آغلا گؤزوم آیریلیرسان جاناندان
هر کیمی گؤرورسن شیکایت ائیله
اؤلدون گئتدین بلکه یاری گؤرمه‌دین
کعبه‌ی_کویونو زیارت ائیله.

سن ای منیم جانانیم، روحی-روانیم
لبلری شیرینیم، غؤنچه دهانیم
بیر ساهات گؤرمه‌سم طوطی زبانیم
قوپاجاق باشیما قیامت ائیله.

واقیف بیر شیدا دیر دولانیر باغی
خسته دیر، درمانی_دیلبر دوداغی
او آلما یاناغی، بوللور بوخاغی
آللاه بد نظردن سالامات ائیله.

موللا_پناه_واقیف👌