ትልቅም ነበርን ......

"ትልቅም ነበርን ትልቅም እንሆናለን" በሚል በዚህ ተረት
ጉድለት ይታየኛል የከፍታ ርቀት ።
ትልቅ ሆኖ ሳለ እንዴት አርቆ ከፍታን ይመኛል
አላስተዋለ እንደሆን ውርቁ እግሩ ስር ይገኛል ።
በነጮች እስታንዳርድ እራሱን ለክቶ
ያባቶችን እውቀት ወደ መሬት ከቶ
ደሃ ነኝ ብሎ አለ ውሉ አፍ አውጥቶ።
ንገረኝ ወገኔ ትርጉሙን የድህነት
መራብ መጠማት ነው እንዲሁም እርዛት
ይሻላልም እኮ ሰውነትን አርክሶ ሆድ እቃ ከመሙላት !!!

ትልቅ ሆኖ ሳለ ካለም ፊት ቀዳሚው
በምን ተለክቶ ደሀ የተባለው ?

አሰተውል ወንድሜ ማዶ ማዶ አትይ
ስንዴ እንዳልመፀወጥክ አሁን ስንዴ አትለምን
አቀርቅረህ ፈልግ ይቅርብህ የሩቁ
እዚው ታገኛለህ አልማዙንም ወርቁ !!!

የሰው ወርቅ አያደምቅ እንዲልስ ቢሂሉ
ባገር ባህል ና ወግ ሲያጌጡ ያምራሉ ።

ይልቅስ ወገኔ ዝጋው ይህን ተረት
ትልቅም ነበርህ አሁንም ትልቅ ነክ
ብቻ አንተ አስተውል እንዳድማስ አስፍተክ
በወሰን አትወስነው የአእምሮህን ልክ
የኋላህን እይ የ ነው መሰረትክ ።


@gbw_dan
@gbw_dan
@gbw_dan
🇪🇹🇪🇹🇪🇹🇪🇹🇪🇹🇪🇹🇪🇹🇪🇹
🇪🇹🇪🇹🇪🇹🇪🇹🇪🇹🇪🇹🇪🇹🇪🇹
🇪🇹🇪🇹🇪🇹🇪🇹🇪🇹🇪🇹🇪🇹🇪🇹