ရေသူမလေး ချစ်ပုံပြင်-BLSFLIX

ဒီတစ်ခါ BLSFlixချန်နယ်ကနေ တင်ဆက်ပေးသွားမဲ့ ဇာတ်ကားလေးကတော့ Old But Goldဆိုတဲ့ ဇာတ်လမ်းတွဲတွေထဲက တစ်ခုဖြစ်တဲ့ Miss Mermaidဆိုတဲ့ ဇာတ်လမ်းတွဲလေးဖြစ်ပါတယ်။

Eun Ah Ri Youngက အောင်မြင်တဲ့ ဇာတ်ညွှန်းရေးဆရာမ တစ်ယောက်ဖြစ်ပေမဲ့ သူမရဲ့ ကလေးဘ၀ဟာတော့ ကံမကောင်းလှပါဘူး။ အဖေက ဖောက်ပြန်သွားတဲ့အပြင် အစ်ကိုဖြစ်သူလည်း‌ဆုံး အမေဖြစ်သူကပါ မျက်လုံးကွယ်သွားရတဲ့အထိ အတိတ်ကံက ဆိုးဝါးလှပါတယ်။

သူမရဲ့ ဖခင်ဖြစ်သူက ဖောက်ပြန်သွားတဲ့ မိန်းမက ရုပ်ရှင်မင်းသမီးတစ်ယောက်ဖြစ်ပြီး Ah Ri Youngက သူမတို့မိသားစုအကြောင်းကို ရုပ်ရှင်ဇာတ်လမ်းအဖြစ်ဖန်တီးပြီး အဖေ့နောက်မိန်းမဖြစ်သူကို သူမရဲ့ မျက်လုံးကွယ်ထားတဲ့ အမေနေရာကနေ သရုပ်ဆောင်ရအောင်လုပ်ပါတော့တယ်။

ဒါ့အပြင် ကလဲ့စားချေဖို့အတွက် အဖေတူ အမေကွဲညီမရဲ့ စေ့စပ်ထားသူကို လုဖို့ကြိုးစားရာကနေ သူ့ကို တကယ်ချစ်မိသွားတဲ့အခါ အမုန်းရန်ကြွေးတွေနဲ့လည်း ပူလောင်မြိုက်ပြန်၊ အချစ်ဆိုတာကိုလည်း မထင်မှတ်ထားတဲ့ နေရာကနေ တွေ့ရှိပြန်နဲ့ Ri Youngဘ၀က ခက်ခဲလာပါတော့တယ်။ ဒီလိုပွေလီရှုပ်နေတဲ့ ဇာတ်လမ်းကို ဘယ်လိုတွေ သွေးတက်အောင် ကြည့်ရပြီး ဘယ်လိုတွေ လောင်ရမလဲဆိုတာကို သိချင်ရင်တော့ BLSFlixချန်နယ်မှာ လက်မလွှတ်တမ်းစောင့်ကြည့်လိုက်ကြရအောင်နော်။