•﮼قاوەخانەی،کچان👒💄

هۆکار و چارەسەری دروستبوونی زیپكه‌

زیپکەی پێست کاتێک ڕوودەدات ،کە کونیلەکانی پێست دەگیرێن و هەندێ جار هەودەکەن و هەڵدەئاوسێن کە دەبێتە هۆی هەوکردنی پێست و زیپکەی سەر ڕەش و زیپکەی سەر سپی ، هەروەها زیپکەی ژێر پێست، دكتۆر بڕیار پزیشكی نه‌خۆشییه‌كانی پێست زانیاری زیاتر له‌سه‌ر زیپكه‌ له‌م بابه‌ته‌دا ده‌خاته‌ ڕوو.

چۆن زیپکە دروست دەبێت:
خانەکانی پێست رۆژانە لە رێگەی کونیلەکانەوە چەوری پێویست دەردەدەن و پێست دەپارێزێت و پاکی دەکاتەوە لە مادە زیانبەخشەکان هەندێكجار دەگیرێن و دەبێتە هۆی کۆبونەوەی چەوری لە ڕێڕەوی کونیلەداو دەبێتە هۆی کۆبونەوەی بەکتریا تێیداو هەو دەکات .

جۆرەکانی زیپکە :-
1-زیپکەی سەرسپی 
2-زیپکەی سەر ڕەش 
3-زیپکەی کیس کردوو 
4- زیپکەی هەو کردوو 

هۆکارەکانی دروست بوونی زیپکە :-
1- گۆڕانکاری لە هۆرمۆندا لە تەمەنی هەرزەکاری.
2- زۆربوونی دەردانی چەوری پێست .
3- گۆڕانکاری لە دەردانی چەوری پێست.
4- هەبوونی بەکتریا 
5- خەمۆکی 
6- بەکارهێنانی هەندێک دەرمان.
7-بەکارهێنانی لە ڕادە بەدەری ئامرازەکانی جوانکاری.

هه‌نگاوه‌كانی خۆپاراستن لە دروست بوونی زیپکە :
1- خواردنەوەی بڕی پێویستی ئاو رۆژانە 
2-خواردنی میوە بە تایبەت میوەی ئاودار
3- پاک راگرتنی دەموچاو ئامرازەکانی دەموو چاو
4- کەم کردنەوەی خەمۆکی.
5- راهێنان و وەرزش کردن 
6- کەمکردنەوەی بەرهەمە شیرەمەنیەکان 

چارەسەرکردنی زیپکە :-
1- بەکارهێنانی دەرمانی دژ بە زیپکە کە  سەرچاوەیەکی سەرەکیە لە ڤیتامین (E)دروستکراوە کە بە ئایسۆترۆتینیۆن دەناسرێت یارماتی چالاک کردنەوەی خانەکانی پێست دەدات.

2- بەکارهێنانی دژە بەکتریا بە شێوازی کرێم یاخود حەب بۆ کەم کردنەوە و نەهێشتنی هەوکردنی پێست و کۆبونەوەی بەکتریا تێیدا

🌼☕️

‎ماسکی سپی کردنەوەی پێست

‎دەتەوێت پێستی دەموچاوت سپی بێتەوە بەهۆی ئەوەی ڕەنگی کەمێک تۆخ بووە و گۆڕدراوە، چونکە بەردەوام ڕۆژانە ماکیاژ دەکەیت و دەچیتە دەرەوە و ناتوانیت وەک پێویست بایەخی پێ بدەیت، بەڵام پێویست بە دڵەڕاوکێ ناکات چارەسەی لە چێشتخانەکەی خۆتدایە.

‎بێگومان پێکهاتە و ئاوێتەی سروشتی زۆر هەن بۆ سپیکردنەوە و جوانکردنی ڕەنگی پێست، بەڵام نابێت بەبێ سەردانکردنی پزیش بەکاریبهێنیت، چونکە جۆری پێستەکان جیاوازی هەیە ئەگەرنا لەڕووی تەندروستییەوە رەنگە زیانت پی بگەیەنێت.

‎سێ ئاوێتە بۆ سپییکردنەوەی پێستی دەموچاو:

‎کەوچکێک ماست و نیو کەوچک هەنگوین تێکەڵ بکە، پاشان بۆ ماوەی 15 خولەک بیدە لە پێست و بە ئاو بیشۆ، ڕۆژانە بۆ ماوەیەکی کەم دووبارەی بکەرەوە هەست بە گۆڕان دەکەیت، لەهەمانکاتدا دەتوانیت کەمێک شەربەتی لیمۆ و دوو کەوچک شۆڤانی تێکەڵ بکەیت، بۆ ئەوەی جگە لە سپیکردنەوە پێست بیگەشێنێتەوە و بریقداری بکات.

‎پرتەقاڵ دەوڵەمەندە بە ڤیتامین سی هەربۆیە زۆر بەسوودە بۆ پێست و ڕەنگی دەکاتەوە، دوو کەوچکی شەربەتی پرتەقاڵ تێکەڵی زەردەچەوەی وشک بکە و بۆ ماوەی 30 خولەک ئەم ئاوێتەیە بدە لە پێست و بە ئاو بیشۆ، بەڵام دەکرێت بۆ ئەژنۆ و ئەنیشکیش بەکاریبهێنیت.

‎یان توێکڵی پرتەقاڵ بهاڕە و لەگەڵ کەوچکێک ماست تێکەڵی بکە و بیدە لە پێستی دەموچاوت بۆ ماوەی 20 خولەک و دواتر بە ئاو بیشۆ.

‎لیمۆ پێکهاتەی ترشی ستریکی تێدایە کەدەبێتە هۆی سپیکردنەوە و کرانەوە ڕەنگی پێست و نوێ کردنەوەی خانەکان، سێ کەوچک ئاوی لیمۆ و کەمێک شۆڤان تێکەڵ بکە بۆ ماوەی نیو کاتژمێر و بە ئاو بیشۆ یان لەبری شۆڤان لەگەڵ شیری وشک و کەوچکێک هەنگوین تێکەڵی بکە، پاشان بیدە لە پێستی دەموچاوت بۆ ماوەی 15 خولەک.
🦚☕️

هۆكارەكانی ڕەشی ژێر چاو چین؟

ڕەشبوونی ژێر چاوەکان یەکێکە لەو کێشە تەندروستیانەی بەشێکی زۆی و خانمان و پیاوانیش پێوەی دەناڵینن، چونكه‌ جوانی روخساریان ده‌شارێته‌وه‌.

د. دەشنێ لەتیف،پزیشكی جوانكاری و نەخۆشیەكانی پێست، ئاماژەبەوەدەكات، كەم خوێنی و كەمی ئاسن لە خوێندا كاریگەری زۆری هەیە  لەسەر پێست و دروستبونی ڕەشی ژێر چاو، جگەرە كێشان هۆكارە  بۆ كەم  گەیشتنی خوێن بەپێست و كەمبونەوەی سوڕی خوێن بۆ پێست، هەروەها  گیرانی لوت، بەهۆی نزیكی ملولەكانی لە چاو دا ئەوەش كاریگەری هەیە بۆ پێستی دەوری چاو و دروستبونی پەڵەی ڕەش.
ناوبراو وتیشی، كەم خەوی و نارێكی كاریگەری زۆریان هەیە بۆ سەر پێست و بەتایبەتی پێستی دەوری چاو،  لەهەمانكاتدا تیشكی خۆریش  كاریگەری   لەسەر دروستبونی پەڵەی ڕەشی ژێر چاو دەبێت.

ئەو پسپۆڕە،  دەڵێت" زۆر خوراندنی چاو دەبێتەهۆی سووربونەوە و هەوكردن و كاریگەری دەبێت لەسەر پێستی دەوری چاو، لەپاڵ ئەم هەموو هۆكارە دا  هۆكاری بۆماوەییش  كاریگەری دەبێت لەسەر دروستبونی  پەڵەی ڕەشی ژێر چاو"

ئاسانترین ڕێگە بۆ نەهێشتنی ڕەشی

گرنگترین ئەو ڕێگەیانەی بە شێوەیەكی سروشتی چارەسەری نەمانی ڕەشی ژێر چاو دەكەن
یەكەم:ئاوی لیمۆ.
ئاوی لیمۆ یارمەتی كاڵكردنەوەی پێستی هەیە، بەهۆی بوونی تایبەتمەندی سپیكردنەوە و زۆری ڤیتامین C ترشی ستریك.  یارمەتی توند كردنەوەی پێستی ژێر چاوەكان دەدات.
بۆ چۆنیەتیی ئامادەكردنی گیراوەیەك لە ئاوی لیمۆ بۆ چارەسەری ئەو كێشەیە، پێویستە لیمۆیەك بگووشن و ئاوەكەی جیا بكەنەوە, ئنجا بە پارچەیەك لۆكە ئاوی لیمۆكە لە ژێر چاوەكانت بدە، بە تایبەت ئەو شوێنەی هەست بەوە دەكەیت، ڕەشهەڵگەڕاوە. لێی بگەڕێن لیمۆكە بۆ ماوەی 15 خولەك بە ڕووخسار بمێنێتەوە، ئنجا بە پارچەیەك پەرۆی تەڕ بیسڕنەوە.پێویستە ڕۆژانە دوو تا سێ جار ئەم ڕێگەیە دووبارە بكەن

دووەم: تەماتە.
تایبەتمەندی سپیكردنەوەی هەیە و یارمەتی ڕووناك كردنەوەی پێست دەدات، بەتایبەتی ژێر چاوەكان، هەروەها ئاسانە بۆ بەكارهێنان و نەرمە. ڤیتامین B تێدایە كە یارمەتی تازەكردنەوەی پێست دەدات، هاوكات ڤیتامین A نێو تەماتە دەبێتە لابردنی پێستی مردووی سەر ڕووخسار.
پێویستە كەوچكێكی چا ئاوی تەماتە لەگەڵ نیو كەوچكی چا ئاوی لیمۆ تێكەڵی یەكتر بكەن، ئنجا ئەو تێكەڵەیە لە دەوری چاوت بدە و لێی بگەڕێ بۆ ماوەی 10 خولەك بە دەوری چاوەكانت بمێنێتەوە، پاشان بە ئاوی سارد بیشۆن، دەشتوانن ئاوی تەماتە بخۆنەوە، پێویستە  بە لایەنی كەم دوو جار لە رۆژێك ئەم كارە دووبارە بكەنەوە و ماوەی دوو تا سێ هەفتە بەردەوام بن لەسەری.

سێیەم :پەتاتەی خاو.
پەتاتە گرنگە بۆ سپیكردنەوە، ئەگەر بەخاوی بەكاربهێنرێت،یارمەتی سپیكردنەوەی ڕەشی ژێر چاو دەدات بازنەی چاوەكان ڕووناك دەكاتەوە.
پەتاتەیەك بە باشی بشۆنەوە، ئنجا بیخەنە بەفرگرەوە بۆ ماوەی چەند خولەكێك تا سارد دەبێ، پاشان بیكەن بە دوو قاشی ئەستوور، ئنجا بیخەنە سەر چاوەكانت، بەجۆرێك دەوروبەری چاو دابپۆشێ، بەمشێوەیە ڕەشی ژێر چاوەكان ناهێڵێت.دەبێ بۆ ماوەی 20 تا 25 خولەك بە سەر چاوتانەوە بمێنێتەوە، ئنجا بە ئاوی سارد بیشۆن.

🌼☕️