Прэм'ера паэмы "Каляды" і прэзентацыя кнігі "Без Айчыны" УЛАДЗІМІРА НЯКЛЯЕВА

• Чытае: Уладзімір Някляеў
• Музычнае афармленне:
Дзмітрый Дуганаў (хэндпан, духавыя)
• Мастацкае відэа-афармленне: Аляксандра Канафальская

Калі: 14 снежня 2024, 19:00
Дзе: Клуб Proza, Przejście Garncarskie 2, Wrocław
Уваход вольны, данаты

Глыбокая, фантастычна-біяграфічная паэма беларускага генія – Уладзіміра Някляева, якую прачытае сам аўтар ў суправаджэнні касмічных гукаў ханга – інструмента, што таксама не мае Айчыны, і мастацкага відэа-афармлення – жывых ілюстрацый, што будуць з'яўляцца і знікаць на вачах гледачоў.
Прагучаць і вершы паэта, у якіх абсалютна ўсе словы адгукнуцца кожнаму неабыякаваму да сваёй зямлі беларускаму сэрцу.

Можна будзе набыць новую кнігу "Без айчыны" і атрымаць подпісы аўтараў.

Не вечар, а сапраўдная мастацкая дзея!
Шчыра запрашаем.

✨

У цемры Свету з чатырох бакоў
Віруе Смерць, знішчаецца Любоў,
А Свет глядзіць у цемру летуценна:
Яна, якой бы цёмнай ні была,
Да першага праменьчыка святла
Каляднай зоркі... Вечнае нязменна.