Yaxshi inson har qayerda
Tabassumla kulib turadi.
Sizga aytsam, ba'zi payti
Odamni pul quturtiradi.

Vijdoniga parvosi yo‘q,
Insofiga savdosi yo‘q,
Ba'zisining savodi yo‘q,
Ishongin, pul quturtiradi!

Ko‘ylagiga dog‘ tegmaydi,
Qo‘shnisiga yog‘ yetmaydi,
Kayfiyati chog‘, yetadi,
Ishongin, pul quturtiradi.

Yo‘q emas, xo‘p, puling bo‘lsing,
Ro‘zg‘orda ul-buling bo‘lsin,
Qizing va bir uling bo‘lsin,
Lekin-chi, pul quturtiradi.

"Shoir gapni ko‘pirtiradi...",
Shoh davlatni o‘pirtiradi,
Xalqning pulin supurtiradi,
Ularni pul quturtiradi.

Gap-gap bo‘ldi, gap befoyda,
Pul oqarmi axir soyda,
Bilib qo‘ygin bitta qoida:
Odamni pul quturtiradi!

SAFSATA