BLSFLIX Movie

A Place Called Silence(2024)

ဇာတ်ကားတစ်ကားတည်းကိုပဲ တူညီတဲ့ ဒါရိုက်တာတစ်ယောက်က တူညီတဲ့နာမည်နဲ့ပြန်ရိုက်ထားတဲ့ A Place Called Silence(2024) ဆိုတဲ့ဇာတ်ကားဟာ ဒီနှစ်ထဲ တရုတ်ပြည်မကြီးမှာ အောင်မြင်မှုအများအပြားရရှိခဲ့တဲ့ ဇာတ်ကားတစ်ကားဖြစ်ပါတယ်။ မှုခင်း သည်းထိတ်ရင်ဖိုအမျိုးအစားဖြစ်လို့ BLSflixပရိတ်သတ်တွေ အကြိုက်တွေ့စေမဲ့ဇာတ်ကားလေးတစ်ကားဖြစ်ပါတယ်။

လီဟန်ဆိုတဲ့တစ်ကိုယ်တော် အမေတစ်ယောက်ဟာ နှိပ်စက်တတ်တဲ့ ခင်ပွန်းသည်ရဲ့ လက်ကနေလွတ်လာပြီးနောက် သမီးလေးရှောင်ထုံကို တစ်ယောက်တည်း ရုန်းကန်ပြီး ပြုစုစောင့်ရှောက် နေသူပါ။ ကံတရားက မလှချင်တော့ သမီးလေးရှောင်ထုံဟာ ဆွံ့အနားမကြားတစ်ယောက်ဖြစ်နေရုံတင်မက မိန်းကလေးတစ်ဖွဲ့ရဲ့ ကျောင်းမှာပါ ဆိုးဆိုးရွားရွား အနိုင်ကျင့်တာခံရပါလေရော။

ဒီလိုနဲ့ လီဟန်ဟာ သမီးလေးအတွက် မရပ်တည်ပေးနိုင်ခင်မှာပင် သူ့သမီးကို အနိုင်ကျင့်တဲ့ ကောင်မလေးတွေ တစ်ယောက်ပြီးတစ်ယောက် ပျောက်ဆုံးသွားရင်း အသတ်ခံလိုက်ရတဲ့အခါမှာ ရဲတွေရော ဒေသခံတွေပါ သူ့ကိုသံသယ၀င်ကြမှာ အမှန်ပါပဲ။ ဒါပေမဲ့ နောက်ဆုံးတော့ သမီးဖြစ်သူ ရှောင်ထုံပါ ပျောက်ဆုံးသွားတဲ့အခါ။ လူသတ်သမားဟာ တကယ်ပဲ ဘယ်သူလဲ။ ဘာလို့မိန်းကလေးငယ်လေးတွေကိုမှ ပစ်မှတ်ထားနေရသလဲ။ လူသတ်သမားဟာ ဘယ်သူမဆိုဖြစ်နေနိုင်တဲ့ အချိန်မှာ မထင်မှတ်ထားတဲ့သူ ဖြစ်နေပါတယ်ဆိုတာကို Cinematic ဆန်ဆန်ရိုက်ကူးရင်း ပြသထားသည်မလို့ အားလုံးပဲ BLSflixချန်နယ်လေးမှာ လက်မလွှတ်တမ်း စောင့်ကြည့်လိုက်ကြရအောင်နော်။