قصيده حزينه 🥺 للزهراءع
لسان حال مولاتنا زينب ع
-----------------------

صعبه صعبه
صعبه علماعدها ام تسئل عليها
صعبه صعبه
اتخلص الليل ابونين وما تجيها

ذكريات البقن عدها
الموت ياوسفه بعدها

صعبه صعبه صعبه صعبه

〰️〰️✍️〰️〰️

ترى افراك الوالده هظمه اعله بتها
والزجيه ابليل شالت مو وكتها
خلت ابنيتها تبجي ويه اختها
تصيح مظلم بيتها من ماشفتها

ردي بيتج ما نريده
اخلاف عينج يالبعيده

صعبه صعبه صعبه صعبه

✍ام احمد الساعدي

〰️〰️✍️〰️〰️

شلون يايمه اذا جتني المسيه
حبيبه يا دارج تظل توحش عليه
ترى الناس تكول البنيه خطيه
اخلاف امها تحمل اهوايه اذيه

انه يايمه وحيده
ونتي صارت شديده

صعبه صعبه صعبه صعبه

علويه ام احمد

〰️〰️✍️〰️〰️

انه يا يمه وحيده ابهاي دنياي
شلتي يا بلسم جروحي ونور عيناي
من بعد عينج ييمه وين منواي
منج انه ايست وانگطع رجواي

غيبتج تصعب علينه
يمه يا زهره الحنينه

صعبه صعبه صعبه صعبه

ام سـ✍️ـجـاد العسكري

〰️〰️✍️〰️〰️

منكطع رجواي منج غبتي عني
عكب عينج بقت بس الاه فني
والمصايب يم حسن عكبج ولني
تيتمت وانه .ييمه بزغر سني

روحتج ماهي وكتها
بليل يابويه ادفنتها

صعبه صعبه صعبه صعبه

ام✍ علي البابلي

〰️〰️✍️〰️〰️

ردي يا زهره حياتي الروح خلصت
وشكثر بتج عليج اليوم ونت
كلبي مايحمل جفاج شكد تفتت
تحرك الباب وكلت هاي امي ردت

ردتج الروحي تجيه
رحتي عني وموبديه

صعبه صعبه صعبه صعبه

✍ الاء الطائي
〰️〰️✍️〰️〰️

رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 10 جماد الاول 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻


https://t.me/fssduuuhdAAaDdffgghjdaakkAasyuuy