواو ـ لقی دار مێوه که ببو به تاپۆی ڕێگری سه هه نده ی بێ ڕوحمی غول ئاسا ـ یه کێک به دوامه وه ـ پڕم ده داتێ ـ ده قیژێنم ـ) ده ڕاستی دا هه مو ئه کته کانی ئه و کاڕاکتێره ئه و ترسه به دوی خۆدا ڕاکێش ده که ن.
🔻 دواتر سالار پوورمەند بە خوێندنەوەی وتار و باس کردن لە فەزای چیرۆک و خۆ لە قەرە‌دانی چیرۆکەکانی کتێبی نیار لە " خۆچیرۆک " یان هەمان خویشداستان درێژەی بە باسەکەدا .
زۆرێک لە چیرۆکەکانی نیار بە تێکڕایی خوێنەر دەگەڵ ڕووداو گەڵێک ڕووبەڕوو دەکەنەوە کە هەست دەکەی هەموو بەشێکن لە ژیانی نووسەر کە لە ڕاستی‌دا ڕوویان داوە و ئاوێتەی خەیاڵ و تکنیکەکانی داستان نووسی بوونەتەوە .کەوایە لە ڕوانگەی دۆبڕۆفسکی‌یەوە واقعییەت تێکەڵ بە داستان یان چیرۆک هاوتایە دەگەڵ خۆچیرۆک یان خویشداستان .
🔻لە درێژەی باسەکەدا خاتوو ئارەزوو قادری بە خوێندنەوەی نووسراوەیەک لەسەر ئەم کتێبە و شرۆڤە کردنی یەکێک لە چیرۆکەکان و بە ئاماژە کردن بە خاڵە بەهێزەکانی ئەم چیرۆکانە باسی خۆی ئیرائە‌دا .
دواتر لە لایەن بەشداربووانی کۆڕەکە پرسیار و ڕەخنە هاتە بەرباس و جەلال پوورحەسەن و خاتوو شیرین ئەمینی و شەویار گولابی ئازەر و هاوڕێیانی‌تر بە ئاماژەکردنی لایەنی پێوەندی‌دار بەم کتێبە و ڕەخنەی تایبەت کۆتایی بە کارگرووهی چیرۆکی ئەم حەوتوویە هات .
بەرپرسی کارگرووهی چیرۆکی ئەنجومەنی ئەدەبی ( سالار پوورمەند )
@binkemukrian
