علي الزهيري القيسي العبسي، منبر

خلوا ابن عمي - انهُ اولى
كفئاً لاسمي - ربهُ ادلى
وقالَ قبلَ البابْ * بايةِ الكتابْ
سيصبحُ انقلابْ * خيانةُ الاصحابْ
خلوا ابن عمي _ إنه اولى
__
قد قالها المختارُ والقلبُ حزين
ياالَ بيتي اعلموا مستظعفين
افاطمٌ لو خلتي حيدرْ ماترين
وعلى داركِ امسوا هاجمين
وصيةُ المختار
افحمتْ الكرار
يرى علوَّ النار
وهجمةُ الكفار
ماكادَ يحمي _ الصمتُ احرى
خلوا ابنَ عمي _ إنه اولى
_
قالَ لها ويوصي بالتقية
ايتها المحدثه الزكية
السيده الراضيةُ المرضية
استمعي الاذانَ يانقية
محمدٌ هناك
قد صدحوا فذاك
لو شئتِ أن يحاك
ويُصبحُ الهلاك
قد زادَ همي _ فالدينُ يمحى
خلوا ابنَ عمي _ إنه اولى
_
يازهرةَ النبوةِ المشكاةِ
ياحجةَ اللهِ على الولاةِ
الصفرُ لبسي والوغى مناتي
اليومُ أعلنُ في البغى الشتاتِ
فبيتكِ الاحزان
لاارضى أن يهان
ويكتب الزمان
لليثِ العنفوان
تعلمي اسمي _ في الأفق أعلى
خلوا ابنَ عمي _ إنه اولى
_
قامتْ ونادتْ بينهم خاطبة
ماتتْ وكانتْ عنهمُ غاضبة
أوصتْ علياً وانبرتْ كاتبة
لايحظرونَ الطغمة الكاذبة
فمرقدي أخفيه
كي لا يجيءَ فيه
من ربي لايرضيه
وحينَها يَبنيه
قائم الأمرِ _ لهُ تصدى
خلوا ابنَ عمي _ إنه اولى
_
علي العبسي

خلوا ابنَ عمي - انهُ الاولى
كفئاً لاسمي - ربهُ ادلى
وقالَ قبلَ البابْ * بايةِ الكتابْ
سيصبحُ انقلابْ * خيانةُ الاصحابْ
خلوا ابنَ عمي

راجع واحجي كلمه التقنع البال
وامشي ادانش واصفن يمرتاب
اني بعبرتي اتسله وي الحسين
وانت يجوزلك من بيه تغتاب
مره من الظهر غنيت بكفاي
ومره كبال عينك سهم ونصاب
بيه تفننت كف انخي مولاي
واكله الشتم واصل حد الرجاب
بعت ثكل الجبل ياريشة الريح
ملمس حيه وادري شلون تساب
شفت غيري اليذلك بيه ترجيت
واجيت ورحبتلك فاتح الباب
يمروك وتدك ناعم يحاجوك
واحاجيك وترد صيهود خنياب
مابيناته كلمة هوى الترحيب
وبعد إيست منك ماعليك أعتاب
سرب عالينهرونك وأنه بمسعاي
من تفرغ الدنيا بكلبي عدي أصحاب
بس المشكلة مباويني ومباويك
يمتى الي اليفرك بينه بأسباب
اهي اجم يوم تخلص حتى لا ذم بيك
ولا نرجع تسبني وارد بسمك ساب
امليها شما ردت صفحة اعمالك هاي
بس موش انجرف مثلك واصرين زاب

أحد الأخوان رفيق اخي في السجن طلب مني قصيدة على فراق ابنائه فكانت 👇
المفارك أحبابه اتضيك بعيونه
شلون أن جان ولده الي يودعونه
_____
عين الناس ماترضه اعله من عدها
واحد يصبح احسن منها يبعدها
فقط بس الابو واليعد والدها
اذا بزرته تغلبه تضحك اسنونه
شلون أن جان ولده الي يودعونه
_____
الابو خيمة البيت ولو مشه يحسب
حال عياله شنهو ويبقه مترقب
الابو جلماته حلوه حتى من يعتب
كل احساس ضنه مايخيبونه
شلون أن جان ولده الي يودعونه
_____
وداع وصار هاي ايام زنزانه
يبث همومه لله ويرفع أحزانه
مو وحشة المحجر عاجده السانه
على فراك الولد يلتهب جانونه
شلون أن جان ولده الي يودعونه
______
كبل من جنت اسافر لو كصدت اطرش
بكلبي تضل مناجل بالنياط تحش
هسه شلون حالي والايام تغش
دارت وأنه وحدي وبالي مغبونه
شلون أن جان ولده الي يودعونه
____
ملكاكم هلا والبسمه والشبكه
يبويه الدنيا صارت من صدك ضنكه
زادي وملبسي ولمتنه والضحكه
ماعون الحبس مو مثل ماعونه
شلون أن جان ولده الي يودعونه
_______
يبويه أن شاءالله تفرج وشوفنكم
وفك بيبان كلبي بوسطه اظمنكم
واجي بلهفة مفارك من ابوسنكم
احس من ابتعدتوا روحي مسجونه
شلون أن جان ولده الي يودعونه
______
علي الزهيري القيسي العبسي
فرج الله عنهم
بجاه الحسين عليه السلام

قرآن ثاني الطف ... وصار الوحي حسين
وماينطقُ عن الهوى
أن هو إلا وحي يوحى
....................................................
مو بس فقط بالغار نزلت آية الاقرأ
وفدت على كلب حسين اية كربله الكبرى
من عالم الذر ونشأة التكوين
سفير المعتقد كبش الفدا يحسين
الآيات مو مصحف .... رادت قرابين
علمه شديد القوى
أن هو إلا وحي يوحى
______
رساله بعمق ابو السجاد كل الرسل تحملها
واليطبقها بالتحديد هو وصوته ينقلها
واعيته وندائه الينقذ العالم
مايكمل الدين وينتصر ما لم
بقدومه تتشرف ... هاي الميادين
ماضل صاحبكم وما غوى
أن هو إلا وحي يوحى
______
اخبر وكال المنايا تسير ويانه ونسير
وبعد يومين السبايا بيها يتهاوى المصير
أهل بيتي وجميع انصاري تتلاشه
وجسمي من الرمل يتحول افراشه
وسيف الكفر اشرف ... وخيل الشياطين
ماكذبَ الفؤاد ماراى
أن هو إلا وحي يوحى
______
حسين إنسانية عنده مصلح الحال البشر
ولذلك بقت جمره بكلب كون الله وأثر
كله تتاسى بمناره لاتكل ولاتمل
نور أعماله اليدون بسم ابو اليمه السجل
يخسر الما انصف ... صوت الملايين
عندهُ الآخرةِ والأولى
أن هو إلا وحي يوحى
____
علي الزهيري القيسي العبسي

شوف شتنقل أسماء. ترويلك مواجع
بمأساتج يزهراء ... هذا الخبر فاجع
يامصحف الباري ... يلهب جمر ناري
..............
صوت اعتله من الزهراء
يابت عميس اقتربي
والحزن عم الارجاء
وأسماء نادة ربي_
_لا علي هنا لا أبناء
ولا من رقيب الجنبي
يزهره فكدج مأساة
كطع انياطه الكلبي

كبال القبلة جفين .. رفعت لله تدعي
وين الحسن وحسين .. ياعبرات دمعي
دم الدمع جاري ... يلهب جمر ناري
..............
لن أحس بلباب حسين
بصحبة أخو لاكوني
_وين امنه كالوا ماوين
_وباوعوا تجري اعيوني
شنهو الأسباب و تبجين
جاوَبت من سالوني
حك الها دمعات العين
امكم مشت يعيوني

بلغو حيدر شصار .. كلوله بامرها
راحت أم الأطهار ... ياحسرة خبرها
جرح الضلع ساري ... يلهب جمر ناري
........
_أقبل علي وشاف الحال
منه انكسر وجدانه_
عد حسن وحسين امال _
_ بلكت ترد ويانه_
_حظنوها والمدمع سال
وجبريل ناده السانه_
_نحي أولادك أوكال _
_الكون انفجع سكانه_

ملائكة الله مولاي ... الموقف شاركاها
الرايح يسأل الجاي ... عن علة بجاها
سهم الألم ضاري ... يلهب جمر ناري
..............
أبخفيه ليش أسأل دوم _
خير النسه يشيعوها_
_وصت بعلها المظلوم _
_خاف العده يحضروها_
وأسما ام كلب المهضوم _
حضرت لمن دفنوها_
ضل بس ابو صالح يوم
_من يظهر يزورها
ربي اجعلنا أحرار ... للمهدي وننصره
ونحظر غادي زوار .. يم مرقد الزهرة
مجلس حزن قاري ... يلهب جمر ناري
___
الصغير أمامها
علي هاشم الزهيري القيسي العبسي

غير أنه أحبك حب الحديثات
للكامل وصف يشتاكن الجيه
يمكن بابكم يكرهني مل هواي
من كد مامعطره بجفي يوميه

دريحن ياشداد العصب .. وهدان
انه وياك بالعباس .......... وهدان
عدل لأنك كديش الكوم .. وهدان
مثل بربوك ماتغرك اذيه
........
بيت لغز الفايز اليفسر
البيت الثالث ورباط الابوذيه

كلشي وياي خله يصير يامحبوب
بس عن ناضري إياك أن تبعد
ياوجه الكمر وعيونك الحلوات
مثل عين الشمس لو ردنه بيها نصد
بياضك جن ثلج وأنه بجهنم صيف
صبغ الله الأصيل وعالمك تحسد
ركبت صورتك بدماغي صار سنين
واليركب اكحيله تغير من يلكد
مره تمازحت وياك واتشاقيت
كتلك مو حلو غير استجن واكعد
شفت تحمرن من الخجل وجنات
جن ورده بهواها تروح لحظه ترد
سارح بالعشك ارحمني مو جنيت
أشباح خلاف عينك والأبواب تسد
هيج الشوغه تاخذني وارد اردود
وأذكر ضحكتك وافكاري تهود
من اتعنه الك أشعر خفيفه الروح
وكلبي يكول عجل والحبيبك شد
..............
علي ال زغير الزهيري

الجنت اظنه وياي خيب ظنوني
شفته يتربص غاد لمن ولوني

جواب الشاعر ابو حسن الحسيني

المَلَّك لاتچودر يمه واترفَّع
والرادوك مُرهم دوم لاتگطع
واذا محتاج فزعه ياشهم نفزع
🌷🌷🌷🌷🌷🌷🌷🌷

اليمهم جودرت كالوا ثكيل هواي
والعنهم رحت كالولي لاتكطع
حاير بين اروح وبين اضل بدار
وبين اثنينهن مدوهن اشصنع
#ق

زاير الج يخت الرضا- والكلب ملجوم- متحمل هموم
++++++++++++++++++
مولاتي جيت وبالكلب جم لوعه
وادري بحظرتج كلمتي مسموعه
يامن تردين الكصد ودموعه
بيدج تنشفيها ويفض موضوعه
باب الشرف والموعظه-لليكصد اليوم- متحمل هموم
++++++++++++++++++
والي يزور بحضرتج مقبوله
منه الزياره وخير الله ينوله
بس كون ذاته بمقبلج مشغوله
هواي الروايات شكثر منقوله
كل مشكله وكل معضله محلوله
هاذي منار الرافضه- للحاله مسكوم- متحمل هموم
++++++++++++++++++
اقسم عليج بوالدج باب الحوائج
وامشي اخوج المنتقب راعي المناهج
تخلين كل شده من عدها خارج
وارجع الربي ومبتشر الباري عارج
تلتهب نيران الغضى- وديلها غيوم-- متحمل هموم
++++++++++++++++++
صادفت يوم مصيتج عذرني
خاف اثكليت بحاجتي وتخميني
مفروض كول اصرخ وهل مي عيني
ومايبطل كبالج صدك تأبيني
بعبراتي اضج حتى الفضا - ماشوفن النوم - متحمل هموم
++++++++++++++++++
علي الزهيري القيسي العبسي
///
كتبت قرب السيدة المعصومة
لأيام عزائها عليها السلام

سلطان ال المصطفى -- يرضا
نور الله واضح ما طفه -- يرضا ... ياعلي بن موسى
&&&&&&&&&&&&&&&&&&&&&&&&&1
ياعلي ابن موسى انت نور الشمس
وتشع وسط كلبي بوجودك احس
ياطيب الذات وعزيز النفس
موضع هدايه وللعوالم درس
----------------------------
سلطان سموك بهلك .. يرضا
شع نور وجهك عالفلك ... يرضا
... ياعلي ابن موسى
::::::::::::::::::::::::::::::::::::::::::::::::::::::::::::: 2
المامون رادك يمه عنده غرض
من والده بنفسه يحز المرض
واكبال عينه سيدي يفترض
منك يخاطر والنضر ماغمض
---------------------------
رادك كباله ويوصلك -- يرضا
ازمام الوزاره سلمك -- يرضا ... ياعلي ابن موسى
::::::::::::::::::::::::::::::::::::::::::::::::::::::::::::::::: 3
القحط من صاب البلد والاثر
بين عله الناس وتون البشر
مِن السمه بدعواك ينزل مطر
وابن الرشيد يشوف بس انبهر
---------------------------
شاف الكرامه وانفجع -- يرضا
استاء من يوم السمع - يرضا ---- ياعلي ابن موسى
:::::::::::::::::::::::::::::::::::::::::::::::::::::::::::::::::: 4
من شاف كل الناس ليك انحنت
احقاد صدره من صدك بينت
ونفسه الخبيثه دوم ماامنت
سماك والعالم حزن ابنت
-----------------------
شيعتك حزنت بالالم --- يرضا
الظالم بشخصك مارحم -- يرضا ---- ياعلي ابن موسى
::::::::::::::::::::::::::::::::::::::::::::::::::::::::::::::::: 5
امنيتي يامولاي كون اوصلك
احسبني غزاله واتوسل الك
ارزقني الزياره بعمري اتاملك
بجدتك فاطم سيدي اتوسلك
---------------------------
اوصل رحابك وانتعش ---- يرضا
فرحان بيك ومندهش --- يرضا ------ ياعلي ابن موسى
----------------------------------------------------
خادم الرضا ع علي الزهيري

انا جندي من الحشد .... للمعارك مستعد
بساتري وبغارتي .... من بعيد ازيارتي ... ياحسين ياحسين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 1
من بُعد هذا اعتذاري والعهد بيمــــيني
موش دفتر للزياره سلــــــــمتلك عيني
سددته بنحر خصمي عاليضد احسيني
عهد للعباس كاتب ابقه احامي الديني
بيد اخوي اوصيه ... استشهد بهالجيه
كلت وصل اعبارتي .... من بعيد ازيارتي ... ياحسين ياحسين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟2
ياوريث ادم ونوح عندي يمك مبتغـــــى
حشدك البار المقدس ينتصر عَليْ بغى
فكر دولة ال اميه عاليوالونك طغـــــــى
كأن تستنهض انصارك كلبي سولف بالوغى
ناصرك يبن النبي ... فاطمي انه وزينبي
والملاحم جارتي .... من بعيد ازيارتي ... ياحسين ياحسين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 3
مثل ما ادخل ضريحك منك اطَلبْ رضا
حالاً استاذاني منك ادخل بلهب الغضى
بنار لاجلك روحي تصله مااهم حرك اللضى
جادلت بالتي احسن فكري حكمه وموعضه
الله سد كلوبهم ... عاشكين ذنوبهم
ما تحدو شارتي .... من بعيد ازيارتي ... ياحسين ياحسين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 4

ازيارتي طف العقيده وقادتي انصارك
المرجعيه مثل صوتك تنقلنه افكارك
احنه حشد الطف اسمنه بالاجل نتبارك
دورنه والباقي تحيي بالمجد زوارك
اعلانه الهم يرتفع ... ادعونه بفيض الدمع
ما تكون اخسارتي.... من بعيد ازيارتي ... ياحسين ياحسين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 5
عايشين الغاضريه بالحقيقه وبالطبع
الف جاسم عاف عرسه بالسواتر منصرع
والف رمله تعوف ابنها وينكطع خيط الشمع
وناس عطشانه الولدها ترتوي بماي الدمع
ذكريات ومئسى ... بيومكم تتاسه
بزودك انته اكبارتي.... من بعيد ازيارتي ... ياحسين ياحسين

الدهر ولم مهرته،،، شدرسنها
أحوال الناس تصعب ،،، شدرسنها
اسود وغابه تاخش،،، شدرسنها
بيه تلوچلو تنغر عليه