الشاعر أمير السعيدي

( #الحسين مصباح الهدى) 1441


الله خالـق أربعـين * من الشـبة بس الـٌحسـين
مـــحــــــد يــــــشــــبــــــــة

******************

قابة قوسـين أو أدنـا * حـسـين معشوقي وصل

على العرش أسمة تـدلا * ونورة على الجنة نزل

من ذنب أدم أبونـة * والذنـب تفـاحـة أكـل

حـسين شال أيـدة ودعالة * اوالله عن أدم قبـل

جـــاهــــه عــــنـــد الله چـــبــيــــر
وجـــســـمــة يــلـــــف بـحـــصـيــر
مـــحــــــــد يــــــشــــبــــــة

********************

اليرد عافـيـتي هــــوه * غـير چا هــوه الـحياة

صافح الـسـيف برگبتة * وحرر چفـوف الصلاة

حـسـيـن وسفة نگول ضامي * ألسانه ينكط مـعجزات

بچفة أخذ دمــعـتـة رقـية * وشرب عيون الفرات

بعمري مامرتني هاي
المشرعه يشربهه ماي

مـــحـــــــــــد يــــــشــــبــــــــة

****************

الله ما أنطى أنـبـيائه * بـگثر ما أنطى الحـسـين

أنطا أخوه مي شـبـة احد * من الامـيرة أم البنين

ألـباس شباچه كـأنـه * بـاس عرش الله بحنين

يا نبي گلـولي مـثلة * أنزار يوم الاربـعـين

الــــــــزاره زاره الله كـــــــــــــــــــأن
أي وحــــــق ضـــلــــــع أم حـســـــــن
مـــحـــــــــــد يــــــشــــبــــــــة

********************

حسين لا مو ملك واحد * حسـين محبوب الجـمـيع

الــسـنـي حـبة والـمـسـيحي * يقدسة ويريدة شفـيع

العاش كل عـمره بـخدمتة * أجره لا لا ما يضيع

بكـبـرك حــسـيـنـك يـزورك * أقـسم أبـنـة الرضـع

حـسـيـن صــح جـسـمة انسجك
بــگــبــرك يــشــدلـــك عـلـك
مـــحـــــــــــد يــــــشــــبــــــة

**********************

حسـيـن مو أنـسان عادي * حــسين أشمة ويالنفـس

گلبي عاري چـنـتـة أحسة * وثوب أبواليمة لبس

اتمنى أبـن جـوشـن رفسني * ولاضلع منة أنرفس

صدرة بي ريحة محمد * والشمر فـوگة جلس

مــالـــه نـــاصـــر لا مــعــيـن
اه أه عـــلــى الـــحــســيـــن
مـــحـــد يــــــشــــبــــة


لعاشق العباس
الشاعر أمير السعيدي

# آه يازين العباد 1441


آه يـــا زيـن العـبـاد * ماتـرك ثوب الـسواد
يـلطم على هامة * ويمتـزج طعامة
من بكائه على الحسين

**********************

بـــعــد مـــقــتــل والده وســبـي الــيــتامـة

لحظه مـا مـرت على أشــفـافـة أبــتـسامة

ماي من يـشـرب يــشوف حـســيـن أَمـامة

وبـــدمـع عــيــنــة بــقـى يــمــزج طــعـامة

آه يـادمــع الامــام * مخـتـلط وي الـطـعـام
دمـعـتة يـتـيمة * قـصتة أليـمة
مـات أبـو الـبـاقـر حـزين

**********************

عـــن أبو الـبـاقـر حـديـث أهـوايـة يــرووه

يــســأل الجـزار شـــاتـك مـــن تـــذبـحــوه

هـــم تــقـدمولــة طـعــام ومـاي تــنــطــوه

كـلة نــنــطـي ونـهـضـم حــيـل عـلـى أبـوه

الناس ضجت بـالبكاء * حولة مجلس عزاء
والـدي بـدمـائـة * سلبـو ردائة
وكام يلطم على الجبين

***************

يــعــين گلـبـة أشاف يـوم الــغـاضـريــــــة

حـنـت الـشـيـلة بـدمـة حـسـيـن الــزجـيـة

وشــاف ظـــالــم بـيدة تـرچـــيــة رقـــيــة

ودمـــهــة يــصـرخ الله يــلـعـن ال أمــيـة

شنهـي چا ذنب الزغار * حافية مـچويـتهة نار
مسلوبة تراچي * ميتة من البواچي
والحبل ينعى ألادين

**********************

أنــكــسـر ظـهـره أعـلـة عـمـاتـة بـسـبـيـهـن

الــشـمـر يــمــهـن أجـــة يـبـــاوع عـلـيـهــن

كـــلــه ألـــه أحـــرك گلـــب عـبـاس بـيـهــن

ألـــه أصــعــدهـــن هـزل وجــتـف أديـهـــن

أه يا حـال العلـيل * صـعـدو فـوك ألـهـزيل
ونـسـبن عماتة * أو روعو خـواتـة
عـلي ظل بلامعين

مـــن بــكــائــــة عـلـى الـحـسـيــن

******************

عــمـيـة صارت عــين يـعـقـوب عـلى أبـنـة

يــدري عـايش يــوسـفـة مـن غـاب عـــنــة

عـلي شـــاف حــسـين عــاري وعـالـي ونـة

والــخــيـــول الـعــشــرة صــدرة كــســرنـة

والدة بأخـر نـفس * والشـمـر فـوگة جـلس
بنحرة خلة سيفة * وموتة على كيفة
والنحر ينزف أنين

**********************

بــعـيـنة راس حـسيـن شافة وراس عـباس

يــبــچــن اعـلـة الحرة زينب راس يم راس

وشـاف أبــوة گـلـه اعـلـة طولـة كـام يـنـداس

يـا هـضـيـمـة وچــان نــحـر حــسـيـن يـنـباس

طــة بــاسـة مـن الــنـحـر * ولـسـه مـا راح الاثـر
وعـگـب طه عـاري * مكطع بالبراري
أنجرح كلب الأمين


خادم الحسين (ع)
ألشاعر أمير السعيدي

(1335)

     (نعي في حق السيدة زينب)


   يــبــويه أنـشـاف طــولي وذاك الــخــيال

   وعــگب أخــوانــي بــويـة أچـتف حبـال

   دخـلـت بــقـصر طـاغـي وبـيـن الارجال

والـــوادم تـتـفـرج ظـلـت
وأبــن ازياد الطاغي شمت

*************** 

    يــحـيـدر مــا بــكــت أنـفـاس بــالروح 

    شـفـت حـسـيـن عـاري وراسة مـذبـوح

    وشـفـت عـباس فـوك الـنـهـر مـطـروح

ويــنـادي زيـنـب عذريني
سهم الموت مصوب عيني

*************** 

 أحــشــم بــيــش أحــشــم ونـخـه يـا ناس

 مــاكـو حـسـيـن عـنـدي ومـا كـو عباس

 أطــفــال وحــرم بــالــخــيــل تـــنــداس

وأنــه بــوحدي بهاي المحنه
لا والي وأنخاه يحظرنه

**************

    تـــمــنــيــك تــجــي وتــشــوف بـالـواي 

    خــلـص حــتـة الـدمـع مـن جـفن عيناي

    حـرم وطــفــال مــنـي تـتـطـلـب الـمـاي

وانــه مـن الـماي أبقى أتعذر
شـبـيـدي أصنع وشأكدر

*************** 

 أنــتــشــر بـيـة الـحـزن وتـنــفس هموم 

 وبــدت تـصـعـب الحالة يــوم عـن يـوم

 يــحــيــدر يــاعــلـي عـوف الـگـبر گوم

زيـنب مـن يـمسح دمعتهة
ومـن يـسد عـنهه وحشتهة





             ألشاعر أمير السعيدي 

عزيزة الحسين رقيه.ع.

لاتـــجــرحـيـنـي *  بــنــيــتــي عــذريـني
  جسم ماعندي ودين يمسحن دموعج

             ★★★★★★★★★★★★

بالـطـشـت راسي رقيه  * بلا جسم وبلا أدين

أشلون دمعج راح أمسحه * وانتي بت أبربع سنين

مسـحي الـدموع بلـحيتي * ونادي بـويه ياحسين

الحجر لا مارحـمني * وصله جـرحه أعلى الجبين

أرقــيـة رحـمـيـني * بـــنـيــتــي عـذريــنـي

★★★★★★★★★★★★★★★★

مـسـحـي دمعاتچ رقية * أصبح بــخدچ كسوف

أشلون عالناكه صعدتي * وحــزنچ بـگلـبچ يطوف

أرد أسـألــج عن قضيه * شيبـت مـنها الـطـفوف

خالـيه بـنـيـتـي أذانچ * شو تراچي مـا أشوف

بــويـه حـاچــيــني * بــنـيــتـي عــذريــني

★★★★★★★★★★★★★★★★

صمله يابويه على روحج * بـروحچ أتــنـفـس ألم

ثــوبچ الـبـي رحـمة الله * بـي أشم حرگ الـخـيم

قرطج الطاف أعلى أذنج * للأسف لا مـا سـلم

وگـلـبـچ الـيحمل طفوله * الحزن صـابه بـسـهم

حــزنـچ بـعـيـنـي بــنــيــتـي عــذريــنـي

★★★★★★★★★★★★★★★★

الـبگـى بـراسـچ يـابـويه * بـالـطـفل عبدلله أخـوچ

عـفـتـة نايم فوك صدري * يـداوي جـرحه بـجرح أبوچ

يــعـيـنـج الله يــارقـية * بـأهل بــيـتچ عـذبوچ

الــضربـو أمتونج هظيمة * أنتي أيـه ومـا قـروچ

مـــارعـو ديـــنــي * بــنــيـتـي عــذريــنــي

★★★★★★★★★★★★★★★★

 
لايهـمچ كـل مـنـافق * لا يزيد ولا شـمـر

مــن تـشـبـكـيـنـي رقـيه * رتـلي أيات ألـفـجر

الــعـمـچ الـعباس روحي * وعلى راسـه أقـري الـقدر

أنــه أنـزلـنـاهٌ رتـلـي * وســوره الـحچ والـعـصر

عـــمـي حامـيـني * بــنـيــتــي عذريــني

★★★★★★★★★★★★★★★
 
الــمـثل عـمرج حسافه * أشلون تـمـشـي مـأسره

أيه جنت أقره اعله أيدج * الـحـبل چا مـا قــره

أتــهــيـئي الـموتج رقية * كربت أيـامـچ تـره

يمي ملك الموت أشوفه * بـويه وأنـي مـأخره

خـلصـت سـنـيــنـي ** بــنــيتـي رحـميـني


              الشاعر أمير السعيدي

الإمام زين العابدين يتگلم مع شيعة بعد مقتل الحسين (ع)


جسـم الحسـين جيت ادفنة وروحي چواهة العذاب
جسم الحـسـين شـفـتة عاري وبـيدي لبـستة ثـياب

الـدنيه چانت مـظلـمة  * * شـفـت يمـة فـاطمة

***********************

اني ابو الـباقر يـشــيعة ★ كلـبي بحـسين انـفـجع

راس أبوي الـجـسـمة جــبـتة ★ بـحـســرة وبــهـمة رجع

يـعــيــنه الله عـليـشافـه ★عالـرمـح من انـرفع

الـشمر مـن سب خواتة ★ راس ابـو الاكـبر سمع

وبعينة شـاف زيـنـب اخـتة كــبالة من اتجتفت

وبعينة شاف خـيـم مـحروكة وتراجي تسلبت

بوجهه من شفت الضـمة * شـفت يـمـة فاطمـة

***********************

قـدمـت مـاي الابـويه * ودمـــعــتــة كامت تـسـيل

كــتله اشــرب انته ضامـي * حتلـو تــشــرب قلـيل

شلون گال اشـرب يـبوية *كبـل زيـنب والكـفـيل

عــطـشـو مـن اجلي واجـلكم ★واجب نـرد الجـمـيل

شلون ارتـوي وزينب وعــبـاس نـــذرو كلشي الي

شلون ارتـوي كبـل اخوتـي صـعـبة اشرب يا علي

گلي الـهم قـدمه شــفـت يـمـة فاطمــه

★*★*★***★***★***★***★

بــيا ذنـب اسـئل يـشـيعة ★لـيـش راســه يـنــكـطع

بــجـسـمـة اجـمع قطعة قطعة ★واغــسـل أعــضـاءة بـدمـع

ردت اغــطــي بـالـحـــصيرة ★حـتـة جــسـمـة يـنـجـمـع

الــزهـرة صــاحـت لا تلجمه ★ مـــثـلــي مكـسور الـضـلع

الـزهرة تصـيح يا علي مثلي انكسر ضلع الحسين

الــزهرة تصـيح هاك ماي عيوني غسـله الجبين

هذا ابن حامي الحمـه  **  شفت يمة فاطمـه

**********************

راسة من صلة على جسمـه ★مـــو قـصر صـلــة تــمام

راسي خليتة على نـحره ★من الـنـحر اسـمـع كـلام

گلي زينب لو شفتهه ★ بـويـة وصلــهـة سلام

كلهة لا تـحـزن علية ★ولا تـساهـر خـل تـنـام

شـافت عــذاب عيون زينب يا علي بوكت السبي

شـافت عــذاب الــصـار بـخـتي بوية ميحمله نبي

شكد نزف چفهة دمة  ** شفت يمـــه فاطمـه

***********************

والـدي مـــن رحت ادفنــه ★ كلـبـي شيـب واني شاب

وجــهـه غسـلـته بدمعتي ★ وشـفـت اثـار العـذاب

گـتـلة ويــن ادفــــن رضيـعك ★و نـحـر ابــوي انـطة جواب

گلي يولــيـدي عـلى صـدري ★لا تـخلي على الـتراب

خـايف عليه طفلي مـا يحمل بعد شوغة والم

خـايف عليه خايف يـرد حرمـلة يصوبة بسهم

السـهم حيل آلمــه  ** شـفـت يمـــه فاطمـه

***********************

أدفـت جـثـة حبيبـي ★ العــمـتي زينـب رحـــت

اســتـقـبـلـتـني هـا يـعـمـة ★ علية ليش تأخـرت

والــدي اخــرني عـنج * شلـون اجـمـعــنه حرت

جـسـمة لـمن ردت ادفـنـه ★صوت مـن نحره سمعت

وصـل سلام لـختي زيـنـب ولـبـقـيـة الـعـائلة

وصـطل سـلام كـلـهــة يـنـتـظرج اخـوج بـكربلة

گــلـب زيــنـب كــلمة   ** شـــفت يمة فاطمـه


لعاشق العباس (ع)
أمير السعيدي

(زيـــن الــعـــابـــديـــــن)


دفــنت أهلي وبــچيت بـدم عـلى حسـيـني

شـفـت خـنـصـر عـلى الـغـبره يـواســيـني

حـســـيـن واه حــــســـيـــنـــــاة

******************

إنــة وجــفـوفــي حـرت مـن رت أجـمــعـة

جــسـم أبوي حسين صاير قـطـعه قـطـعــه

بـگـلـبه مـن شفت السهـم بـجـانـي وضـعـه

أنـــحنيـت وكـــلــبــي مــا أنـطـانـي أودعه

أمـسـحت وجــه بـوجة بـثـوبـي وبـچـت عيـني

********************

بـوالـدي أحـــتـــاريـــت مــن نـزلـتـة لـحده

شلون أوســده وهــوه مـاكـو راس عــنـده

جـــوه نــحــره تـــراب خــلـيـت ارد أوسده

ما كـدرت وشـــاهـدت أيــــده عـلى چبده

صـــحـت بــويـه ســـهـم جـبـدك يــأذيـنـي

★**★**★**★**★**★**★**★


حــافـــي رحـت أركـض وادور عمي عباس

جـثـتـة عـمـة شـفـتـهـة تـنـوح على الراس

المـثل ابــو فـاظل هضيمة أظلوعه تنداس

چـان أذا يـخـزر عــدوة اجــفـوفه تــنباس

بــست نـحـره وعـلـى جـفوفه بـده ونـيـني

*******************

جـــسـم أبـو فـاظـل جـرحني مخضبة دمة

ألـزمـت عـمـة قـمـيـصة وگـمـت أشـمـــة

صــوت مـن عـبـاس أجـاني وگـلي كـلمة

جـودي أخـذة ويـاك عـمـي لخـتـي سلمة

أدفـنت عمي وشلت جـودة عـلى يـمـيـنـي

**************

عــلـي ألاكبر من أجـيـتـة وشـفــتـة دامـي

جــثــتــة بــيــهــة نــفــس وگــفـت أمـامي

كــلـي لا مـو من عطش خوية أني ضامي

لــعـمـتـي زيـنـب يــاعـلـي وصـل سلامي

دمـع زيـنــب عـلـى أخــوتـهـة يـــچـويـنـي

★***★***★***★***★***★***★

الــطـــفــل عـبـد الله شـفـتـة بـحـاله صعبه

مـا كـدرت أصــبــر وعـوفه ضامي گلبه

جـبـت جــربــة أبـو فـاضـل ردت أشـربه

شــفـــتـــة مــشــغـول بــعــبــاده وي ربه

يـــعـــبــد الله أصــيـح ومـا يــنــاغـــيـنــي

******************

جــــاســــم الــعــريــس لـمن ردت أدفـنه

أنــچـــوه گـــلــبــي أحــسة بـنــار حـزنه

شــمـعـة أزفــافـــه بـدت تحـجـيـلي عـنه

يـــاعــــلــي تـكــلي لــهـســه بـجـفه حنه

الــعـرس عـــافــه وداع أمــــه يــبـچـيـني



لخادم الحسين

الشاعر أمير السعيدي

# حبُ الحسين أجنني


لـو أنـسـة الـحـسـيـن أتـبـرة من الكلب
لو أنسة الحسين كون الجهنم أطب

أقــســـم بـــالاذان * ســــوانـــي أنـــســـان
حــبــيــبــي يـــاحــســيــــــــــن

**********************

أقـــسـم بــساقــي العــرش وبــگل ألاديـان

حـســـيـن مـن أقـراه أحـس قـاريـلي قـرأن

چنـت أعـيش ويالـبـشـر ماعـنـدي عـنـوان

حــســين خــلاني أحــس بـروحي أنـــسان

أبــخيـره عايـش وتـنفسه بكل وقت
ينساني حاشـه أبـگبري يـجي لومتت

ســـره ألــهـــي * صــعــدلــي جـــاهــي
حـــــبــيــبـي يــاحـــســيـــــن

*****************************

والله أحـس بــراحـة شـــبـاچـة من الـزمـة

أتـمـنى بـلـدنــيا أمـنـمـوت أنـدفـن يـــمـة

رت أسمـي أبـني أعلـة أسمة رفــضـت أمـة

حـسـيـن واحـد لا تــسـمــون أعلـة أســـمـة

حـسيـنـي أمـيـري بدمة حيى مذهبي
هـو أمة زهراء أشجاب أبني لابن النبي

أبـــأســـمـــة أيــــات * نـــور الـسـمــوات
حــبـيــبــي يـــــاحــــســـيــــــــــــن

***************

الله صلـه عـلـى الـنـبـي على حـسـين سلم

كـل خــمــيس بـنــيـة بـيــضه يمة نــلـــتـم

مـن أحط خدي اعـله خـد شـبـاچـة وشـتم

أســمــع الــزهــره تــكــلي أقـرالـة مـــأتـــم

الـحـمـزة الـزغـيـر مني قصيدة أطلبت
من هجمت الخيل وصوب المخيم دنت

گـمـــت أبجي وأقـــرة * بـنـفـاسي عـبـرة
حــبــيـــبــي يــا حـــســـيــــــــن

**************************

گـلـبــي أن أنـــت رقــية بـصـعــدت الــنوك

حــسـيــن كالـو صـدره فوك الـضهر مـطبوك

آه جـم حــافر بـحافـرجـسـمـه مـسـحـــوك

والـرمـل چي حـار خــد حــســيــن محروك

خـده أنـصـلـخ آه وبـوجه ماضل جـلـد
حار الرمل حار يمشي على خد ويرد

كـسـرولـه ضلـعه * كـطـعـولــه أصـبـعـه
حــبــيـــبــي يــا حـــســـيــــــــن

***************

أشـلون أحـط راسي ونـامـن جـنـب الاحـبــاب

وجـسم أبــو الـسـجـاد نــايم فـوك الــتراب

والله صعـبة ثــيـاب ألـبـس صـعـبة الاسـبـاب

وانــي أدري أبـن الـنـبي مـسلوب الــثـياب

ظل عاري الحسين وبجسمة تغلي الشمس
وضلوعة ياناس برجل الشمر تنرفس

وظـل حـاسر الـرأس *عـيـنـة أعله عـبـاس
حــبــيــبــي يـــــاحـــســيـــــــــن

**************************

أشـلــون أنـســى الــعـالرمح بـلـكـهـف يـقـرة

أشــلـون أنــسـى الـسـحـكـت الـخـيـل أعـله صدرة

أنـسـى ذيـــج عــمــامــتة الــمـتـحــولـة حــمــــرة

أنــسى دمـة الــي بــقـى يــبـجـي عـلى نـحره

الـمـثـلـة أنـسـاة لاوالله مــا يـنـسـي
مـحـبـسـة مسلوب وتـبـاهـة أنه بمحبسي

الــمـفــروض أنــزعـة * وهــديـلـة دمـعـة
حـــبــيــبــي يـــاحـــســيــــــــــــن


لعاشق العباس (ع)
الشاعر أمير السعيدي

# لسان حال زين العابدين. ع.


لــزمي ضــهرج عــمه الله يــعينـج
أوياي أقري الفاتحه أعلى حسينج

والدي مـاضـن عـدل ★ خده داسو بالـرجل

عـاري ضل أعلى الرمل مــسـلـوب ثــوبـــه

************************

أنـــه أبــن الـواحــد وسـبـعـيــن نـــاســه

أنــه أبــن ذاك الــي فـصـلـو عـنـه راسه

أنــه أبــوي الـگـعـبـة نـحــــره وطه باسه

تــالـي مـا تـالـي وبــرجـلـه الـشــمر داسه

أبن جوشن راسه حين الشــالــه
حسين ضل يـبـاوع على أطفاله

وأنه شـك عـيـني البچي ★ أقـره بـشفـافه حچي 

عـاري ضل أعـلـى الـرمـل مــسـلـوب ثــوبه

********************** 

وســفــه أبـن بـنـت ألنبي جهــــلـو مـقـامه

الـشـمـر جــر والـدي وخـــــــلاه أمــامــــه

عــمـه من راســـه شـفــت ذبـهه الـعـمامه

بـقـبـضــة السيف الدعـي طگـه على هـامه

آه ضـــل يــرافـس بـرجـلـيـنـه
والـرمل حار وغده بنص عــينه

دمـه سجــاده أنـفـرش ★ وخيم بروحه العطش

عـــاري ضـل أعـلـى الرمل مسلوب ثــوبــه

****************


آه يـاحــسـرة أبـــــوي الــفــاركــيــتــــة

الـمـوت يــم راســه كـعـد يـنـطـر مـنيتة

أمـنـيـن مـا بــاوع عليه عاري لگـيـتـــة

عــمـه وبـحـافــر شفت طبعت لحيــتــة

أعيون هاي الخيل من شدوهه
فوك راسه وعالضلع مشــوهــه

طحنت أضلوعه طحن ★ زينب ابن أمج يون

عـــاري ضـل أعـلى الرمل مسلوب ثــوبـــه

************************* 

الــخــيــل آه الحــيـل أطــشـره وتجمعه 

أتساون وطبكن طبك ظهـره ويضلعــه

شافـــــو الخاتم بــديه لايـك لـلـصبـعــه

بــجــدل أتـقرب لـبـوي وكـص أصبعه

حــســين على السـوو الله يعــينه
قطعه قطعه على الثرى مكطعينه

عليه ثيابه تشككن ★ عليه نجوم الله بچن

عـاري ضـــل أعلى الـرمل مـسـلوب ثــوبـه

**************

 الـــنـــار أجـتـچـــن للخيم عمه أستعدن

جــوه سكــف الخـيـمـه ماريـــدن تـضلـن

أتوجهن صوب الغري وبســرعـه طـلعن

بـعــد سـاعـه على الـرمـاد أنـتـن تـصلـن

بهل الظلام بــلاخــيـام تــنامـن
عمه صيحن ياعلي أمن تخافن

الليله ماتبقى خيم ★ حسين منهم ماسلم

عـــاري ضـل أعلى الرمل مــسـلـوب ثـوبـه

*********************** 

عـــمــه گـومي الـوالدي أنصليـله وحشه

حـسـيـن جـسمه بـلا دفن ومـتـاني نعـشه

ثـوبـي جـوه اضلوعه كـون بهيده أفرشه

بــاچـــر يـمـنعـونـه عـنه ونـمشي غـبشه

وحده وحده خل تكوم تشوفه
خل تبوسه بمنحره واطـــوفـه

أدري ماباقي عدل ★ مختلف حتة الشكل

عـاري ضل أعـلى الرمل مــسـلـوب ثــوبـه



لعاشق العباس 
أمير السعيدي

          #★عبدالله الرضيع★

  انــه المفطوم بحــزانــي انــه المفطــوم
  رمــاني حرمله بنحري سهــم مــسمــوم
       رجيت اعداي **** علشربت ماي

      *************************
      
انه سهام المرامي من أمي فطمني

      ومــن ماي العذب ياشيعه حرمنــي

      حچيت ويالسهم مــن راد يذبحني

      غفــل ماچنه يسمع ودري يسمعني
                           
       ذبحني وانه بحضاني الذبيح حسين
      وحرمني من حنان امي وفاني البين
         عفت دنياي * علشربت ماي

       ***************
       
عــكب ماحز وريدي سهم التجسر

        اجــاني بكل خضوع ولنــه يتعــذر

        الامر مــو بيدي گلي حــرمله قــرر

        أمــرني وكلي روح وأكطــع المنحــر
                          
         بعــد شتفيــد اعــذاره بــعدشتفيد
         بعد عني اعز ناسي وكطعلي وريــد
            نسيت صباي * علشربت ماي

      ***********
    
   كــل لحظه التمرني اشتكي الــربي

        الــهي حرمله بسهمه فطــم گلــبي

      بسبع اشهر اودع أمــي شنو ذنبــي

       وراسي ينرفع فوك الــرمــح مسبي
                       
      يريت أمي فلا ولدتني ريت أمــي
     ولاسبع اشهر ابقــى مگمط بهمــي
       رحت عناي **** علشربت ماي

**********
         
لون واحدكم أبنه ينذبح ذبحــي

      فلا يصبر علبنه ويصبح مضحي

        حسين الربه قدمني وانه بجرحي

       ويكل للدنيا احزني بموتتةوفرحي
                        
          فلا اهتم على وليدي فلا أهتم
         نذرته الربي عبدالله بجرح وبدم
         اندفن وياي **** علشربت ماي

   *************
     
وحك طبرت علي وكسرت ظلع فاطم

      وحــك جــف الكفيــل العثــره نــايــم

       على مــوتي لا أبــد يايشعه مــانــادم

       انه جندي جنت وعلى الحرب عــازم
                        
    صحيح استهدفو نحري ومتت عطشان
     لجن ربي رفــع شأني وصــرت قربــان
         رفع ذكراي **** علشربت ماي

   ********
        
ظنه حرمــله أنــه طفــل يــرضــع

       وظن ابهل الطفل لايحجي لايسمع

       مــايــدري أبــد لــلمــاي مــاأخضــع

       لون گلبــي احسه من الصدر يطلــع
                      
       تــراولــه أجيــت اشــرب تــراولــه
      أجيت بنحري أصلي على النبي واله
      منعت احشاي *** علشربت ماي



لعاشق العباس.ع.
أمير السعيدي

# (الامام القاسم عليه السلام )

بــثـوب الزفاف ابــني انـذبـح
ومــامـر عـلي لحـظه الـفــرح
     عاش بمحنه**** مات بحزنه

       ****************
       
انــه ام المنذبــح وبليلــة ازفافــه

     ولابسمه يشيعه باســت اشفافــه

      الفرح من زغر جاسم طلكه وعافه

     مشه العمه ينصره الوحــده شافــه

   ياعمي ناده ركبتي * ترخص الك والعمتي
      وغمض جفنه   **** مات بحزنه

        ***********************
              
كل ظني الزمان ايامه تسعدنــي

       وبجفي احني أجفوف أديــن ابنــي
          
  ماأدري الزمــان يخون يجــرحنــي

        وبجــاسم يشيعــه تالي يفجعنــي

مافرحه شفت من الدهر* غير المصايب والقهر
           مافرحته**** مات بحزنه

        ************************
          
كبل ليموت اجيت بدمعي حاجيته

       يبنــي بيــا أمــر مــذهــول ناديتــه

        كلــي والــدي وصانــي بــوصيتــه

        عمــك لــو شفــت مذبوحه ذريتــه

ثوب العرس بدله بجفن*وعيف الفرح موت بحزن
        ومن فاركته**** مات بحزنه

      **************************
          
اتــمنه امــوت وأســكــن بــلحــدي

     ولا كل شاب اشوفه وينعصر جبدي

      شلون أكدر اعيش بغربتي وحــدي

     لا والــي بــگه ولا ظــل أبــن عنــدي

    الحسن سمو جبدته* وجاسم رحل عن دنيته
          الولد وأبنه**** مات بحزنه

     **************************
          
كلبي يكلــي يارملــه بعد شصبــر

       طول الليل احاجي الروح واتحسر

        حلمــي ألــي تنيته ضــاع وتفســر

       وبعد هيهات اعيش أوياج راح اكدر

   كلشي انتهه عكب الابن* وماحصلت بس الحزن
           تركي الحنه**** مات بحزنه

*************
     
 يشيعــي لـو شــاب بزفتــه اتشوفه

       أذكر محنتي وهل المحنه معروفه

       واذا أمــه شفته اتحنــي بجفوفــه

        اتصور حالة أم محرومــه ملهوفــه

ابني انحرم من حنته* وللكبر صارت زفته
             لا متهنه**** مات بحزنه
   


لعاشق العباس.ع.
أمير السعيدي

صورة وجهچ اكبالي ★ ابد ماغبتي عن بالـي

وحق خوتنه ماعـفـتج  ★ يزينب كلبي ظل يمج

***************

انه عـباسـج * اجـري بـنــفـاسـج
انـه بـعـيـوني رســمـتـج حـتـى اشـوفـج

صـورتـج يـمـي * انـطـبعـت بـدمي
من وضعت يمـيني ويساري بجفوفج

عـني ماغـبـتـي * بـالـگـلب عشـتـي
لاتـضـيـني من اغـيـبـن راح اعـوفــج

يـشهد الباري * وكل دمع جاري
كـعـبه صـرتي وانـه احـجـن من اطوفج

ملگتي مهجـتي وكلبي ★ بحنانچ انه متربي

اذا فد يوم مـاشـفـتج  * يزيـنـب گلبـي ظل يـمج

                  ********************

من ردت اشـرب * الماي يازيـنب
من ايـدي طاح الماي يختي وماشـربـتة

شـلون اشـربـنه * ورتـوي مـنه
وعـالـنهر وجـهه الـحسين بعـيـنـي شـفـتـة

صاح ياعباس * انته رفعت راس
كـلي عـبـد الـلـه الـرضيـع بلوعه عفتة

لاترد خالي * عـطـشو اطـفـالي
جـم طفـل خـويه عـلى الـماي انـته وعتة

ردت اوفيكم بوعدي*** لـچن كلشي صبح ضدي

بـعـد شـرد اعـتـذر منج * يـزيـنـب كـلـبـي ظل يـمج


★★★★★★★★★★★★★★

اقـســـم بـخـدرج * وبـضلع امـج
والـلـه هـو عـلــيـه يـشـهـد ماعـفـتـكـــم

الجـربـه صابـوهـه * جـفـوفي كطعوهه
وانه طايح جودي يمي وانظرلكم

جانـت امنيـتـي * بكـلـبي ياخـيـتي
جـفوفي ترجع حـتى انـهض وارجعلكم

الزمان انـدار* شاءت الاقـدار
جـسمي يـبقى عـالشريعه وروحي يـمكم

اشلون احمل الم فركاج ★  وأنه كل عمري عشته اوياج

ازعـل لـونــزل دمـعـــج ★ يـزيــنـب كـلـبـي ظـــل يــمـج


        **************************


المـوقـف الاصعـب * والـلـه يـزينب
السهـم لـمن اجـاني ونـتـي صـحـتي

من اقـتـرب مني * كـتـله امهـلني
يا سـهم لحـظه ارد اشوفن زينب اخـتي

ماسـمع صوتـي * عـعـجـل بـمـوتـي
والـدمـه عـالـخـد تـجاره ويه دمعتي

صورتج غابت* وروحي احس ماتت
وما اشوفن وجهج وين انتي صرتي

طحت لـجن نـفـس بيه ★ اجه حـسـين وبـچه علـيه

بـهـيـذيـج الساعه من ردتج * يـزيـنـب گلـبـي ظل يـمج


★★★★★**★★**★★**★★
      

مـن اجـانـي حسين *دمـوعه عالخـديـن
بـاوع بـوجهي وبـجـه وزداد ونه

من كعد يمي *يمـسـح بـدمي
كـلي كـوم اويــاي زيــنـب تـنـتـضـرنـــه

جـفـنـي ظـل يـدمـع * بـيـاعـذر ارجـع
اسـتحـي كـتـلـه اوجـه انه اخـتـنـه

لاتـوديـنـي *وحـدي خـلـينـي
كـلـبـي خي يـودع الـدنـيـا ويــه حــزنــــه

ابـو الاكـبـرنـفــذ صـبـره ★رجـعلج مـنكـسـر ظهـره

خفت لـمـن مـشـه يخبرچ ★  يـزيـنب كـلـبي ظل يمچ

         ****************************

حـيرتـج صـعـبـه * وحـدج بـغـربـه
بـاجر انـتـي والـيتـامـه تـمـشي اسره

بلا اخـو تـبـقـين * ويه الشمر تمشين
ويبقى ابن جوشن يجرحج مره مره

يضرب اطفـالج * زينب اكـبالـج
وكـل طفل من يـبـجـي بجـفـوفه يسطره

بكــل مـواقـيـتـه* جانــت امنـيـتـه
الـشـمــر يـفــرح اذا كـلـبـج يــقــهـــره

الشـمر شــد الحبل بـيديج ★وانه طايـح بعيد عـليج

اكوم اشـلـون واوصلج ★  يـزيـنـب كلبي ظـل يـمج


لعشاق العباس (ع)
                 الشاعر امير السعيدي

      ((((انصار الامام الحسين عليه السلام))         ــــــــــــــــــــــــــــــــــــــــــــــــــــــــــــــــــــــــــــ
           الانصــار رفــع ربنــه شــأنــهــم
           الانــصار وجــوب نصلــي الهــم
         أبقين اتعاهدو ★★ لبو الاكبر وفو

★★★★★★★★★★★★★★★★

          للــحسين اعتنــو همــه وذويهــم

         وحــي رب السمــه يظلــل عليهــم

         ابــو اليمه ابتسم مــن سمــع بيهم

         أجــه استقبلهــم وصــافــح اديهم
                            
          الانصــار بــدمــاهــم وقعلــولــه    
          الانصــار اعــز شــي قــدمــولــه 
    بكلب صافي اجو★★ لبو الاكبر وفو

★★★★★★★★★★★★★★★★
        
الــواحد وسبعين ربنه من خلقهم

         ابــد لا مــاخلــق نبــذه مثــلــهــم

         الباري علــى البشــر ايــه جعلهــم

        وبعيون الكــواكــب خــط اسمهــم
                      
          لــلحسين جنــود الــرب خلقهــم
          لــلحسين ثبــت خالــص عملهــم
        الاخر نفس بقو★★ لبو الاكبر وفو

★★★★★★★★★★★★★★★★
      
اذا التاريــخ صفحه صفحه نقــراه

       مــن أدم لــحــد يــوم الــوصلــنــاه

       مثــل أبــن مظــاهــر مــاوجــدنــاه

      ومثــل عــابــس أبــد مــاراح نلكــاه
        
        ومثــلهــم زهيــر بكــل صفــاتــه
        ومثــلهــم أجــه وقــدم حيــاتــه
         ابد مترددو★★ لبو الاكبر وفو

★★★★★★★★★★★★★★★★
    
حبيب يصيــح يحسين النصــرتــك

     أجيت أنــه وأهــل بيتي بخدمتــك

     وزهيــر يكلــه انــه مــن عشكــتــك

    قسمت بــربــي لحظــه مــاتــركتــك
                     
       سمع جــون وسمع عابس حݘيهم
       يضحــون الأبــن بضعــة نبــيــهــم
        بعدهه تجننو★★ لبو الاكبر وفو

★★★★★★★★★★★★★★★★

     السبــط مــن أذن وبــأنصاره صلــه

     اجتمــع بيهــم رغــم أنصــاره قلــه

     اســامح كلهــم وكــل عــذر اقبلــه

     اليــريــد يــروح عنــي ودعــة الله
                     
       الانصــار نطــق اقســم كلبهــم
       الانصــار فــلا تــركــو محبهــم
    بخدمته تشرفو★★ لبو الاكبر وفو

★★★★★★★★★★★★★★★★
   
مــن استشــهــدو ربــنــه يــعيــنــه

    حسين يــون بقــه وروحــه حزينه

    لانصــار اعــتــنــه زهــرة نبــيــنــه

    واحــد واحــد يــغــمــضــلــه عينــه
                    
      ويصلــي عليــه والحــمـُـد يــقــره
      ويصلي ويحط صدره على صدره
    بكرامه استشهدو★★ لبو الاكبر وفو



للعاشق العباس ع.
أمير السعيدي

# عزيزة مسلم بن عقيل.


وردة وشـفـتـة أكبالي ذبــلـت
وكل لحضه عن والدهه سئلت

 ظـلـت وحـيدة   **** أه يـــاحــمـــيـــدة

                **********************

زيـنـب أنـة أخـت الكمر * ظهري ياشـيعة انكسر * وماتت أمالي

طــفــلـة بـعـيوني شفت * ولله ألف موته متت * شسوت بحالي

تـبـجي دخـلت خيمتي * بلـهفه تصرخ عمتي* وكعدت أكبالي

من الـبجي عمه عميت * لاأبو لاأخ بـقـيـت * بيتي ظل خالي

كــل طـفـلـه كـالت يمهة أبوهه
بـس أنـه أهــلهــة الفاركــوهــه

 كــلـهـــة ســعــيــدة * أه يــا حــمــيـــدة

              *************************

ولـلـه بـت مـسلم جـرح * خلت بـكلـبـي رمح * وزيـدت هـمي

كـلـب هـل الـطـفـله أنجوه * وكوه تتنفس هوه * من أجت يمي

تصيح وين أنطي الوجه * الـيامكان أنـه أتجه * مـحترك دمي

دمعي عـالـوالد يــهل * عمه ميت لو عدل * شفتة أجه بحلمي

ودعنـي أجـه وكـلي كـلمتين
وصلي سلامي العمج حسين

وبـــوســيــلـي أيـــدة * أة يــا حـــمــيــدة

★★★★★★★★★★★★★★

طفـل لـلخيمه دخل * عـن حـمـيده أشكـد سئل * بحيره خلاني

كـلي ماشـفـنـاهــه أبـد * ويـانـه ماتـلعب بعد * من شنو تعاني

ولـلـه حـيرني السؤال * كـتـلـه يـوليـدي تعـال * حجيك أذاني

فراك أبوهه أصبح ألم * تـكعـد بـاب الـخـيم * الــجـيـتة أتاني

يصفر وجهة وتوصل الموت
وألهـة بـعـد ما ينسمع صوت

الـــوالـــد تــريـــدة * أه يــــا حـــمـيــــدة

             ************************

خدودي يـجويهة الدمع * ويـنحني حتة الظلع * من أصد ليهة

وصلت الها الـمرحله * ثـوب أبـوهه أتـقـبـلة * ويـنـغمي علية

تصحه ميتة من الرعب * فراكه والدهه صعب *شـصنع بيهة

بويه يا مسلم تـصيح * وتـوكف وترجع تطيح * والـزم أيديهة

حـيـرنـي أمـرهـة الطفله ولله
والـدهة أبد ماترضه تـنــساه

 كــطـعــو وريــدة  *** أه يــا حـــمــيــده


★**★**★**★**★**★**★**★


الخـبـر مـن اتـضح *مسلم بـغربة انذبح * ونـســفــك دمــــــــة

حـسين بي لمن سمع * عالارض شفتة وكع * بموت ابن عمة

بـنـت مـسلم كصدتة * أنـحت وتـرجـتـــة *  تـــوســلـت بـأمة

عمي سولف منهو مات * بكلبي ماظلت حياة *عــايـش بـهمة

كــال الـهـة يابـنـتـي هـضـيمة
صــرتـي عـكـب مـسـلم يتيمة

أخبـــار اكـــيـــدة * اه يـــا حـــمــيــدة

               ***********************

لبست ثياب العزاء * ؤبـجت امـلاك السماء* وضـاك أحــس صدري

تحاجي ابوهة تكلة ليش * انت ميت واني اعيش * اتـيـتـم بـزغـري

والـلـه مـن دونك احس * الدنية مابيهة شمس *أنكسر ظهري

بويــة ردتـك تـنـتـظر * انة اجـيـك وينحفر* كـبـرك وكـبــري

أدفـــــن أريـــدن ذكـريـاتــي
شــلي بــعد أنــه بــحــيـاتــي

 أحــــلامــي بـعـيـده * اه يــــا حــمـــيــدة



         لعشاق العباس (ع)                .    أمير السعيدي

جديد 1441

#عنده مقتل الحسين. ع. خرجت السيده زينب تنادي.


يـاحسين غريب غريب
يا حـســيـن تــريـب تـريـب
يـاحسين عجيب عجيب يا حـسـيـن

*********************

أفـتركـلي أنـه زيـنـب يـابــــو الاكبر

بلا عمامه خوية وجهك لـــيش مغبر

شبيهه خاصرتك أحس لازمهة خنجر

أشعدهه هاي الخيل يمك جـــــاي تفتر

داســـتـــك ضــلـع وكـــع
داســتــــك عــظـــم طــلـــــــع
داســتـــك ولامــجـيــب ياحـســيـن

*********************

أرد أسألك ياحسين أشجنت لابـــــس

وعلى جسمك كامت تفي النــــوارس

صدرك العاري فتح باب الــــمجالس

الخاتم البيدك رفع صيت المحـــــابس

مـــحـــبــســك نـــزف ألـــم
مــحــبــســك مــا ســلـــم
مــحــبــســك رحـل كئيـب ياحـــســيــن

*****************

بـچـفي سـبحـت فاطمه وانه أبچـي سكتة

سـبـحـة أمي أطـشـرت مــن طحـت أنـتـة

يــاحـسـيـن آه عـلى كـلـبـك مـن لـــزمـتـة

ويالـسـهم جبـدك طلع لمن سـحـــبـــتـــة

بـهـل الــوقــت أجـه الامــر
بــهــل الــوقــت دنــه الـشـمــر
بهل الوقت بلا حبيب ياحـــســـيـن

*********************

الــرمــل حــار عـلـى وجـهـك لـيـش نـايـم

الكاع شـربـت لــون نـحرك وانــت صـايم

النـاس أجـت تـركـض عـلـيـك بـرمح هايم

نــزعــوك عـمامـتـك لـبـسو عـــمــايـــــم

يـالـبقـيــت وحـيـد وحـيـد
يـالـبـقـيـت عـلى الـصـعــيــد
يالـبــقيـت سـلـيـب سـلـيـب يا حـســيــن

*************

كل جوارح جسمي تبچي من الفظ أسمك

ياحــســيـن أمـنـيتـي مـن تــوكـع ألزمك

أطــشــرن وتــصافـحـن دمـــك وعضمك

الحــافــر يطشـرك بـقـة ويـرجــع يلـمـك

أطــشـــرت عــلى الــرمـــال
أطـــشـــرت لامـــحــــال
أطــشــرت بـــده الـنـحـيــب ياحـــســين
************************

يــاحـسـيـن بـشـيـلـت أمـي شده ضلعك

ياحــصـير ويـانـعـش يـگـدر يجـمـعـك

هــذا لـي طـعـنـك أجــه وذاك اليدفعك

وهــذا يــم ثــوبـك گعـد رايـد يـنـزعك

بـلا قـمـيـص بـقـيـت بـقـيـت
بـلاقـمـيـص دما بچـيـت
بلاقميـص خضـيـب خضيب ياحـــســيـن



لعاشق العباس
الشاعر أمير السعيدي