🔐 አንጋረ ፈላስፋ 🔐

ሰላም ውድ ቤተሰቦቼ እንሆ በቃሌ መሰረት ክፍል ሁለትን ይዤላችሁ ቀርቤያለው መልካም ቆይታ💚💛❤️
📚📚📚📚📚

አፍላጦስ፦ ጥበብን ስትሰበስብ ገንዘብንስ ለምን አልሰበሰብክም ቢሉት ? ጥበብ ፈፅማ የከበረች ትሆን ብዬ ነው ። ጨለማን ከብርሃን ጋር አንድ ያደረገ ማን ነው ? ተኩላን ከበግ ጋር ፣ ነብርን ከፍየል ጋር ፣ አንበሳን ከላም ጋር ያወደደ ማን ነው ? እንደዚ ሁሉ ጥበብ ገንዘብን ከሚወድና ከሚሰበስብ ጋር አይስማማም ብዬ ነው አላቸወው።

ዲዮጋንስ ፦ ሞት እንደምንድናት ቢሉት ሞትስ ለባለ ፀጋዎች የምታስደነግጣቸው ድሆችን የምትናፍቅ ናት አለ።

ፊታጎሮስ ፦ የልብ ፆቲ (አይነቱ) ሁለት ነው። እሱም አድራጊና ተደራጊ መሆን ሲሆን ነው ። አድራጊ ማለት ክፉውን ከበጎ በጎውን ከክፉ የሚያስብ አእምሮ ሲሆን ፤ ተደራጊ የተባለ ራሱ ሀሳብ ነው ።

ጋሊኖስ ፦ እንዲህ አለ ፣ የሥጋው ፍትወት (አምሮት) የገዛቺው የፀናችበትና ያሸነፈቺው ሰው የተናቀና ወራዳ ነው ። ፍትወት በሰውዬው ላይ የሰለጠነች እንደሆን ጠባዩ ልክ ልብ እንደሌላቸው እንደ እንስሶች ይሆናል ።

ሰው ቁጣው ያሸነፈችው እንደሆን ጠባዩ እየጮሁ ያገኙትን ሁሉ እንደ ሚነጥቁ እንደ አንበሶች ጠባይ ይሆናል ።
እግዚአብሔር አባታችን ፣ መንግስተ ሳማይ እርስታችን የምታሰኝ የከበረች መንፈሳዊ ኃይል ግን በሰውዬው ላይ ያደገች እንደሆን እንደ መላእክት ታደርገዋለች ከነሱም ጋር ታስተካክለዋለች ። ( ምድራዊ ሲሆን ሰማያዊ ክብርን ታሰጣዋለች ማለት ነው።)

ኃጥያቱን በደሉን የሚታወን ሰው ዕዳ ደብዳቤውን አስደመሰሰ ሰውነቱንም ከሀጥያት ከቂም ከበቀል ንፁህ አደረጋት የመወዳጀት ስራም እንዲህ ነው ። ወዳጅ ለወዳጁ በሁለተናዊው የሚያምነው በደስታው በሀዘኑም ጊዜ ተካፋይ የሚሆን ሲሆን ነው። ወዳጅ ለወዳጁ ስለ ትልቅነቱ የማይታበል ስለ ድህቱ የሚዋረድለት ጠባዩን የማይለውጥበት በማናቸውም ነገር የማይለየው ሲሆን ነው እውነተኛ ወዳጅነት ማለት ነው ።

ሰው ሊያደርጋቸው የማይገብ 3 ነገሮች አሉ እነሱም
ሀ, እግዚአብሔር በቀባው ንጉስ ላይ መሳለቅ ፤
ለ, በአዋቂና በጀግና ሰው ላይ መዘበት ፤
ሐ, በሚመክርና በሚያስተምር ልባም ሰው ላይ መቀለድ ናቸው ።
ይህ እንደዚህ ያለው ነገር ሰብአዊ ጉድለት ይሆንባቸዋል ።

ዳግመኛ ፦ ቁጣ የአዋቂዎች እውቀታቸውን የምታጠፋባቸው ፤ ለጠቢባን ጥበባቸውን የምታበላሽባቸው ናት ።
👆👆👆 ይቀጥላል ......

ጥበብና ማስተዋልን ያድሎን
በዘር በሀይማኖት ከቶ ሳንቃረን
እንደ ክልል ሳይሆን እንደ ሀገር ሰፍተን
ብዛታችን እንድ ይሁን ፈቅር ይፅደቅብን ።


🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
@gbw_dan @gbw_dan
@gbw_dan
@gbw_dan
@gbw_dan
@gbw_dan
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹