📓 قناةدموع الفاطميات📓

حبايب تقرر وبلاجماع جعل التصويت 3ايام اي امس واليوم وغدا فقط لان المده طويله هذا طلب اغلبكم تمام فلهذا شاعراتنه استعجلو بلجمع الاصوات فقط الكم غدا وبعد الغد اعلان النتيجه☺️

يارب تتوفقون اليوم واتمنه لكم كل التوفيق❤️😍👍👍👍👍👍

شلونكم حبايب
كيف هي معنويات المتسابقات

تمــــام 😊

اليوم الثاني من التصويت موفقين ان شا۽ الله كانت نتيجة تصويت يوم امس جيدا

واعلئ نسبه تصويت للشاعره ام علي المالكي

شدو همتكم اليوم ممكن تنقــلب الامــــور لصالحكم😁

طور هذي القصيده👆👆

صوتوا من خلال الضغط علئ سمايل الـــ👍
للقصيده التي تعجبكم

قصيده لامام الصادق عليه السلام علئ طورڰلي يالميمون

المستهل👇👇
بڰلبي شبت نار ... من احرڰو داري
بفكري شفت خيام .. تاهت افكاري

❥━──➸➽❥🔮❥━──➸➽❥

نار بــــدليلي ..كالجمر تلهب ...وعيوني تربــــي
شفت هالاطفال... تصرخ وتنحب..دخيلك ياربي
تخيلت عمتي... ام الخدرزينب...ونلـﭼم كلبي
تجمع الايتام ... زيدت ناري ... واظلم نهاري

❥━──➸➽❥🔮❥━──➸➽❥


احترڰت دياري .. ڰلبي ضل حيران..بيش اطفيها
ركضت اطفالي .. من لضه النيران.. صوبي احميها
هنانه بعيوني .. تراوت العـــدوان ... لعمتي توليها
سلـبت الخدر... شـــوغت ابصاري.. واظـلم نهاري

❥━──➸➽❥🔮❥━──➸➽❥

حرمه بلاوليان.. وينكم صاحت ... محد فزعها
بكت محتاره ..للــــولي راحت.. تـشكي وضــــعها
تكله خويه حسين ..عالجسد طاحت.. وتهل دمعها
تشتكي المن ...بس جسـد عاري....واظــلم نهاري

❥━──➸➽❥🔮❥━──➸➽❥

اتصور اكــــبالي.. ليــلة الحـــادي .. شحال العقيله
ابيتي انه موجود ..اركضت لاولادي..اليوڰع اشيله
لـﭼن بيا حال... حــرمه بلوادي ...تحرس العــــيله
وياها بس اعليل... بهــاي البراري .. واظلم نهاري

❥━──➸➽❥🔮❥━──➸➽❥

الكفل فاڱدته.. عالـــنهر مطروح.. وبــصفه جفه
والعزيز احسين.. من القــفا مذبوح.. يالف وسفه
يهون انه حالي... صبرت هالروح... الجروح تشفه
مرادف اللوعات ...والحزن جاري ... واظلم نهاري

❥━──➸➽❥🔮❥━──➸➽❥
تمت بعون الله تعالئ
بـ✍ـــقلـــم الشــاعره
زهـــراء الحــربي
حسينية الهــوئ

غير مبري الذمه من يحذف الاسم او ينسب القصيده لنفسه👌

قصيده ③⓵

سمو جبدتك هليوم
عدوانك يامولانه
___________
سمو جبدته العدوان
واويلا عضم الشان
هاذه ابن النبي العدنان
وياكوم اشتطلبونه
____________
ياكوم اشتطلبونه
اصادق تسمونه
وسفه ايدير بعيونه
منه الروح حزنانه
____________

يابحر العلم وزود
زودك ما علاه من زود
اما وخصك المعبود
منه العده غير انه
___________________

الشاعره ولمله ام طيبه باجي زينب سواعد

قصيده ②⓵

قصيده للأمام جعفر الصادق(عليه السلام)


هل كُنتَ فيهم حاضِر
بِقَطعة المناحِر
وجَولةَ الخيولِ
في صُبحِ يومِ عاشر

•••••••••••••

ياصَادِقاً مَاذا رأيتَ في الطُفوفِ
دَارت عَليهم حُقبة من الالوفِ
واليومَ سَمٌ قد سرا شِبهَ السيوفِ

سَمٌ بهِ تَقَطع قَلبٌ بهِ تَوجع
في العِلَتةِ تنُادي السَمُ قد تَوسع
•••••••••••

يا عَالماً يامن لهُ الكَونُ خَضع
وكَلَ من جَاء لكَ بكَ اتضع
قال ابوك انهُ حقٌ جُمِع
انتَ ورِتث حَيدر بلعمِ قد تجبر
كلاكما بلغدرِ مُتم اللهُ اكبر
•••••••••••

يامَن بهِ صَارَ الشِعارُ جَعفري
اوضَحتَ صُورةً و كادت تُدثَرِ
يا سَيدي ويلي يابنَ حَيدري
أسَمُنا فهو شِعي لاكن فلا نَجيعي
افعالكم تَبدت حقٌ بلا مُجيبي
•••••••••••

يا ويلتي ليت جَراهُ في دَمي
سَمُكَ وقَطّعَ قَلبي الاليمي
حُبكَ في قلبي وصرتُ ملهَمي

جِراحُ قَلبي تَنبع عَيني بأسمك تَدمع
ياعِلةِ الوجودِ لنا دُعائكَ ارفع
••••••••
مَاذا فعلتم ياوِلاةَ الحَاجتي
قتلاً وسَمٍ قد قَضيتم ويلتي
افديكُم بروحي هاذي رَجوتي

فقبل ليه دعائي واحفظ ليه ولائي
ابقى على طريقك للفوزِ بلجناني
••••••••

تمت والحمد لله


عَاشِقة بَاسم الكربلائي
✍🏻 زينب الحربي

قصيده⓵⓵

لطميه حيدريه للامام الصادق
&&&&&&&&&&&&&&&
الشيعه تبجي وحزينه

الصادق يومه مأذينه
&&&&&&&&&&&&&&&
يمصاب الصادق اذانه
واحبابه تبجي وحزنانه
وتصيح بصوت يامولانه

والصار وياكم ماذينه

الصادق يومه مأذينه
&&&&&&&&&&&&&&&
للموت احنه ماننساكم
ونبغض والله العاداكم
نمشي ونسير بمسراكم
ياصوت الحق معلينه

الصادق يومه مأذينه
&&&&&&&&&&&&&&&
اشلون الدنيه الخوانه
تخون الصادق ويخوانه

احنه وياكم حددمانه
و مصابك والله تأذينه

الصادق يومه مأذينه
&&&&&&&&&&&&&&&
اشلون الدنيه خانتكم
كلمن بديره خلتكم
تبجي عليكم ياشيعتكم

للقائم احنه امتانينه

الصادق يومه مأذينه
✍ المله والشاعره ام حمودي

قصيده ⓪⓵

قصيده لسيدي مولاي الامام جعفر الصادق
على طور حجي باسم
فاطمه كل عام تشكر الخدام


المستهل👇👇

لصادق العتره الدمع يجره
نعازي العدنان وامه الزهره
🔹◾🔹◾🔹◾🔹

اتمنى روحي اطير واوصله وازوره
اتبرك إنه بمرقده واشتم عطوره
أكعد انحب عالقبر واقراله سوره
شلون امامي ومذهبي تخفون نوره
وسفه راعي الجود باللحد ممدود
غطتك تربان وامه الزهره

🔹◾🔹◾🔹◾🔹

صادق العتره بغدر ياشيعة سموه
كفر لاهابو ابد جده ولا بوه
كله لاجل الحكم والاموال غدروه
فجعو الزهره بحقدهم لمن اذوه

الزهره مالومه ياصعب يومه
تبجي بلاحزان وامه الزهره

🔹◾🔹◾🔹◾🔹

الزهره مالومه على الصادق ولينه
تحضر المجلس تعاين لليجينه
وينه اليواسيها هاليوم بونينه
تگول ماجوره الذي تبجي وحزينه

بالعزه تحضر تواسي بت حيدر
وتذكر العطشان وامه الزهره

🔹◾🔹◾🔹◾🔹

اليوم ابو الكاظم وسف گرب رحيله
من الالم خلصان گلبه وباد حيله
التمت عياله تودع الابو الليله
والدمع بالعين مايوگف مسيله

گربت اجاله يودع عياله
والدمع غدران وامه الزهره

🔹◾🔹◾🔹◾🔹

الكاظم وليده حضر عد راسه ينعاه
اتوفه هاليوم الابو وكلنا فگدناه
بس ابو السجاد محد حضر وياه
كلها مرميه على التربان اويلاه

بس عليل ينوح والگلب مجروح
من الالم وجعان وامه الزهره

🔹◾🔹◾🔹◾🔹
شنسه منكم ياامامي يامصيبه
ضربه الكرار لو ضلع النجيبه
والذي سموه وظل جبده لهيبه
لو حسين وجثته الظلت سليبه

بالذبح مجتول داسته الخيول
يشكي للرحمن وامه الزهره

🔹◾🔹◾🔹◾🔹

✍ الخادمه ام مصطفى المسفر

قصيده ⑨

قصيده لمولاي الامام الصادق على طور طورحجي باسم الكربلائي نسيتك ثواني


دمعتي هديه** لامام الجعفريه
يصادق فدوه لاسمك
اعازي الزهره امك
دمعتي هديه

───✤◐►🖤◄◐✤───

اليوم للصادق اجيت اشعل الشمعه
وكل موالي اليوم اجه وبعينه دمعه
على المسموم بغدر تبچي البضعه
ربي عجل للامام المهدي طلعه

اريدين اشوفه**واقبل چفوفه
يربي من عليه
لامام الجعفريه
دمعتي هديه

───✤◐►🖤◄◐✤───

گوموا خنقيم العزيه والمواكب
نبچي علمسموم ويلي وگلبه ذايب
وسفه صادق اهل بيت النبي غايب
عاف دنيانه وسكن جوه الترايب

طفوها شمعته**يهلها دمعته
ويظل الالم بيه
لامام الجعفريه
دمعتي هديه

───✤◐►🖤◄◐✤───

منهو منكم سيدي مامات مظلوم
منذبح بالسيف لوساگينه السموم
وانت ويلي مصيبتك تدمي الگلب دوم
فوگ سمك ياامامي القبر مهدوم

القبور الاليمه**تنادي الظليمه
عليهم وشبديه
لامام الجعفريه
دمعتي هديه

───✤◐►🖤◄◐✤───

يصادف اظهورك يغالي بيوم جمعه
تصلي بالكعبه وعيونك تهل دمعه
تبني القبور وتزور امك البضعه
تبتشر سابع ارض والسمه السبعه

اشوفك امامي**واگلك سلامي
توصله للزجيه
لامام الجعفريه
دمعتي هديه

───✤◐►🖤◄◐✤───

يل عليكم مانشف مولاي دمعي
والرفعها السبعه اظل اعليكم انعي
كون بين اقبوركم هاليوم اسعي
وبدعاء الفرج يارب عجل ادعي

تعجل ظهوره**ويعمها سروره
انادي بهالمسيه
لامام الجعفريه
دمعتي هديه
───✤◐►🖤◄◐✤───
بقلم خادمه الحسين والعتره
الخادمه ام زهراء

قصيده ⑧

# قصيده للإمام الصادق عليه السلام
بمقام الرست
تقرأ على طور الملأ باسم الكربلائي فدوه لحسين اقدم كل بنيني
✏️

بويه بويه بعد عمري وسنيني

تدري بعدك كثر نوحي ونيني

رحيلك صوباني
جرح گلبي وعماني

تدري بعدك كثر نوحي ونيني


✍️💔

والله بمصابك ٠٠ عذبتلي الحال
وابجي أبعبره ٠٠ والدمع همال
آه بفراگك ٠٠ اتصوب الدلال
الدهر بويه ٠. ٠ مني كلشي نال

ليلي اخلصه ابوناتي الخفيه
تدري بعدك. يبوي احمل اذيه

الحزن بويه طواني
جرح گلبي وعماني

تدري بعدك كثر نوحي ونيني


💔✍

بويه يالصادق ٠٠ العده هضموني
أتباع المنصور ٠٠ اليوم يتموني
وبهظم ابجي ٠٠ اعليك خلوني
وجلب الحسره ٠٠ من يسألوني

ضليت انوحن صبح ومسيه
امصابك اليوم اعظم رزيه

ويا ظيم الولاني
جرح گلبي وعماني

تدري بعدك كثر نوحي ونيني
💔✍

عمرك اگظيته ٠٠ بلوعه ونياحه
تذكر المظلوم ٠٠ حسين وجراحه
صرخت ايتامه ٠٠ بشوف ذباحه
ون گلب عمتك ٠٠ للگمر صاحه

تذكرت عمتك من راحت سبيه
وتصد للروس ودمعتهه جريه

غدر بيكم زماني
جرح گلبي وعماني

تدري بعدك كثر نوحي ونيني

💔✍

وهجمو الاشرار ٠٠ الدار أحرگوها
اطفالك العدوان ٠٠ ويلي فجعوها
شردت من النار ٠٠ يوم سعروها
تذكرت عمتك ٠٠ وطفال أخوها

هاجت أحزان مصاب الغاظريه
من شفت نار أبدارك سريه


يا هم اللفاني
جرح گلبي وعماني

تدري بعدك كثر نوحي ونيني


✍💔

أصبحت يابوي ٠٠ ونتي مسموعه
وآلله بغيابك ٠٠ الروح موجوعه
ونشكي للباري ٠٠ الهظم واللوعه
وننتظر الثار ٠٠ المهدي بطلوعه

يمته تظهر يبو الطلعه البهيه
وتاخذ الثار من ولد الدعيه

وبالهفه أتاني
جرح گلبي وعماني


تدري بعدك كثر نوحي وحنيني

✍️💔
تمت والحمد لله
✍️ سهام المالكي
لااجيز حذف الإسم
نسألكم الدعاء بتعجيل الفرج لصاحب الزمان عج

قصيده ⑦

قصيده بحق الإمام الصادق
طور ثكيل
--------المستهل---
عليك الروح يالصادق مالومه
صبحت من حزنهه اليوم مهمومه
عليك الون يلوك الون ياعمري
ألك يجري الدمع مابطلت حزني
-------------------------------
شما أكتب يتيه الراي وفكاري
من أذكر مصابك تشتعل ناري
يضل دمعي علصادق بس جاري
جرح بيه ويلمصابك فتح جرحي
عليك الون يلوك الون ياعمري
-------------------------------
يل سمك فتح جروح دلالي
جم مسموم من قبلك يالوالي
حكي لو انوح دمعي يضل هالي
بس سمك يذكرني ويذكرني
عليك الون يلوك الون ياعمري
----------------------------------
تذكرني ألامك بعزيز الروح
لسه علحسن جدك بقينه نوح
يالمسموم علمسموم تزيد جروح
شنسه من هلك انه وشهودني
عليك الون يلوك الون ياعمري
--------------------------------
شلون انسه علي السجاد والباقر
يلهمك مثل همهم والزمن عابر
الجره على اولادج يازهره ولا صاير
عليجره عليهم ضلعج المحني
عليك الون يلوك الون ياعمري
-----------------------------------
يالصادق شهودني علىمصابك
يالمالك مزار واكعد ابابك
تنوح عليك من حكها احبابك
قبور الكم مهدومه يالمهدي
عليك الون يلوك الون ياعمري
-----------تمت بعون الله----
✏️📝الخادمه الذليله
لا يجوز الحذف غير مبري للذمه
امانه عند الزهراء