لــ شـيّمَـاء 🤍☁

كـبرنا وقعدنا نخـتاروا في الطـريق إلي تريـحنا مش إلي نحبُـوها🤍 .

مـافيش حـد مايغلطـّش ، ومـافيش حـد ملاك ، كـلنا عـيوب لولا سـتر الله بس🤍 .

للي بنحسده نحسده على انه سبقني على الصلاة
ونحسده على تواصله مع ربي 💛

اما بنحسدك عالعز ؟
العز هدا كبرنا بيه ومانتكلموش بيه ومايتكلم عالعز الا
يلي شافه جديد وفرحان بيه !

أساسا انتِ درتي خير صح 🤍؟
اكيد ربي حيجازيكِ جميلتي 🤍
وبالنسبه للناس في الي مايعترفوش بالخير مهما درتيلهم يجي يوم ويعزروك وينسو كل شيء !
فـ ديري الخير لوجه الله واجرك حاصل بإذن الله 🤍!
وهك مش حتتعب نفسيتك وتقولي ياريتني مادرتلهم وهك لان اساسا من الاول لوجه الله وتبي الاجر 🤍!

درت زي مادرتش ، وقفت معاهم زي ماوقفتش ، جيت على روحك زي ماجيتش ، لما بدير حاجة ديرها لي ربي باش تستني أن يردولك حاجة مستحيل الا القليل🤍

اللي يتوضّأ فِ هذا البرد الشدِيد ومحافِظ على صلاَته فِي وقتها ، ربي يثبّتك عند السؤال فِ القبر وتفُوت ع الصِراط يوم القيامة كالبرَق ، اللهم آمين . 💛🤲🏻

لا تدري ممكن اليوم اخر ليله ليكِ في سريرك واخر ليله ليكِ في هالحياه 🤍💔!
ماترقديش الا وانتِ قاريه الملك باش لو متتي تنجيك من عذاب القبر وشيء جميل بكل هذا 🤍!
وكذلك الصلاه سواءا الوتر او قيام الليل ممكن اخر سجدات ليكِ الليله 🤍💔 !
وكذلك توبي وخودي كل احتياطاتك ماتندريش راه ممكن خلاص مزالك ساعه وتموتي !
سامحي الناس ولو حد مضايق منكِ او مضايقه منه تسامحوا بالذات لو حد عزيز عليك حيتعذب هلبا بعد موتك وهوا يتحسر امشي لربك وانتِ مخليه اثر جميل ومش مزعله حد !
#الموت_تأتي_بغثه !

‏#تذكير 🤍
- الملك المنجيه من عذاب القبر 🤍
- الإستغفار🤍
- أذكار النوم و المنبه 🤍
- قيام الليل🤍
- الوتر 🤍
- الفجر🤍
#وذكر فإن الذكرى تنفع المؤمنين٠٠🤍

كلام قنين هلباا 🤍🤍🤍👌

ريتيها شافتنا ودارت الحولة تسلم بمزاجها !
( وهي مسكينة ناسية عدساتها وماتشوفش البعيد كويس ) !

شافتنا ومشت تجري تحسابنا ميتين على الهدرزة عليها !
( وهي كانت تجري لأن بوها عصبي ومايحبش يستنى )

قداش حقوده نزلت بوست ع ولدي مادارتش حتى لايك رغم أنها فاتحة وتعلق ! هذا كله على خاطر ربي ما اعطاهاش صغار !
( وهو ما طلعلهاش أصلًا أو شافته والنت انقطع بعدها ! وهي أكثر وحدة تدعيلها في ظهر الغيب وحامده وصابرة )

شوفي نبعتلها في رسائل وادير في seen وماتردش !
( وهي لهت في حوسة ناس جايينها /كانت برا وفاتحة من رصيدها وتم / تقرأ عندها امتحان وفتحت شوية وسكرت /خوها الصغير ناش الرسالة وفتحها وهي ماتندريش عليه .. الخ !

سمعتي بفلانه طلقها راجلها زي ما كنت متوقعة خاشة ع الزواج طامعه في فلوسه !
( والعيب كان فيه لكن هي ستراته وتحملت وصبرت على كلام النّاس وأذيتهم )

حي شوفي فلانه راكبه مع صاحبها في السيارة .. عاد ماعندهاش خوت ولاد من منو بتخاف !
( وهي راكبة مع خالها الصغير الي بينها وبينه سنتين ! )

---------------------------
ديما غالبنا سـوء الظن وديما نشوفوا للنّاس بنظرة سيئة وحتى تفكري تعطي اللّي قدامك عذر يجيك الشيطان ونفسك الأمارة بالسوء ويبدو عاد ( لااا هذا بالذات توقعي منه كل شيء )
رغم أننا مرّات ننحطوا في نفس المواقف ووقتها مش حنحتاجوا إلّا أن النّاس تحسن الظن بينا !

أحسني الظن مش ع خاطرهم بل ع خاطر نفسك 💙
جربيها والله راحة غير طبيعية، حتصفي قلبك من الحقد والكرة والحسد .. حتحفظي لسانك من الغيبة والنميمة
اللهم تحسني الظن وتكسبي الأجـر ( حتى لو هما غلط فعلًا )
ولا تسيئي الظن بيهم وتلقيهم قدامك يوم غدوه واقفين ويأخدوا في صلاتك اللّي صليتيها وصيامك في رمضان والعمرة اللي تعبتي فيها وهذيكا السويعة اللي قريتي فيها القرآن ومانبيش ندوي ع الصدقات اللي اعطيتيهم !

ما اظنش في حد يستاهل يأخد حسناتك

ولا أنتِ زايدات عليك ولا ايه..
___

منقول من صفحة الأخت الكريمة
حلومة فتحى

تعرفي إنك لما تفيقي من وسط نومك مثلا عطشانة أو لأي سبب تاني يكون ليك دعوة مستجابة.
_ ليش هو أني كنت مسافرة في الحلم ولا شن؟
= لا ياستي حنقولك علاش؟

قال النبي ﷺ:》ما مِن عبدٍ يتعارّ من الليل -يعني يستيقظ- فيقول: لا إله إلا الله وحده لا شريك له، له الملك وله الحمد وهو على كل شيء قدير، سبحان الله، والحمد لله، ولا إله إلا الله، والله أكبر، ولا حول ولا قوة إلا بالله، ثم يقول: اللهم اغفر لي، أو يدعو؛ فيستجاب له، فإن قام وصلى قُبلت صلاته《🌸

#سنة مهجورة [أحيا الله من أحياها]🌸

حتى ولو كل شيء مسكر في وجهك استغفري ادعي حتى ولو غلطتي توبي 🤍!
امحي السيئه بالحسنه خير من يقعد كل شيء سيئات 🤍!
حتى ولو نسيتي ماصليتيش لما تتذكري صلي حتى ولو انتِ في هلبا اشياء مش كويسه ديري الخير وديري الكويس🤍!
#جاهدي_نفسكِ
#لنتغير_للافضل

‏حتى لو تسمع اغاني , لاتهجر القرآن ،
حتى لو تغضب الله , لا تقطع الصلاه ،
حتى لو ماتستاهل , لا تترك الدعاء ،
حتى لو عيشتك ضياع , لا تقطع عمل الخير . 🌸

#اللهم قربني إليك تقرباً يُرضيك.💛

- لّما تلقـىَ روحـك فرحَان لـ غيرك أعـرف إنـك شبعـَان وقلبـك نظيف وتـربيت كـويس 🔥

#اذكـار_الصباح
الحصن المنيع من كل شر ماتنسوش اقروهم كلكم هي اكسرو الشيطان واحفظوا انفسكم🤍💪

تفكروا احبتكم بالدعاء ولو بدعاء بسيط ممكن يكون سبب في تغيرهم للاحسن او فرحهم🤍!
الحُب دعاء والدعاء اجمل اهداء 🤍!
تفكروني حتى اني عاد بدعوه هكِ مش تنسوني مره وحده 😶🤍!

تعـرفو أسرع دعاء يُستجاب شن هـوا !..

💎🌸
الإمام أبن تيمية يقول: أسرع الدُعاء إجابة، هو الغائب لغائب.. 💎🌸 إنك تتفكـر صاحب أو حبيب فتدعيله أو يدعيلك، وقتهـا الدعاء بإذن الله مـِشْ حا يأخد وقت ويبدا من ضمن الدعوات المقبولة بإذن الله.. لأنه جاء من الطريقه المختصرة اللي مفيهاش كلام، والنبي ﷺ قال لسيدنا عمر: لا تنسنا يا أخي من دُعائك، وأكيد إحنا أحوج من النبي لكل دعوة.. 💎🌸
فـ تفكـرونـا وأحبابكـم بصالح الدعاء ..
بالفرج والطمأنينة
والتوفيق،
وراحة البال
والقلب والنفسية..
وطبيعي إن كل دعوة حا تدعيهـاحا يأمن ملك من الملائكة ويقول: ولك مثله.🌸