حب الطفولة 🥺🖤🖇
مقعمزة نقرا ف كتابي الي متعودة عليه ومنسجمه رن تليفوني رديت ماكانش فيه رد وسكر الخط ونسيته مرة وحده وبعدها بفترة رن نفس الرقم قعدت نسأل ف روحي انه هالرقم مار عليا بس مني ماعرفتش رديت كان صوت ولد قالي نور ،،قوتله اي مني ،،قالي واخير سمعت صوتك ،،قوتله عفوا نعرفك ،،قالي لا ماتعرفينش ومش حتعرفيني وسكر الخط ...... يوم كامل قعدت نفكر مني هالشخص بعدها بفترة طالعه اني واختي محل بجنبنا ف ولد قعد مركز ويشبحلي ف البدايه مانتبهتش قالتلي اختي شوفي مني هذا ؟استغربت كان قصدها ع نفس الولد قوتلها مني قالتلي معقوله نسيتيه هذا محمد ولد جيرنا قبل نفسه الي لما كنتوا صغار يقولك نحبك قوتلها قداش ماتغير وقعدنا نضحكوا وفتنا وهو منتبه معاي يومين تانيات اتصل نفس رقم رديت قوتله مني انت بالله ؟...قالي قداش ماحلويتي هلبا ... طوط فصل الخط
قعمزت نفكر مني هذا واخطر ع بالي انه محمد ولد جيرانا نفسه قعدت نستنى ف مكالمه منه نبي نسأله انه هوا اولا ......معش اتصل ف قررت اني نتصل ونسأل لان موضوع حيرني اتصلت ...
قالي عرفتك حتتصلي !قوتله كيف ؟قالي مش مهم ؟ ... قوتله انت محمد ***قالي قاعده عارفه اسمي ولقبي .....قوتله لا لما شفتك اختي ذكرتني باسمك ..... سكتت وسكت هوا فترة بعدين قالي تتذكري لما كنا نلعبوا ونجيك نقولك نحبك وانتي وقتها تتكنطي ومعش تلعبي معاي وماتصدقيش لان كنا صغار ومانعرفوش الحب بس كبرت وعرفت انه الحب هذا يكبر معاي حتى وانتي مش موجوده ومانعرف عليك شي .....سكتت وقوتله كيف عرفت وين نسكن ورقمي ؟قالي عرفت انه هالحب مستحيل يمتسح من قلبي ومستحيل ننساك ف قولت لازم نوصلك ونقولك انه حب لل10 سنين قاعد لتوا .......... معش عرفت شن نرد لان ماكانش ف قلبي ولا ذرة حب ليه لما طول سكوتي ...قالي نبيك !قوتله اسفه بس اني مش فاضيه للحب وهكي واني اهم شي عندي نكمل قرايتي ولو فيه نصيب ربي حيجمعنا سكت قالي بصوت مخنوق تمام ربي يوفقك وتكوني بخير وسكر ..........
فاتت سنتين ونسيته وبديت نجهز لحفلة التخرج متاعي وكنت فرحانه انه حلمي تحقق وطبعا تعرفوا فرحة التخرج مستحيل نوصفها خشيت للمدرج وناقشت مشروعي واعطوني امتياز وكان تخصصي دكتورة اطفال طلعت من الكلية فرحانه قريب نطير لقيته واقف قدام الكلية شوي بتسملي وجاني قالي حققتي حلمك وباركلي واعطاني باقة ورد ومشي اني قعدت مصدومه كيف عرف انه اليوم تخرجي ........
درت عزومه كبيرة وحفلة وهكي وتعينت وبعدها اتصل رديت قالي الف مبروك دكتورتي ....قوتله الله يبارك فيك شكرا ع باقة الورد ...قالي تتزوجيني ؟...نصدمت ،قالي استنيتك لين تتخرجي وتحققي حلمك توا نقدر نجيب امي .....قوتله حوشنا تعرفه وسكرت .....كنت نستنى شن بصير ماكنتش نحبه بس حبيت اهتمامه حبيت اصراره وثقت ف هذي اللحظه انه لو تزوجنا حيحطني ف عيونه فاتو يومين ع الاتصال وجت امه واخواته وبديت نكلم فيه كل يوم كان حافظ كل تفاصيلي شن نحب وشن نكره وشهور وبدينا نجهزوا للعرس اتزوجنا وعندي توا ولد وبنوته اسمهم الياس ولمار وعايشه معاه مرتاحه وحبه يزيد كل يوم واني حبيته بدرجه لاتوصف .........النهاية ❤❤❤
الي يحب يضحي ويكافح مافيش حاجه اسمها ظروف في انسان حب بقلبه ماتفرقش شهور وسنين الحب يستمر ديما .........💜💜💜🥺
رايكم 🥺❤️
Hidaya_alwarit
