Бул китепте аты айтып тургандай эле, жашообуздагы өтө маңыздуу, зарыл маселелерге чекит коюла тургандай, Сүйүктүү асыл пайгамбарыбыз Мухаммад Мустафа САВдын берекелүү, керектүү хадистери топтолуп жыйнакталган.

Өзгөчө азыркы тапта бизде ажырашуу арбындап күчөп бара жатат. Жашоодо мусулман адам тың болуш керек, бирок ошого карабастан жүрөгүнө дүйнө кирип, ата-энесине убакыт ажырата албай, бала-бакырасына көңүл бура албай, үй-бүлөсүндө араздашуулар көбөюп кеткен себептен бул китеп, ошондой чоң көйгөйлөргө ачык-айкын чечим катары жазылган.