ჯემნიუსი

ჯო უილსონი: "მოხარული ვარ, რომ შევხვდი ჩეხეთის ეროვნული უსაფრთხოების მრჩეველს, ტომაშ პოიარს. ჩვენ განვიხილეთ, თუ როგორ შეგვიძლია ერთად ვიმუშაოთ ომის დამნაშავე პუტინისა და ივანიშვილის ტირანული რეჟიმის დასამარცხებლად. ჩეხური მორალური და სტრატეგიული სიცხადე ახლა უფრო საჭიროა, ვიდრე ოდესმე!"

ICC-ს პროკურორმა თალიბანის ლიდერების დაკავების ორდერის გაცემა მოითხოვა

"ჩვენ ვიცით, რასაც აკეთებთ". - გაერთიანებულმა სამეფომ რუსეთის პრეზიდენტი ვლადიმირ პუტინი გააფრთხილა მას შემდეგ, რაც სამეფო ფლოტმა მათ წყლებში მცურავი "რუსული ჯაშუშური ხომალდი" შენიშნა.

ბოლო პერიოდში ბალტიის ზღვაში რუსეთთან დაკავშირებული გემების მხრიდან პოტენციური საბოტაჟის შემთხვევებმა რეგიონში ვითარების გართულება გამოიწვია.

დიდი ბრიტანეთის თავდაცვის მინისტრმა ჯონ ჰილიმ 22 იანვარს ქვეყნის პარლამენტს განუცხადა, რომ რუსული ხომალდი Yantar "სადაზვერვო ინფორმაციისა და გაერთიანებული სამეფოს კრიტიკული მნიშვნელობის წყალქვეშა ინფრასტრუქტურაზე რუკების შესადგენად გამოიყენება".

"მე ასევე მინდოდა, რომ პრეზიდენტ პუტინს ეს გზავნილი მოესმინა: ჩვენ გხედავთ, ვიცით, რასაც აკეთებთ, და ჩვენ არ მოვერიდებით მყარ ნაბიჯებს, რათა დავიცვათ ეს ქვეყანა". - დაამატა ჰილიმ.

ბრიტანეთის თავდაცვის მინისტრის თქმით, "ჩვენ გავაგრძელებთ მავნებლური ქმედებების გამოაშკარავებას, რომელსაც პუტინი ხელმძღვანელობს".

ბოლო პერიოდში NATO-მ ბალტიის ზღვაში წყალქვეშა კაბელებზე თავდასხმების აღკვეთისა და მსგავსი შემთხვევების დროული გამოვლენის მიზნით უსაფრთხოების ზომების გაზრდა დაიწყო.

🔻 "მინდა მადლობა ვუთხრა ყველა იმ მხარდამჭერს, ნაცნობს და უცნობს, ვინც გვეუბნებოდა, რომ ყველაფერი კარგად არის და სწორად მოიქეცით, მაგრამ მე აქვე მინდა დავძინო, ის, რაც მოხდა, არ არის რაღაც საამაყო, უბრალოდ შეურაცხყოფაზე - ოჯახის, შვილების, ახლობლების, მიუხედავად თმენის ვალდებულებისა, ყოველთვის ასეთი რეაგირება გვექნება, იმიტომ რომ კაცები ვართ და ქართველები ვართ." - განაცხადა ირაკლი ზარქუამ "იმედის" ეთერში

💬 "მე ვთხოვ საუდის არაბეთს და OPEC-ს, შეამცირონ ნავთობის ფასი. თუ [ნავთობის] ფასი დაეცემა, რუსეთსა და უკრაინას შორის ომი მაშინვე დასრულდება!" - განაცხადა ამერიკის პრეზიდენტმა, დონალდ ტრამპმა დავოსის მსოფლიო ეკონომიკურ ფორუმზე.

🇺🇸 აღსანიშნავია, რომ დონალდ ტრამპის მხრიდან რუსეთ-უკრაინის ომზე ეს პირველი საერთაშორისო განცხადებაა.

▶ ამ მომენტისთვის, ნავთობის ფასი ბარელზე დაახლოებით 80 დოლარია.

"რუსეთის მოგება ამ ომში NATO-ს სიძლიერეს და მას, როგორც ორგანიზაციას - გააცამტვერებს. ეს მარცხი ტრილიონობით დოლარი დაჯდება, ამიტომ მოკავშირეთა მხარდაჭერა მხოლოდ უნდა გაძლიერდეს. ამ ომის დამთავრება არახელსაყრელი პირობებით არ შეიძლება" - მარკ რუტე.

„მშვიდობა არასდროს გვქონია და არც ახალა გვაქვს. ის რაც ახალა საქართველოს ქუცებში ხდება ეს არ არის მშვიდობა. დღეს, საქართველოს ქუჩებში დგანან ძლიერი და გაუტეხელი ადამიანები. და იმ ძალას, რომელიც თავს ხელისუფლებას უწოდებს, ზუსტად ამ ძლივს გამაგრებული ხერხემლის დალეწვა უნდა და დაუზოგავად წიხლებით გვდგება იმისთვის, რომ თავი ისევ ჩავხაროთ რომ ვერასდროს შევძლოთ თავის მაღლა აწევა და თან ბოდიშ ვიხდიდეთ იმისთვის, რომ ასე ამაზრზენად სუსტები ვართ. ერთს ვიტყვი და ამით დავამთავრებ: ომგამოვლილი ბავშვები ბოდიშს არ იხდიან!“ — განაცხადა მსახიობმა, კახა კინწურაშვილმა ახალი თეატრის წინ საპროტესტო მანიფესტის დროს

„რაც არ უნდა დააბნელოთ მთელი ქალაქი, სცენაზე შუქი აინთება და იქ ჩვენ ვიქნებით! ახალი თეატრი გადის გადის რეგიონებში. ყველგან მივალთ - ნახავთ, რა შეუძლია თეატრს. „ახალი თეატრი“ გადის რეგიონებში და ნახავთ რა შეუძლია თეატრს. ყველგან მივალთ და ყველგან მივაწვდენთ ხმას“ —დავით დოიაშვილმა „ახალი თეატრის“ საპროტესტო მანიფესტი წარადგინა

„ჟურნალისტის დაპატიმრება რეპრესიების სხვა, უფრო სასტიკი მაგალითია. გაცილებით მძაფრი და საზოგადოებისთვის მავნე. თუ ჩაქრება ჟურნალისტების ხმა, ჩაწყდება ჩვენი ხმაც. ჟურნალისტები არის ხიდი დღევანდელ ჯოჯოხეთისა და იმ სამშვიდობოს შორის, სადაც ჩვენი ქვეყანა უნდა გავიყვანოთ. ჩემი სოლიდარობა მზია ამაღლობელს, როგორც ძლიერ ქალს და ძლიერ ჟურნალისტს“ — წერს ზვიად ცეცხლაძე ციხიდან გამოგზავნილ წერილში

აშშ-ის პრეზიდენტი , დონალდ ტრამპი იმპორტირებულ საქონლებზე ახალი ტარიფების გამოცხადებას აპირებს- ჩინური საქონლისთვის 10%-იანი ტარიფები დაწესდება, რომელიც ძალაში 1 თებერვლიდან შევა, ხოლო მექსიკური და კანადური საქონლისთვის 25%-იანი ტარიფების გამოცხადდება.

2022 წელს ჩინეთი აშშ-ისთვის იყო საქონლის უმსხვილესი მიმწოდებელი 17.7%-იანი წილით ($551 მილიარდი), ხოლო მეორე ადგილზე იყო კანადა (14%, $438 მილიარდი) , მესამეზე კი მექსიკა (13.5%, $421 მილიარდი). ერთად, ეს 3 ქვეყანა აშშ-ის იმპორტის თითქმის ნახევარს შეადგენდა. სხვა ქვეყნებს, მათ შორის ინდოეთს, რუსეთსა და ბრაზილიას გაცილებით მცირე წილი აქვთ .

როგორია დაუსაბუთებელი ადმინისტრაციული ჯარიმების შეფარდების პროცესი
შსს სასამართლოში წარადგენს ისეთ მტკიცებულებებს, საიდანაც არ დასტურდება:

სავარაუდოდ სამართალდამრღვევის ჩადენის დრო;
ხალხის რაოდენობის სიმცირე;
აქციის მონაწილე ქუჩის გადაკეტვამდე მივიდა ადგილზე, თუ გადაკეტვის შემდეგ;
რა ნიშნით შეირჩა კონკრეტული პირი აქციის მონაწილეებისგან საჯარიმო ქვითრის შესადგენად.
საქმეს არ ერთვის:

კონკრეტული პირის იდენტიფიკაციისათვის მტკიცებულებების მოსაპოვებლად ჩატარებული ღონისძიებების ამსახველი დოკუმენტაცია (მაგალითად, დოკუმენტაცია იმისა, თუ საიდან ან რა სამართლებრივი გზით აქვს მოპოვებული მტკიცებულებები სახელმწიფოს);
ადმინისტრაციული წარმოების დაწყების საფუძველი.
სასამართლო, მტკიცებულების არ არსებობის პირობებში, აქტივისტებს ნოემბერი-დეკემებრის შემთხვევებზე 500 ლარით, ხოლო იანვრის შემთხვევებზე - 5000 ლარით აჯარიმებს. აღნიშნული საქმეების განხილვის პროცესში თბილისის საქალაქო სასამართლოში ჩართულები არიან ესტონეთის მიერ დასანქცირებული მოსამართლეები, კერძოდ, თბილისში ამ საქმეებს 6 მოსამართლე განიხილავს:

ლელა მილდენბერგერი
ზვიად ცეკვავა
ლელა ცაგარეიშვილი
კობა ჩაგუნავა
ნინო ენუქიძე
მანუჩარ ცაცუა
ქუთაისის საქალაქო სასამართლო:

მანანა ნიკაჭაძე
ბათუმის საქალაქო სასამართლო:

ირმა ტოგონიძე
გულიკო კაჟაშვილი
ზუგდიდის საქალაქო სასამართლო:

ფატი ფურცხვანიძე
ირაკლი აბშილავა
გვანცა ვარდანიძე
რა უნდა ქნას მოქალაქემ?
ჯარიმის გამოწერის შემთხვევაში დაუკავშირდეს ქართული არასამთავრობო ორგანიზაციების ცხელ ხაზს: 577 07 05 63
იმ შემთხვევაში თუ მოქალაქე თავად გადაწყვეტს საკუთარი თავის დაცვას, არასასურველი შედეგის შემთხვევაში გადაწყვეტილების გასაჩივრების მიზნით შეუძლია, ასევე, დაუკავშირდეს არასამთავრობო ორგანიზაციებს ცხელ ხაზზე: 577 07 05 63
იმ შემთხვევაში, თუ მოქალაქე არ გამოცხადდა სასამართლოში, სასამართლო მისი დასწრების გარეშე მიიღებს გადაწყვეტილებას, რისი გასაჩივრება ასევე იქნება შესაძლებელი.
მოქალაქეთათვის უკანონო ჯარიმების ტვირთის შესამსუბუქებლად ფუნქციონირებს არაერთი კერძო თუ სხვა ფონდი. მათ შორის, არსებობს ქართული სამოქალაქო ორგანიზაციების მიერ მობილიზებული ფონდი, საიდანაც ხდება ადმინისტრაციული ჯარიმების გადახდა.
იმ შემთხვევაში თუ პირმა უარი განაცხადა ჯარიმის გადახდაზე, დაიწყება იძულებითი აღსრულების მექანიზმის გამოყენება, რაც ასევე გულისხმობს ბანკის ანგარიშების გაყინვას.
5,000 ლარიანი ჯარიმების გადახდა მაშინ, როდესაც საშუალო ხელფასი 1,600 ლარამდეა, ხოლო მედიანური ხელფასი 1,000 ლარია, ერთ ოჯახზე სოციალური დახმარება საშუალოდ თვეში 370 ლარია, წარმოუდგენელი სიმძიმის ფინანსური და ქონებრივი ტვირთია მოქალაქეებისთვის, მითუმეტეს, როცა ჯარიმების შეფარდება დაუსაბუთებლად და განმეორებითად ხდება და ასეთი მაღალი ჯარიმების პრაქტიკა საერთაშორისო სტანდარტებთან შეუსაბამოა". - ვკითხულობთ განცხადებაში.

სამოქალაქო საზოგადოების ფონდის განცხადებით, აქციის მონაწილეების წინააღმდეგ მძიმე ფინანსური სანქციების გამოყენება წარმოადგენს რეპრესიულ იარაღს გამოხატვის თავისუფლების წინააღმდეგ და უტოლდება სისხლის სამართლის პასუხისმგებლობას. განცხადება ნინო ლომჯარიამ და ეკა გიგაურმა გააკეთეს.

"პროევროპული საპროტესტო აქციების ჩახშობის და გამოხატვის თავისუფლების შეზღუდვის სისტემური პოლიტიკის აღსრულებაში კოორდინირებულად მოქმედებენ სამართალდამცავი ორგანოები, სასამართლოები და “ქართული ოცნების” პარლამენტი.

კერძოდ, აქციის მონაწილეთა წინააღმდეგ პოლიციამ და სასამართლოებმა ინტენსიურად დაიწყეს დეკემბერში “ქართული ოცნების” პარლამენტის მიერ 5 დღეში მიღებული შეკრების და გამოხატვის თავისუფლების შემზღუდავი ბლანკეტური აკრძალვების გამოყენება, ასევე, მათი დარღვევისთვის 10-ჯერ და 20-ჯერ გაზრდილი მძიმე ფინანსური ჯარიმების და 15 დღემდე პატიმრობების გამოყენება. პოლიცია აქციის მონაწილეებს აკავებს ღობეზე სტიკერების გაკვრის, ან სახის ნაწილის დაფარვის გამო (მაშინაც, კი, როდესაც პროტესტის მონაწილეები იდენტიფიცირებულები არიან). ასევე, დემონსტრანტებს მასიურად და დაუსაბუთებლად აჯარიმებენ არაპროპორციულად მაღალი ჯარიმებით “უკანონოდ გზის სავალი ნაწილის გადაკეტვის” მოტივით მაშინ, როდესაც პოლიციის მიერ წარმოდგენილ ფოტო და ვიდეო მტკიცებულებებში მოქალაქეთა მხრიდან გზის უკანონო ბლოკირების ფაქტები არ დასტურდება - მოქალაქეები დგანან ხალხის მასაში, ან მონაწილეობენ მასიურ სახალხო მსვლელობებში.

ინფორმაციისთვის: გზის გადაკეტვის გამო ადმინისტრაციული ჯარიმის ოდენობა აქციის მონაწილეებისთვის 500-დან 5000 ლარამდე, ხოლო ორგანიზატორისთვის 5000-დან 15000 ლარამდე გაიზარდა. სახის ნიღბით ან ნებისმიერი სხვა საშუალებით დაფარვა, აქციის მონაწილის მიერ ლაზერის ტარება, შსს-ს სისტემაში დადგენილი ან მასთან მიმსგავსებული ატრიბუტიკის ტარება 2000 ლარის ოდენობით ჯარიმას ითვალისწინებს; ავტომობილით ჯგუფურ მოძრაობაში მონაწილეობა 1 წლამდე მართვის უფლების შეჩერებას იწვევს; საპროტესტო პოსტერის გაკვრა კი “მუნიციპალური ტერიტორიის იერსახის დამახინჯების” მუხლით მოქალაქეების 50 ლარის ნაცვლად 1000 ლარით დაჯარიმებას იწვევს. დაკავების არსებულ საფუძვლებთან ერთად პოლიციას პირის დაკავება უკვე პრევენციული მიზნითაც შეუძლია.

300-500 ლარიდან 1000-2000 ლარამდე გაიზარდა ჯარიმები, ასევე, სხვა ადმინისტრაციული დარღვევებისთვის, რასაც დამკვიდრებული პრაქტიკით სასამართლოები იყენებენ ხოლმე აქციების მონაწილეთა გამოხატვის თავისუფლების შესაზღუდად.

შეგახსენებთ, რომ არაპროპორციულად მაღალი ჯარიმების პრაქტიკა ეწინააღმდეგება ადამიანის უფლებების საერთაშორისო სტანდარტებს, რაც, საქართველოსთვისაც სავალდებულოა. ვენეციის კომისიისა და ეუთო/ოდირის მოსაზრებით, არაპროპორციულმა სანქციამ, მათ შორის მკაცრმა ჯარიმამ, შესაძლოა დაარღვიოს შეკრების თავისუფლების უფლება და ჰქონდეს მსუსხავი ეფექტი, რომელიც მომავალში შეკრებასა და მანიფესტაციებში მონაწილეობის მსურველ პირს უბიძგებს თავი შეიკავოს პროტესტის გამოხატვისაგან. ამასთანავე, ადამიანის უფლებათა ევროპულმა სასამართლომ არაერთხელ განმარტა, რომ არასათანადოდ მკაცრი სანქციის გამოყენებამ, შესაძლოა, მსუსხავი ეფექტის საფრთხე გააჩინოს.

ჯარიმების გამოყენების ინტენსივობა და დაუსაბუთებელი ხასიათი მიუთითებს, რომ მისი მიზანი პროტესტის მონაწილე მოქალაქეების დაშინება, პროტესტის შესუსტება, აქციის მონაწილეებისათვის ფინანსური პრობლემების შექმნაა". ნათქვამია განცხადებაში.

ნიკოლოზ კაცია მოსამართლემ, ნინო თარაშვილმა პატიმრობაში დატოვა.

მას ბრალი სისხლის სამართლის კოდექსის 260-ე მუხლის მე-6 ნაწილით აქვს წარდგენილი, რაც განსაკუთრებით დიდი ოდენობით ნარკოტიკის ფლობას გულისხმობს.

კაცია თავს უდანაშაულოდ ცნობს. მისი დაცვის მხარე ამბობს, რომ ბრალდებულს ნარკოტიკი ჩაუდეს და რომ საქმეში არსებული ნივთიერი მტკიცებულება მას არ ეკუთვნოდა.

დონალდ ტრამპის პოსტს რუსეთზე კრემლის პროპაგანდისტები გამოეხმაურნენ:

"ტრამპი რჩება სისტემური მტერი. მას არ აქვს საფუძველი ჩვენთან პოზიტიური კონტაქტი ჰქონდეს. "გზავნილი", რომელიც მან დაწერა, ძალიან საინტერესოა იმით, რომ ამერიკელებს დღემდე მიაჩნიათ, რომ ომში მათ გაიმარჯვეს, ხოლო ჩვენ დავეხმარეთ. ციფრიც მოჰყავს, 60 მილიონი, რაც, ზრდილობიანად, რომ ვთქვათ, იმაზე მიუთითებს, რომ მისი მრჩევლები ისტორიას სიღრმისეულად არ იცნობენ. ასეთ რაღაცებს, რომ ვკითხულობ ძალაუნებურად მაჯა მუშტად მეკვრება. თან, რაც მთავარია, ან დროზე მოილაპარაკეთ, ან სანქციებს შემოვიღებ... რომელ სანქციებს? დიად რუსეთთან ასე ლაპარაკი შეიძლება? ჩვენ ვაგებთ ომს? ჩვენს კართან დგას მტერი"? – თქვა საკუთარი პოდკასტის ეთერში ვლადიმირ სოლოვიოვმა.

"თურმე რუსეთი, რომელიც საბჭოთა კავშირის მემკვიდრეა, დ ა ე ხ მ ა რ ა აშშ-ს მეორე მსოფლიო ომის მოგებაში". – თქვა Россия 1-ის ეთერში ოლგა სკაბეევამ.

"ტრამპმა რუსეთის პრეზიდენტ პუტინს მიმართა.

სოციალურ ქსელ Truth-ში აშშ-ს პრეზიდენტმა რუსეთის პრეზიდენტს კონფლიქტის დაუყონებლივ დასრულებისკენ მოუწოდა, განაცხადა, რომ "მერე უარესი იქნება", დაიმუქრა ახალი სანქციების მიღებით.

რა რეაქცია უნდა გვქონდეს ამაზე? თავი დავხაროთ და ვთქვათ "კი, კი, რა თქმა უნდა, უკვე გავრბივართ, გაგვყავს ჯარი. ბოდიში, აღარ ვიზამთ".

გა***ას ამ ტრამპმა, თავის გუნდათ ერთად. ეს არის რუსული დიპლომატიის სტილის დაცვით, ერთადერთი სწორი და ადეკვატური მიდგომა". – წერს Telegram-ში სერგეი კარნაუხოვი.

"ტრამპმა რუსეთს ულტიმატუმი წარუდგინა!

არანაირი სასწაული არ მოხდა, როგორც ვფიქრობდით, ტრამპის გეგმა არის ულტიმატუმი და შანტაჟი.

როგორც ვამბობდი, ჯობია უარესისთვის მოვემზადოთ. ბაიდენის მმართველობას სულ მალე ნოსტალგიურად გავიხსენებთ". – წერს Telegram-ში სამხედრო პროპაგანდისტი ალექსანდრ კოცი.

"24 საათის განმავლობაში ტრამპი მეორედ გვემუქრება. არანაირი ილუზია, კაპიტალისტი, რომელსაც სხვა ქვეყნებისთვის მიუფურთხებია. არა უშავს რუსეთო, კამაზივით ხარ, რაც უფრო იტვირთები, უფრო კარგად დადიხარ გზაზე.

როგორ უნდა დაბლოკო დედამიწის ხმელეთის 1/16. კიდევ აღმაშფოთა ტრამპის ტყუილმა მეორე მსოფლიო ომის შესახებ. ძლივს დავითანხმეთ ეს ანგლო-საქსები 1944 წელს ევროპაში სამხედრო მოქმედებები დაეწყოთ.

ეს მეტ***ეები ნორმანდიაში გადმოსხდომას ბრძოლას ეძახიან, ჩვენი გამარჯვებების ფონზე სტალინგრადში, ვორონეჟში, კურსკში, ხარკოვსა და ბერლინში.

ოჰ, ტრამპი. ძალიან საყვარელია". – წერს სამხედრო პროპაგანდისტი ალექსანდრ სლადკოვი.