حُ بْ ♡︎.

محلاكـم اللـي نضميتـوا للقناة 🖤)؛

وإن رأيتك للمرة الألف لَن تتغيرّ تلَك النبضة التي أشّعر بها حين أراك

مش حَ نقدر نرِدلك الوجع بالوجع لانه قلبي ما يرضاش فيك، بس متاكده حَ يجي يوم والدنيـا تجيبلك ردها بين عيُونك .

أحلى حاجـة في العلاقة هُوا الإهتمامٌ ،
ضروريٌ من الطرفين يكُـون في إهتمام متبٌادل ، ♥️ ما يجيش طرف مهتم و يدور كل الوَقت والطرف الثانيٌ ولا على بالـه ،

و أهمٌ حاجة في العلاقة هيّا الـثقة بين الطرفينّ ، الثقة تقوي العلاقة و تربط الشخصين ببِعضهم بـكِل حُب ، لا يقعدو شاكين في بعضهم طول الوقت لا يعيشُو ف خيال يمرضو روحهم بيـه ، ♥️

يـوم باهت من أوله ، هذي كـانت أول زيارة ليا لطرابلس ، مكاني بعيد هلبا على هالمنطقة وعلى ناسها ، وصلنا لنفس المكان إللي تبيه أمي وخواتي ، هما خشوا للسوق وأني قعدت في الجردي بروحي ، عارفين أن مانحبش الأسواق ومش جوّي ، قعدت إندوّر في مكان نقعمز فيه ؛
وأخيرا لقيت كرسي بس مقعمز فيه واحد ، مش عارفه علاش شكله جذبني أن نجي نقعمز جنبه ، ولا كئابة روحه شدّتني وقتلي تعالي،
قرّبت منه وقعمزت واضح أنه مش منتهبلي وهايم في عالمه ، طلّـعت روايـتي " في قلبي أنثى عبريه " وقلت خلي نقرا لعند مايطلعو أهلي
وأني منسجمة سمعت الأغنيه من سمّعاته ، واضح الصوت كان عالي ، خلاني نستغرب هلبا كيف شخص زيّه عنده كل السّواد الروحي هذا

معقولة ماحسش بوجودي لتوا ، قعدت هايمة في كتابي وهو هايم في أغنيته ، وريحة قهوته عدّلت مزاجي ...
الجوّ هادي ومع نسمات حلوة ، طرابلس كلها تطّلب مني نكلّمه معاش قدرت نتحمل وكلّمته ...
عفـوا خوي ، هكي قتله كنت نبيه يتلفتّلي ، يشوفلّي ، يحس بوجودي ، معاش نبي نقرأ الرواية نبي نقرأ عيونه ، معاش نبي نتحسس ورق الكِتاب ، نبي نحس بروحه
وهكّي قتله " أني حاسة بيك " لأن شفت الألم في عيونه نفس إللي عندي ، شفت إنعكاس صورتي فيهم ، شفت كسراتي عند شخص ثاني ...
حاسّة بيك إنت زيني ، مش مهم نعرف قصتك المهم إنّـي حسيت بيها
ضحك بضحكة معبية غصة ودموع ، ضحكة تقولّي إنقذيني من يلّـي فيّـا
قتله خليك ديما تضحك ، ضحكتك حتى في الحِزن حلوة
مش عارفه كيف فات الوقت بسرعه والسّمِي بدت تظلم ، أهلي طلّعو وأني لازم نروح
سامحيني يا طرابلس لأن ماجيتكش من قبل ، طِلّعت روحي عندك وأني مانعرفش
نضـت ومخليّـة في مكاني حُب وأغنية و رِواية وضحكة وقهوة ، خليت قلب ومشيت

حنرجعلك يا كُـرسي ♥️