قصيدة لسان حال الخدام عند انتهاء العزاء،  طور. فاطمة كل عام
#جديد_حصري

يم حسن تدرين
احنه المقصرين

مانوافيكم   يالنقذتو الدين

✧ــــــــــــــ ✦◈ ✦◈✦ ــــــــــــ✧

يالزجية  خلصت الشهرين واحنة
ماشبعنه من البواچي ولالطمنة
كون كل مجلس تطبينه حضرنه
وكون وياج بونينج مافترنه
نعرف اتسمعين
لو ندبنه حسين
سجلي خدامج / من تهل العين

#فضيله_هاشم_الموسوي

✧ــــــــــــــ ✦◈ ✦◈✦ ــــــــــــ✧

نعتذر منج يزهرة يالزجية
خاف قصرنه بتحاضير العزية
خاف واحد ماشرب عدنه امية
وخاف ماساعدنه زينب عالرزية
من اهدعش لليوم
ماعرفنه النوم
ندري يازهرا  بالعزا تحضرين

#فضيله_هاشم_الموسوي

✧ــــــــــــــ ✦◈ ✦◈✦ ــــــــــــ✧

ما نوافيكم لون ضحينه بالروح
شما نقدم للحبيب تظل الجروح
حسين حبه بدمنه طابع مايروح
كون لجله نصب مدامعنه سفوح
الدمعه نجريها
يالزهره سجليها
الجاي خادمكم / يمچ تسجلين

#ام_علي_الإماره

✧ــــــــــــــ ✦◈ ✦◈✦ ــــــــــــ✧

دايمه كون المجالس والمواكب
كون طول العمر نخدم للحبايب
حسين املنه واحنه جيناله كرايب
دمعة المظلوم يمه يصير صاحب
حسين صاحبنه
وهو قائدنه
الدمعه تنجينه / النزلت من العين

#ام_علي_الإماره

✧ــــــــــــــ ✦◈ ✦◈✦ ــــــــــــ✧

ابد ماتتعوض ايام الخدامــه
ومنو كال الخادم يطولن ايامه
حتى يرجع يخدم حسين بعلامه
وكل سنه بالعاشر يطبرله هامه
الخدمه كون اتدوم
تنصر المظلوم
وقوه ينطيهم / يخدمون سنين

#ام_علي_الإماره
✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت الشاعرة ام علي ألأمارة
والعلويه فضيله هاشم الموسوي

🚫 لا أجيز حذف اسم الشاعرات وغير مبري الذمه من يتلاعب بالقصائد 🚫

https://t.me/dmoh91