Feya's world🪐

Ehson qilish, muhtojlarga yordam berish juda ham yoqimli. Ularning qalbiga quvonch bag'ishlash, ko'zlarida baxt uchqunlarini ko'rish insonga rohat bag'ishlaydi.

Lekin kimga yordam berishni farqlab olish kerak.

Odamlar eng gavjum bo'ladigan joylar, masalan bozorlarni olaylik. Navoiy bozori atrofi lo'lilarga (biz jo'gi deymiz) doim to'la bo'ladi. Ko'zingizga qarab, xuddi duosi amalga oshadigandek shunaqangi duolar qiladi, hech qachon eshitmagansiz unaqasini.

Unutmang!

Ular bu ishni, tilamchilikni kasb qilib olgan. Buni kasb qilib olish bu katta gunohlardan biri. Ularga pul yoki nimadir berib gunohiga o'zingiz bilmasdan sherik bo'lib qolmang.

Asl haqiqiy muhtoj odam kimdandir borib pul so'rashga juda uyaladi deb hisoblayman. Ko'cha-ko'ydagilar esa bu ishni shunchalar ko'p qilganki, beti qotib ketgan.

Ehson, saqada qilmoqchi bo'lsangiz oldin yaxshilab o'ylang. Peshona teringiz bilan topgan pullaringizni ko'chadagi firibgarlarga shunchaki tutqazmang.

Parijga borib effiel minorasida MANTI yeyish

Instagramda ham, YouTubeda ham o'zbek tilidagi kontentlarning katta qismi trash.
Bir-birini g'iybat qilish, orqasidan gap qilish, piarlardan boshqa narsa topolmay ham qolasiz.

Anchadan beri ingliz algoritmida edim, ko'rmay qo'ygandim o'zbeklarni.
2 kundan beri o'zbek algoritmida o'ralashib qoldim va o'zimizga achindim.

Bunday bema'ni kontent oladiganlarni yo'q qilsa bo'ladi: hech bir postiga like, comment yozmaslik, aktivini tushirish kerak.

Afsuski, o'zbeklarga bu narsa maza beradi, qandaydir Mashaning yuzini ko'rishdan tortib, bo'lar-bo'lmas vaynerlargacha.
Hech bo'lmasa siz hissa qo'shing.

Shu kabi videolar chiqsa spam bosing, bloklang, negativ izoh ham yozmang, zora kamayishsa.

Qiz bolaga ilm olish kerak emas. Uyda o'tiradigan odamga yangi narsa o'rganib nima kerak?

Qolgan xalqlarni bilmadim, lekin bizning xalq ongiga shu va shu kabi tushunchalar o'rnashib qolgan. Xo'sh bu qanchalar o'rinli?

Avval vazifalarni bo'lib olaylik. Erkak - ishlab, oilani har qanday xavfdan himoya qila olishi kerak, xoh u moddiy xavf bo'lsin, xoh ma'naviy, xoh boshqa. Ayol - eng birinchi darajali vazifasi farzandni tarbiyalash.

Shunday ekan u uyida o'tiradiku, bolani katta qilib bersa bo'ldi deyish juda ham noto'g'ri.

Farzand tarbiyaning katta qismini onadan oladi, chunki ko'p vaqti onasi bilan bo'ladi. Shunday paytda ona ilm olmagan, faqat uy yumushlari bilan shug'ullanadigan, bola yig'lab qolsa kelib ovutib, yana ishlariga sho'ng'iydigan odam bo'lsa, bolaning kelajagi farovon bo'lmay qolishi mumkin.

Ona farzandida kitobga mehr uyg'otishi kerak, ilmga chanqoq qilib o'stirishi kerak, izlanuvchan, yangi narsadan chetda qolmaydigan qilib ulg'aytirishi kerak. Farzand uchun birinchi maktab bu - ona!

Buning uchun esa qizlar yoshligidan dunyoviy, diniy ta'limni o'z o'rnida o'rgangan bo'lishi, zamon bilan hamnafas bo'lishi lozim.

Ilm olish kimgadir mumkin va kimgadir cheklangan emas. Hamma birdek ilm yo'lida umr kechirishi kerak aslida.

#thoughts
@feyas_world❤️‍🔥