هواي منكم يكول:
(الادمن علي يحجي ويه بنات _ الادمن علي يتشاقه ويه البنات ....الخ)
بس خلوو بالكم وياي شويه فدوه
اول شي لازم نعرف اني لا نبي ولا معصوم!!
يعني حالي حالكم اسوي ذنوب كلش هواي...💔👌🏻
بس ذنب عن ذنب يختلف
يعني اني احجي ويه بنات بس ما اسرق
اني احجي ويه بنات بس ما أسكر
يجوز انت صحيح متحجي ويه بنات بس تسوي اشياء وذنوب اعضم مني بأضعاف..!!💜👌🏻

اما شي ثاني
اني صح احجي ويه بنات واتشاقه واحشش ....الخ بس ما اقصد شي ولا بداخلي اكوو نيه سوء
مجرد علاقه صداقه وضحك وسوالف تخفيف للواقع الاني اعيشه
واتصور هواي منكم مضحكهم بموقف وخالهم ينسون حزنهم وبلسانكم كايليهه الي
اني صحيح احجي ويه البنات بس بعمري ما لعبت بمشاعر بنيه
اني صحيح اتشاقه ويه البنات بس بعمري مكلت لبنيه اني احبج واني ما عندي مشاعر اتجاهه ....اله مره وحده وبعمري مراح اسامح نفسي عل سويته وهذه واقع
تره اني هم عندي اخت وباجر عگبه راح تكبر واعامل بنات الناس مثل ما احب يعاملون اختي... 🌸✨

هسه 99.9% منكم راح يكولون لو عندك اخت جبيره تقبل تحجي ويه ولد..؟؟
الصراحه ايي..!!
بس بشرط يكون هل ولد يفكر مثل تفكيري
بشرط يكون هل ولد ميحاول يستغلهه
بشرط يكون هل ولد يخاف عل بنات العالم مثل ميخاف عل اخته
بشرط يكون هل ولد واعي وموو همجي وكل همه يقضي حاجته ويترك البنيه ويروح..!!
اني بحسب تفكيري وقناعتي مقتنع بعلاقه الصداقه بين ولد والبنيه بشرط الطرفين يكون واعي ومثقف..!!💙✨
وافضل الصداقه عل الحب وهل خرابيط كللللشش هواي
لذالك يا ريت لو تركون اخطائي وتنتبهون للذنوب الدتسووهه وكتهه راح تشوفون نفسكم غلطانين اكثر مني...🥀🖤


اسف لان طولت بل كلام بس هل مسئلة هواي دا اسمعهه منكم وحبيت اجاوبكم عليهه💙✨