Ko‘rinmay qolsam agar.
Yo‘llarimga zor mening.
Aziz shu jonim qadar.
Chin do‘stlarim bor mening.

Doim yonimda bo‘lar.
Yaxshi yomonim so‘rar.
Yelkama-yelka turar.
Chin do‘stlarim bor mening.

Xiyonatni bilmagan.
Hech pastkashlik qilmagan.
Ortdan pichoq urmagan.
Chin do‘stlarim bor mening.

Ko‘nglida yo‘qdir kiri.
Siridir do‘stning siri.
Dushman emas hech biri.
Chin do‘stlarim bor mening.

Dardlari mening dardim.
Ishonganlarim mardim.
Ular bilan tik qaddim.
Chin do‘stlarim bor mening.

Yuragim topgan huzur.
Yaratganga ming shukur.
Soxta do‘stlar ming uzur.
Chin do‘stlarim bor mening.