Калі сярод падпісчыкаў ёсць вернікі Армянскай Апостальскай Царквы, շնորհավոր Սուրբ Ծնունդ:
Сёння армяне (тыя, якія ёсць вернікамі Армянскай Апостальскай Царквы) святкуюць Багаяўленне (Տօն Յայտնութեան Տեառն) — свята, якое сумяшчае ў сабе Нараджэнне Хрыста і Ягонае Хрышчэнне. Спалучэнне двух гэтых святаў — старажытная хрысціянская традыцыя, якой сёння прытрымліваецца ўсяго некалькі усходніх цэркваў.
Цікава, што ў 1198 годзе менавіта 6 студзеня ў Тарсе Кілікійскім быў каранаваны князь Лявон II Рубенід. Падчас урачыстай цырымоніі яго каранавалі адразу дзвюма каронамі: армянскі каталікос Грыгор VI Апірат — каронай, якую даслаў візантыйскі імператар Алексій III Ангел, а папскі легат арцыбіскуп Конрад Майнцскі — каронай, якую даслаў германскі імператар Генрых VI. Паколькі Лявон перад гэтым прызнаў сябе васалам германскага імператара, галоўную ролю адыграла менавіта каранацыя германскай каронай.
Каранацыя была прызначаная на 6 студзеня зусім не выпадкова. Тое, што яна была прымеркаваная да Багаяўлення, мусіла падкрэсліць сувязь Лявона, памазаніка Божага, з Хрыстом і свяшчэны характар каралеўскай улады. Таксама гэта сімвалізавала нараджэнне новага Армянскага каралеўства.
Карацей, трэба мне вяртацца да нарысаў пра Лявона... 😊
#Кілікія #армяне #Лявон_Мецагорц #даты
Сёння армяне (тыя, якія ёсць вернікамі Армянскай Апостальскай Царквы) святкуюць Багаяўленне (Տօն Յայտնութեան Տեառն) — свята, якое сумяшчае ў сабе Нараджэнне Хрыста і Ягонае Хрышчэнне. Спалучэнне двух гэтых святаў — старажытная хрысціянская традыцыя, якой сёння прытрымліваецца ўсяго некалькі усходніх цэркваў.
Цікава, што ў 1198 годзе менавіта 6 студзеня ў Тарсе Кілікійскім быў каранаваны князь Лявон II Рубенід. Падчас урачыстай цырымоніі яго каранавалі адразу дзвюма каронамі: армянскі каталікос Грыгор VI Апірат — каронай, якую даслаў візантыйскі імператар Алексій III Ангел, а папскі легат арцыбіскуп Конрад Майнцскі — каронай, якую даслаў германскі імператар Генрых VI. Паколькі Лявон перад гэтым прызнаў сябе васалам германскага імператара, галоўную ролю адыграла менавіта каранацыя германскай каронай.
Каранацыя была прызначаная на 6 студзеня зусім не выпадкова. Тое, што яна была прымеркаваная да Багаяўлення, мусіла падкрэсліць сувязь Лявона, памазаніка Божага, з Хрыстом і свяшчэны характар каралеўскай улады. Таксама гэта сімвалізавала нараджэнне новага Армянскага каралеўства.
Карацей, трэба мне вяртацца да нарысаў пра Лявона... 😊
#Кілікія #армяне #Лявон_Мецагорц #даты